Қара теңізде Румыния жағалауына таяу жерде шетелдік жүк кемесі шабуылға ұшырады. Салдарынан оның капитаны – Әзербайжан азаматы қаза тапты. Бұл туралы Әзербайжан Сыртқы істер министрлігі хабарлады.

БАҚ бұл кемеге Ресей шабуыл жасағанын жазды...

Қазақстанда 16 жасқа толмаған балалардың әлеуметтік желідегі аккаунттары бұғатталуы мүмкін!

Дәл солай. Қазақстан билігі 16 жасқа дейінгі жасөспірімдердің әлеуметтік желілердегі әрекеттегі аккаунттарын уақытша тоқтата тұру мәселесі қарастырылып жатыр. Бұл туралы Премьер-министр Олжас Бектеновтің өзі мәлімдеді.

Бектеновтің айтуынша, заңнамаға тиісті түзетулер әзірленіп, қазіргі уақытта депутаттардың қарауына ұсынылған. Заң қабылданғаннан кейін пайдаланушылардың жасын растаудың арнайы ережелері әзірленеді. Бұл іске Мәдениет және ақпарат министрлігі мен Жасанды интеллект және цифрлық даму министрлігі жауапты болады.

Ал енді жасты анықтау қалай жүзеге асады дегенге келсек:

Біріншіден - ЖИ мүмкіндіктері кеңінен қолданылмақ.

Сосын - Face ID технологиясына ұқсас биометриялық аутентификация әдістері жасалады.

Тұздық: Есімізде, ол кезде Жұлдыз Сүлейменова Мәжілісте депутат еді (қазіргі Оқу-ағарту министрі).

«Мен ұстаз ретінде, ана ретінде, депутат ретінде айтамын – мемлекет пен қоғам әлеуметтік желілер мен мессенджерлерден таралып жатқан ақпаратқа бақылауды күшейтуін талап етуі керек деп санаймын. Таралып жатқан заңсыз, зиянды, бүлдіршіндердің санасын улайтын жүктемелерге бақылауды оқыс күшейтуді қатаң талап ету керек», - деп дабыл қағып, балалардың әлеуметтік желі қолдануын шектеуді талап еткен.

Бұл 2024 жыл еді. Сол жылы «Көк Кит» деген пәле шығып, жасөспірімдердің өз-өзіне қол салуы көп тіркелді.

Әрірек барайық, 2016 жыл. Қазақстанда мектеп жасындағы 31 247 баланың «ВКонтакте» әлеуметтік желісіндегі порнографиялық мазмұндағы парақшаларға тіркелгені туралы ақпарат шықты.

Балаларымыздың психологиясын, рухани болмысын улап, бұзып жатқан әлеуметтік желінің кесірі туралы сол кезде «Білесізбе, «вконтакте» балаңызды «бұзып» бітті?!» деген мақала жазған едім...

50 миллиондық аудиторияны жаулап алу үшін радиоға 38, телеарнаға 13 жыл қажет болса, ғаламтор аталған межені төрт-ақ сағатта бағындырады екен. Біз болсақ, балаларымыздың төрт-ақ сағатта дүниені дүрбелеңге салып, асты-үстіне түсіретін сол ғаламторды игергеніне мәзбіз. Олар өрмекшінің торындай шырмалған интернеттен нені тамашалап, нені көріп жүр? Осы сұраққа жауап іздеп көрдік пе? Жауабын тапсаңыз жаға ұстайсыз. Анығы - дабыл қағар едіңіз, бірден.

Адамзат қоғамы жаңа ғасырдың табалдырығын аттаған бетте ғаламтор дәуірінің құрығына ілінді. Соңғы жылдары интернет әлемі үлкендер ғана емес жасөспірімдер үшін де өте қол жетімді болып қалды. 2000 жылдан кейін туған жастар мен жасөспірімдерді инетернеттің «табиғи тұрғындары» деуге де болады. Ғаламтор жалпыласқан ортада туып-өскен бүгінгі ұрпақ компьютер мен смартфондардың құлына айналды.

Мектеп оқушылары күнделікті білім алу, үй тапсырмасын орындау, материал іздеуде инернет желісінен қол үзе алмайтын дәрежеге жетті. Статистика бойынша бүгінде мектеп оқушыларына интернеттің қол жетімділігі 60-70%-ға дейін жеткен.

Қазіргі таңда оқушыларды ата-аналары мен мектептің бақылауда ұстап отыруы мүмкін емес. Осыдан барып ғаламтор әлеміндегі екі тізгін бір шылбыр өз қолына тиген оқушы қолындағы смартфоннан жасына лайық емес ақпараттар алып, лас әлемнің құйына батуда. Жасөспірімдердің бұрыс жолға бет бұруына біздің елде еш шектеусіз жұмыс істейтін түрлі әлеуметтік желілер де әсер етуде. Бұл да дау тудырмайтын сөз.

Ендеше, 16 жасқа дейінгі шектеу аса қажет шара деп есептеймін!

Нұргелді Әбдіғаниұлы

Швеция Польшаға Patriot жүйелерін орналастыруда!

Швеция Премьер-министрі Ульф Кристерссон Стокгольмның Польшаға Gripen жойғыш ұшақтарын да жіберетінін мәлімдеді.

Олардың басты міндеті – Украинаға одақтастардың қару-жарағы мен басқа да көмегі жеткізілетін НАТО-ның логистикалық хабын қорғау. Осылайша, бұл жаңа миссия Киевке әскери жеткізілімдер жасалатын ең маңызды арналардың бірінің қауіпсіздігін қамтамасыз етуге тиіс.

Сондай-ақ Кристерссон Швецияның НАТО-ға кіруі Ресейдің Украинаға басып кіруінің тікелей салдары болғанын еске салды.

Жапония Куриль аралдарына қатысты мәлімдеме жасады!

Токионың ұстанымы өзгеріссіз қалады. Жапония Ресеймен қарым-қатынастағы сыртқы саяси жаңа бағытын айқындады.

Атап айтқанда, Жапонияның премьер-министрі Санаэ Такаитидің айтуынша, Токио енді тараптар арасындағы аумақтық мәселені түпкілікті шешуге ұмтылады. Оның соңында жапон тарапы Ресеймен бейбіт шарт жасасуға қол жеткізетініне сенімді.

Сонымен қатар Такаити Жапонияның бұрынғыдан келе жатқан тұрақты ұстанымын растады. Оның пайымынша, Оңтүстік Куриль немесе «солтүстік аумақтар» Ресейдікі емес.

Еске салайық, Екінші дүниежүзілік соғыстан бері Жапония мен Ресей әлі күнге дейін бейбіт шартқа қол қойған жоқ. 1951 жылдың қыркүйек айында Сан-Францискода өткен халықаралық конференция кезінде ресми Токио 48 елмен бейбіт шарт жасасқанымен, Кеңес Одағы бұл құжатты ратификациялаудан бас тартты.

Ресейде минус 1 МӨЗ!

Волгоград МӨЗ-і жұмысын толық тоқтатты…

Бұл МӨЗ «Лукойлға» тиесілі-тін. Жылына 14 мон тонна мұнай өңдейтін. Бұл шамамен Ресейдегі мұнай өңдеу көлемінің 5 пайызы.

МӨЗ-ді тоқтатқан - Украинаның от тұмсықты темін құстары. 2 қазанда жаппай соққылаған. Содан ес жия алмапты…

Сочиде өртенген танкер Ресейдің көлегейлі флотына тиесілі болған…

Өртенген - “Aframax Rio” деген танкер. Либерия туымен жүзіп жүрген.Новороссийскі портынан мұнай тиеп, Үндістанға жол тартқан.