Сәпиев кейсі:
Кей жұрт "Сәпиевті сабап тастады", "оңдырмай ұрып тастады" деп далақтай қылып жазып жатыр ғой. Бірлі-жарым видеодан байқағанымыз - Сәпиевті сондай қылып сабап тастамаған ғой. "Жанжалдасқан", "егерескен", "төбелескен", "қол жұмсаған", "жаға ұстасқан", "шекісіп қалған", "жұдырық жұмсаған" деген секілді сөздер көп қой, қолдануға болатын. Ал шындап келсе, Сәпиев атақты боксшы ғой. Оп-оңай таяқ жей салатын адам деп ойламаймын. Баркер кубогын алған адамды "оңдырмай сабады" деп айтудың өзі ерсілеу естіледі екен...
Мұндай агрессияны ақтап отырған жоқпын. Олар бір-біріне күш көрсететіндей, спорт майданында жүрген жоқ. Қызметтік тәртіп сақталуы керек. Әрине, бірінші қол жұмсаған адамдікі қате және ол сөзсіз ұтылады. Жауаптан ешкім құтылмайды. Ол дұрыс-ақ...
Десе де, ақпарат таратушы ағайындар осыны соншалық әсірелемей-ақ, барды бардай таратса қайтеді?..

Америкалық алып флотилия Таяу Шығысқа келіп, Иранға жақын жерге орналасты...

«USS AbrahamLincoln» авианосеці бастаған әуеден соққылаушы топ АҚШ-тың 5-ші флоты мен Орталық қолбасшылық (CENTCOM) жауапты аймаққа орнаалсқан. Сонымен қатар, «F-15 E Strike Eagle» жойғыш ұшақтарынан құралған үш эскадрилья да осы топқа қосылған. Ал бүкіл әскери контингент «Patriot» және «THAAD-пен» қамтылған.

Қысқы Олимпиада: Қазақстан намысын кімдер қорғайды?

2026 жылғы 6-22 ақпан аралығында Италияда өтетін XXV Қысқы Олимпиада ойындарына Қазақстан құрамасының сапында 36 спортшы қатысады.

Біздің туды кім ұстайды?

Мемлекеттік туды алып жүру құрметі қыстың негізгі жарыс түрлерінен қатысатын титулды спортшыларға сеніп тапсырылған. Шорт-тректен ҚР еңбек сіңірген спорт шебері, 30 жастағы Денис Никиша – 500 метр қашықтықтағы әлем чемпионаттарының (2024, 2025) екі дүркін күміс жүлдегері, қазіргі мықты спринтерлеріміздің бірі. Онымен қатарлас ту ұстаушы – фристайлдан құрама командамыздың жетекші спортшыларының бірі Аяулым Әмренова. Ол Еуропа кубогы кезеңдерінің толық марапаттары және екі Олимпиада ойындарына қатысу тәжірибесі бар (2018, 2022).

Бұл спортшыларды таңдау қазіргі спортта кәсіпқойлық пен нақты нәтижелер маңызды екенін растайды. Бүгінде қазақстандық шорт-трек және фристайл мектебі әлемдік көшбасшылармен тұрақты бәсекелеседі, бұл біздің спортшыларымыздың халықаралық рейтингтегі жоғары орындарынан-ақ көрініп тұр. Д.Никиша мен А.Әмренованың жетістіктері ел ішіндегі мұздағы спорт түрлеріне қызығушылықтың артуына ықпал етеді: секциялардың географиясы кеңейіп, өңірлерде жастар үшін қысқы спорт түрлері қолжетімді бола бастады.

Миландағы ойындар бүкіл команда үшін маңызды кезең болмақ. Қазақстандық спортшылар үшін Олимпиадаға қатысу – ең алдымен, жинақталған әлеуетті іске асыру және жоғары бәсекелестік жағдайында біліктілікті растау мүмкіндігі. Италия ареналарында өнер көрсету Қазақстанның әлемдік қысқы спорттағы көшбасшылық позициясын нығайтары және құраманың әрбір қатысушысының кәсіби мансабындағы маңызды қадамға айналары сөзсіз.

Тәжірибе мен жастық жігер ұштасқан

Тәуелсіздік алған сәттен бастап Қазақстан құрамасы Қысқы Олимпиялық ойындарға тоғызыншы рет қатысқалы отыр. Биыл елімізден 18 ер адам мен 18 әйел – барлығы 36 спортшы лицензия алды. Олимпиадаға Қазақстан атынан қатысатын 36 спортшының 18-і алғаш рет төртжылдықтың басты жарысына қатысқалы отыр. Дебютанттар қатарында тұғырдан шаңғымен секіруден 2024 жылғы жасөспірімдер олимпиадасының чемпионы И.Мизерный да бар.

Украина СІМ-інің Орбанға жауабы:

- Сіздің Мәскеудегі қожайындарыңыз 100 жылды көтере алмайдау-ау, - деді.

💥Абу-Дабиде АҚШ, Украина мен Ресей делегациядарының келіссөзі өтіп жатыр:

Зеленский:

— Ендігі Ресей тарабы кей сұраққа нақты жауап беретін уағы болды. Ең бастысы Ресейдің өзі бастаған соғысты өзі тоқтатуға дайын болуы, - дейді.

Украина президентінің айтуынша, ең маңызды сұрақтардың жауабы ертеңдері белгілі боп қалады.

— Біздің тұрақты делегация келіссөздер алаңында жүр. Рустем Умеров, Кирилл Буданов, Давид Арахамия, Сергей Кислица бар. Ертең олардың қатарына генерал Гнатов пен Бас штаб бастығы Скибицкий қосылады, - деді Зеленский.

▪️Sky News: Украина делегациясының құрамында Кирилл Будановтың болуы - Украинаның көзірі. Америка әскерилері мен барлауы Будановты ерекше құрметтейді.

▪️Bloomberg: АҚШ-тың арнайы өкілі Стив Уиткофф Будановты Украинаның жаңа вице-президенті деп атады.

💥Ақ үй:

- Бүгінгі Абу-Дабидегі үш жақты келіссөздер мазмұнды өтті, - деді.

Ресей тарабы: “Тараптар келіссөздерді ертең жалғастыруға келісті”, - деді.

«Монро докторинасы» және ТМД-ға төнген қауіп...

Трамптың Қытай мен Ресейдің одақтасына айналған Венесуэла президенті Мадуроны тұтқындаумен ғана шектелмей, келесі кезекте іргесіндегі Куба мен Колумбия басты нысанаға айналатыны туралы мәлімдемесі әлемдік деңгейде қызу тылқыға түсті. Саяси сарапшылар оны Трамптың «Монро докторинасын» қайта тірілтуі деп тәпсірледі.

«Біреу қойға айланғанда, біреу тойға айналыпты» дегендей, Еуропа басшыларымен Трамп Гренландия мәселесінде ортақ түсінікке келе алмай, өзара бет жыртысып жатқанда Ресей идеологтары Трамптың «Монро докторинасын» өз кәделеріне жаратуға барын салуда.

Қалай дейсіз ғой?! Трамптың жаңа геосаяси стратегиясында Азия мен Еуропадан гөрі Америка құрлығын басты назарға алу мақсат етілгені сияқты Ресей де бұрынғы Кеңес құрамында болған елдерді өзіне қосуды негізгі мақсат етуі керек-мыс. Бұл идея бұрыннан Кремль тарабынан айтылып жүргенімен, әдемдік қауымдастықтардан именіп келген еді. Енді Трамптың барлық заң-законды қайырып қойып, бір елдің басшысын барымталап әкетуі Кремльдің жымысқы жоспарына даңғыл жол салғандай. Оны билікке жақын орыс ұлтшылдары ашықтан-ашық дәріптей бастады.

Күні кеше әйдік Дугин: «Посткеңестік кеңістікте тәуелсіз мемлекеттердің дәуірі аяқталды», - деп мәлімдеп, өз бетінше «тәуелсіз мемлекет ретінде өмір сүруіне жол беруге болмайтын елдердің тізімін» жасағанын нақты мысал ретінде айтуға болады. Ол тізімде Қазақстан, Өзбекстан, Қырғызстан, Тәжікстан, Армения, Грузия және Әзербайжан бар.

«Егемен Арменияның, егемен Грузияның, егемен Әзербайжанның, егемен Қазақстанның, Өзбекстанның, Тәжікстан мен Қырғызстанның болуымен келісуге болмайды», – дей келе, сөзін ары қарай: «Біздің мақсатымыз – үшполюсті әлемде ең маңызды күш орталығы болу. Егемен, еркін, тәуелсіз әрі ауқымды мемлекетке айналу. Ал біз бақылауымызға алмаған аумақтар бейтарап болып қалмауы керек», – деп түйіндеген.

Көріп отырғанымыздай Дугиннің Трамптың «Монро докторинасын» қайта тірілтуінен шабыт алғаны, алақанын ысқылап, жымысқы идеясын тағы да ортаға тастағаны соқырға таяқ ұстатқандай анық аңғарылып тұр.

Мұның ең жаман салдары жаһандық геосаясаттың жаңа бағытымен көлегейленген сұрқия жоспардың өз азаматтарымызды да иландыра бастағаны. Қазақстандық Петр Своик You Tube-тағы жеке каналында Дугинның пәтуасын ақтай сөйлеген. Оның ойынша Трамптың Греландияны қосып алмақ болғаны сияқты, Дугиннңң Қазақстанды Ресейге қосып алу сандырағы да сондай қисынды екен.

Қазақстан тәуелсіздіктің 35 жылына қадам басқанда көп векторлы сыртқы саясатымыз түрлі сынақтарға тап болатын түрі бар. Кремльдің бейресми идеологтары мен оған үн қосқан өз ішіміздегілердің арам пиғылы соның айғағы.

Зеленский:

— Бүгін түнде Ресей Украина аумағына ұзын-ырғасы 370 дрон мен 21 зымыран атты. Ресейдің басты көздегені Украинаның энергетикалық нысандары болды. Киев пен Киев облысы, Сумскі, Харьков пен Чернигов облыстары соққының астында қалды. Харьковте тіпті перзентхана, жатақхана мен медколледж және тұрғын үйлер зақымдалды. Ондаған адам жараланды. Олардың арасында балалар да бар, - деді.

Бельгия премьер-министр Барт де Вевер:

- АҚШ сөзсіз НАТО-дағы ең күшті мемлекет. Бірақ, біздің намысымыз сатылмайды, - дейді.