Еуропалықтар: Трамп Нобельге лайық емес!

Жуырда FGS Global зерттеушілері сауалнама жүргізіпті. Ол бойынша Еуропа халқының 77%-ы Трам пты Нобельге лайықсыз деп есептейтінін айтқан. Сауалнама нәтижесін Politico басылымы жариялады.

КОНСТИТУЦИЯЛЫҚ КОМИССИЯ: УАҚЫТША ПРЕЗИДЕНТ ҺӘМ САЙЛАУ ТӘРТІБІ

Бүгін Астанада Конституциялық комиссияның екінші отырысы өтуде. Бүгін комиссия қоғам өкілдерінен, саяси партиялардан және сарапшылар қауымдастығынан келіп түскен ұсыныстарды қызу талқылап, саралауда.

Комиссия жетекшісі Эльвира Азимованың айтуынша, қазірге дейін ұзын-ырғасы 2 мыңнан аса ұсыныс келіп түскен. Олардың барлығы бір жүйеге келтіріпіліп, кестеленген және барлығы дерлік ашық түрде талқыланатын болады.

Ескере кететін жәйт: Констититуциялық комиссия отырыстары тікелей эфирде ашық өтуде.

Бүгінгі жиында ҚР Әділет министрі Ерлан Сәрсембаев сөз сөйлеп, президент өкілеттігі мерзімінен бұрын тоқтатылған жағдайда сайлау өткізудің тәртібі туралы айтты.

Қазіргі Конституциясының 48-бабына сәйкес, президент қызметін мерзімінен бұрын тоқтатқан жағдайда оның өкілеттіктері Сенат төрағасына, Мәжіліс төрағасына немесе Премьер-министрге берілетін. Ал мерзімінен бұрын сайлауды екі ай ішінде Парламент тағайындайтын.

Енді: Президенттің қызметтен мерзімінен бұрын босатылған, отставкаға кеткен немесе қайтыс болған күнінен бастап 7 күн ішінде Құрылтай президент сайлауын өткізуді жариялауы тиіс. Ол Құрылтайдың тиісті шешім қабылдаған күнінен бастап 2 ай ішінде өткізілуі тиіс. Бұл ұсыныс қазір комиссия отырысында талқылануда.

https://www.gov.kz/memleket/entities/ksrk/press/news/details/1147771?lang=kk

Үндістаннан шыққан вирус: Қазақстанға қауіп бар ма?

Қазақстан аумағында Нипах вирусын жұқтыру деректері де, оны елге сырттан әкелу фактілері де анықталған жоқ.

Денсаулық сақтау министрлігінің мәліметінше, қазір республикадағы эпидемиологиялық ахуал қалыпты, жағдай тиісті органдардың бақылауында.

Сонымен бірге алдын алу шаралары күшейтілді. Үндістанда Нипах вирусына қатысты эпидемиологиялық жағдайдың ушығуына байланысты, Денсаулық сақтау министрлігі мемлекеттік шекара арқылы өтетін барлық өткізу пункттерінде санитариялық-карантиндік бақылауды күшейту туралы шешім қабылдады.

Осы ретте Үндістаннан, сондай-ақ Нипах инфекциясы тіркелген Оңтүстік-Шығыс Азия елдерінен келетін жолаушыларға ерекше көңіл бөлінуде. Аталған инфекция бойынша қолайсыз саналатын елдер тізімі тұрақты түрде қайта қаралып, қажет болған жағдайда жаңартылып отырады.

Израильдің СІМ басшысы Гидеон Саар: Иранның ядролық қаруға қол жеткізуіне жол бермеу керек!

- АҚШ пен Израильдің бірлескен әрекеті Иранның ядролық бағдарламасын тежеп, өңірге т ұрақтылық әкелді. Әлемдегі ең қауіпті қару - ядролық қару. Иранның оған қол жеткізуіне жол бермеу керек!

Ирандағы Аятолла режимі еркіндік үшін күрескен өз халқын қырып, басып-жаншып жатыр. Қаза тапқандардың саны сұмдық көп. Аятолла режимі өз халқына осындай зұлымдық жасап жатса, өзге елдерге не істейтіні елестетудің өзі қиын, - дейді.

ЕО тарихи шешім қабылдады:

Еуропа 2027 жылы Ресейдің газынан толық бас тартпақ! Брюссельде өткен басқосуда Еуропа елдері осындай шешім қабылдады.

Ресейлік энергетикалық ресурстарға басыбайлы тәуелді елдердің қарсылығына қарамастан, көпшілік дауыспен шешім қабылдау механизмі әзірленген. Бұл шешімге әдеттегідей, Венгрия мен Словакия қарсы дауыс берген. Будапешт бұл шешім бойынша Еуропалық сотқа шағымданатынын айтты.

Қабылданған шешім бойынша: ЕО Ресейден табиғи газ импортын 2026 жылдың соңында толық тоқтатады. Ал құбыр арқылы ағылатын газды 2027 жылдың 30 қыркүйегі күні тоқтатады. Соғысқа дейін Ресей Еуропаны энергоресурстармен 40 пайызға қамтамасыз етсе, 2025 жылы бұл көрсеткіш 13 пайызға азайған.

Бүгінгі шешім – Еуропаның Ресей газына тәуелділік дәуірін нүктелемек.

САНАЛЫ АЗАМАТТАР ҮШІН ЗАҢ ӘРІ ЖҰМСАҚ ӘРІ ҚАТАЛ!

Президент Бас прокуратурада жиын өткізді. Елімізде ауқымды өзгерістер жасалып жатқанын және алдымызда Конституциялық реформа жүргізілетінін, Қазақстан алдында мүлде жаңа саяси жүйеге қадам басу міндеті тұрғанын айтты.

Тоқаев: «Қазақстанда біз отаншылдық ұғымына жауапкершілік және жасампаздық тұрғысынан қарауымыз керек, яғни отаншыл азамат ең алдымен жауапкершілігі жоғары және жасампаз азамат болуға тиіс. Отанға деген сүйіспеншілік –саяси ұпай жинау немесе қызметтік мансап жасау емес, бұл Отаныңа жақсылық жасау, еліңе пайда әкелу деген сөз», - деді.

Ұлы грек ойшылы Аритотил: «Заң дегеніміз тәртіп. Кемелді заң болғанда ғана орнықты тәртіп болады», - дейді. Адамзат қоғамы дамып бүгінгі күнге жеткенде ешқандай мемлекет заң мен тәртіпсіз өмір сүрмейді. Қоғам дамыған сайын заңға деген қажеттілік солғұрлым артады. Адамдардың заңдық сапасы мен заңдық түйсігі де солғұрлым жоғары болады.

Заң мен тәртіп болғанда ғана қоғам орнықты дамиды. Заң мен тәртіп қоғамның, азаматтардың мүдесін қорғау үшін басты кепіл. Сол себепті де әрбір азамат қоғамдық қатынаста заңда белгіленген әрекет өлшемдерін басты назарда ұстауы керек. Қоғамның орнықтылығы мен дамуына саналы түрде үлес қосуы керек. Ол үшін заң мен тәртіпке мұқият бойсұнуы, заң мен тәртіпке мұрын шүйіретін керенаулықтан арылуы керек.

Украина Қорғаныс министрлігі:

– Ұшқышсыз жүйелер саласында Украина 2026 жылға қарай 7 миллионнан астам дрон шығаруды жоспарлап отыр. Ұшқышсыз технологиялар асимметриялық қорғаныстың негізіне айналды және тереңдігі 20 км-ге дейін соққы аймағын құруға мүмкіндік берді. Ендігі мақсат – бұл аймақты 100 шақырымға дейін кеңейту, - дейді.

ИТ ӨЛІМ
Солтүстік Корей билігі Ресей үшін Украинаға қарсы соғысып, дөй далада ит өліммен өлген сарбаздарына арнап мұражай ашпақшы екен. Өткенбірде Курскіде өлген сарбаздарының табытын жылап қушып, өлі-тірісінің кеудесіне медаль тағып жатқан Ким Чен Ын сол мұражай құрылысын өзі тексеріпті.
Деректер былай дейді: Солтүстік Корей 1950-ші жылдардан кейін шын соғысқа бір-ақ мәрте кірген. Оның өзі КХДР-ның жеке соғысы емес, Ресейдің Курскі облысы үшін болған соғыс.
Екінші дүниежүзілік соғыстан кейін алғаш боп Ресей жерін украин жауынгерлерінің етігі таптағанда, Курскіні Украина алып, Ресейдің күллі әлемге абыройы аймандай болғанда жанұшырып, осы Солтүстік Корейден көмек сұраған.
1943 жылғы «Курскі шайқасынан» кейін қару көрмеген Курскі 2024 жылы қайтадан зұлмат күндерге бетпе-бет келді. Мәскеу: «Киевті үш күнде», - аламыз деп жүргенде, 2024 жылы Украина Ресейдің Курскісін алып, бақандай 1 жыл 5,5 ай бойы табандап жатты. Өз күшімен Курскіні қорғауға шамасы келмеген, артық маневрге аяғы тұсауланған Мәскеу ақыры Ким Чен Ыннан әскер сұратқан. Сөйтіп, Пхенян Мәскеудің сұрағанын берген.
Сол жылы Ресей мен КХДР екеуара «жан-жақты әскери-стратегиялық әріптестік» туралы құжат қабылдаған. Ким көмегін соған сүйеніп берді. Ал шындап келсе, КХДР Ресейге 2022 жылдан бастап артиллериялық снарядтар, «Д-30» гаубицалар мен жақын қашықтыққа ататын «NWASONG-11» секілді зымырандарын бере бастаған. Ал 2024 жылы Ресейдің Украинаға қарсы атқан оқ-дәрілерінің тең жартысы КХДР-дан алған оқ-дәрілер болды.
Ал адами көмекке селсек, Пхенян әуелі 3 мың жауынгерін жіберген. Кейін тағы, тағы жіберді. Оңтүстік Корей барлауы КХДР-ның Ресейге жіберген әскерінің саны 12 мыңға жетті десе, Пентагон 10 мың жауынгерді тізімдейді. Бұл сапта бірнеше генерал мен бірнеше жүз арнайы жасақ жауынгерлері де бар.
Ресми түрде 1,1 мың Солтүстік Корей сарбазының қаза тапқаны айтылғанымен, олардың шын саны 5 мыңға жуықтайды дейді деректер. Жуырда Пхенян Курскідегі құрылыстарға деп тағы 5 мың адамды жібергелі-жатқаны жайлы ақпарат та шыққан.
Айтпақшы, қайсыбіржолы Украина тірідей қолға түсірген Солтүстік Корейдің қос сарбазы өздерін қайтадан Пхенянға жібермеуді, реті келсе Киевте қалдыруды, тіпті болмаса Сеулге жіберуді сұрап, жалынып жатқан.
Сорың қайнағырлар, Мәскеу мен Пхенянға барса қолдарына күрек емес, қару ұстап, Донецкінің бір түкпірінде сүйектері жинаусыз жататынын біледі, біліп тұрып барады соғысқа. Ит өлім емей немене, бұл?..

💥Жапонияның Тайуанға қатысты позициясына байланысты Қытай СІМ-і өз азаматтарына Жапонияға сапарлап бармай тұруға кеңес берді.