🇰🇿Қазақстан спортшылары шыққан сәт…

Трамп Иран туралы:

- АҚШ пен Иран келер аптада тағы кездеседі. Олар келісімге келгісі келеді. Олар келісімге келугі мәжбүр! Басқа таңдаулары жоқ!, - деді.

Ресми: Ресейге жасалған тағы бір соққы

АҚШ Үндістанға салынған 25 пайыздық баж салығын алып тастайды. Есесіне Үндістан Ресей мұнайын сатып алудан бас тартады. Сондай-ақ, тараптар 10 жылға арналған әскери саладағы кеңейтілген әріптестік туралы келісімді мақұласуда.

Соңғы қырық жылда қызуымыз қырыққа таяды…

Қызылорданың суығы Астананың боранынан өзгеше. Әсіресе, желі өңменіңнен өтіп кетеді. Съемкамызды аяқтап, Астанаға келіп, енді ғана есімізді жинап жатқан жай бар.

Әлем-жаһанға көз салсам, дүние екіге бөлінгендей көрінеді. Бүгінгідей турбулентті кезеңде, «Айвазовскийдің Тоғызыншы валындай» аласапыран уақытта, ел іші гу-гу, ду-дуға түсіпті.

Менің ұққаным — басты мәселе тіл жайында. Ана тілі туралы.

Көзі ашық қауым қазақ тілінің ертеңіне алаңдаулы. Төргі бөлмедегі төрден орын тимеген тіліміз төменге жылжыған. Бұл бүгін басталған жоқ. Әзірге емі жоқ дерттің бізге келгеніне үш жүз жылдан асып кетті. Тіпті соңғы қырық жылда қызуымыз қырыққа таяды…

Баяғыда Мәскеуде менімен қатар Геннадий Дьячков деген жігіт оқыды. Кинодраматургияда. Өте білімді еді, аты-жөні орыс болғанымен, ұлты — юкагир.

Сол заманда жер бетінде бар-жоғы екі мыңдай ғана юкагир халқы барын, олардың сонау Солтүстіктегі Якутия мен Чукотканы мекендеген көне жұрт екенін Генадан естігем. Орыс әскері келгенге дейін өз тарихы мен мәдениетін, тілі мен әдет-ғұрпын сақтаған азғантай ел екен.

Ол менің қазақша сөйлегенімді, мен оның өз тілінде сөйлегенін қызықтайтынбыз.

Кезінде МГУ-дың математика факультетін бітірген жігіттің неге кинодраматургияға ауысқанын сұрағанда:

— Жақсы бір сценарий жазсам деймін… Біздің ел жайлы, менің кішкентай Отаным туралы кино түсірілсе… — деуші еді.

Тағдырдың алшысы басқаша түсті… Курстасымыз біз жазғы демалысқа кеткенде қайтыс болды.

Бүгінде қазақша кітап оқу, өлең жаттау былай тұрсын, қазақша сөйлеу мен ойлау да дефициттің бір түріне айналды.

Кезінде ауыл жастары қалаға үдере көшкенде «мәмбет», «ауылбай», «колхоз» деген келемеж сөздер сол кездегі жастарға үлкен комплекс болғаны рас.

Бүгінгі урбанизация еліміздің экономикасына, әлеуметтік жағдайына, мәдениеті мен руханиятына да өзгерістер әкелгенін ешкім жоққа шығара алмайды.

Міне, осы кезде тіл мәселесінің қайта көтерілуі — заңдылық.

Бұл қоғамның жай белсенділігі емес, бұл — ұлттық сана-сезімнің өсуі деген дұрыс болар.

Бұл кезең — ертеңге деген үміт пен арманымыздың алаңдауы.

Біле білген адамға тіл мәселесі — болашағымызға салынған инвестиция.

Тілі бірдің — ділі бір.

Ол — біздің Тәуелсіз мемлекетіміз.

Ал тәуелсіздіктің қасында басқа дүниенің бәрі екінші, үшінші мәселе ғана…

P.S. Соңғы деректер бойынша, жер бетінде юкагир тілінде сөйлейтін он бес шақты адам ғана қалған екен… Есіме баяғы досым Геннадий Дьячков түсті. Оның арманы іске аспай қалғаны өкінішті…

Талғат Теменов,

Кинорежиссер, Қазақстанның халық артисі.

Резаидің Трампқа жауабы:

Иран Парламентінің Ұлттық қауіпсіздік комитетінің басшысы Мохсен Резаи:

- Трамп өтірікші. Иран режимі ешқашан өзінің "қызыл сызығынан" кері шегінген емес. Енді Америка режимі өзінің Иранға қарсы қос дүлей сценариі - әскери және экономикалық қысымы іске аспаған соң, Иранның ойын ережесін қабылдауға мәжбүр, - деді.

ТАҒЫ ДА ТҰЙЫҚҚА ТІРЕЛДІ

АҚШ араға түсіп, Украина мен Ресей өткізіп жатқан келіссөздер тұйыққа тірелді. Тараптар тұтқын алмасудан әрі аспады...
Талқыланған басты 2 тақырып – Донбасс пен Запорож АЭС-інің тағдыры. Бұл екі мәселе бойынша да келісім жоқ. Тараптар бір қадам да шегініс жасаған жоқ.

1)Донбасс жері:

Украина Донбассты күрессіз Ресейге бере салуға түбегейлі қарсы. Ал АҚШ-тың арнайы экономикалық аймақ құру идеясына ашық екенін, бұл мәселені жалпыхалық референдум арқылы шешетінін айтты.

Ал Ресей Донбассты толықтай бері, Украина әскерін толық шығару деген әуелгі талабынан бас тартпады.

2)Запорож АЭС-і:

Украина Запорож АЭС-ін Ресейге беруге қарсы. АЭС-ті АҚШ басқаруына беруді референдум арқылы шешуге дайын екенін айтты. АЭС-те өндірілген энергияның 50 пайызын Украина алуға, қалған 50 пайызын АҚШ өз бетінше сатуға құқылы деген шартқа көнуге дайын.

Ал Ресей Запорож АЭС-інен Украинаның толық шығуын талап етуде. АЭС бойынша Ресей 2 шарт ұсынуда. Бірі – АЭС-ті толық алып, Украинаға нарықтан арзан бағада электрэнергиясын сатуға дайын. Екіншісі – АЭС-ті АҚШ-пен 50/50 бөлісуге дайын. Бұған Украина үзілді-кесілді дайын.

Қосымша: Абу-Дабидегі келіссөздерде тіпті Украина мен Ресей президенттерінің кездесуін ұйымдастыру бойынша да ортақ келшісім жасалған жоқ. Зеленский Путинді бейтарап алаңда күтетінін айтса, Путин Зеленскийді Мәскеуге шақыруда.

ЭНЕРГЕТИКАЛЫҚ БІТІМ БҰЗЫЛДЫ

Ресей Украина аумағына жаппай зымыран, дронмен соққыларын жасады. Бірнеше өңірдегі ондаған елдімекен соққы астында қалған.

Негізігі нысандар: энергия көздері, жылу қазандықтары мен қоймалар.

Салдары: Украинаның көптеген аймағында жылу шектеліп берілуде, ал жарық сөндірілген.

АҚШ ПЕН ИРАН: БІТІМНІҢ АУЫЛЫ АЛЫСТА

Иранның СІМ бастығы Аббас Аракчи:

- Иран өзінің ядролық бағдарламасын басқалармен бөлісуден бас тартады немесе уран өндірісін ешкіммен бөліспейді. Егер АҚШ бізге шабуыл жасаса, біз АҚШ-тың Парсы бұғазындағы әскери базаларына соққы жасаймыз, - деді.

⚡️Зеленскийдің айтқандары⤵️

Зеленскийдің айтуынша, Абу-Дабиде Украина-Ресей делегациялары келесідей мәселелерге жеке-жеке тоқталған:

◾️ АҚШ енді Украина мен Ресейдің келіссөзшілеріне бір аптадан кейін Маямиде кездесуді ұсынды. Украина өз қатысуын растады. Ресей әлі ақылдасуда;

◾️ Уашингтон кезекті рет қос тарапқа энергетикалық инфрақұрылымға соққы жасамауды ұсынды. Украина бұған да келісті, ресейлік делегация ақылдасып барып жауап беруге уәде етті;

◾️ АҚШ қос тарапқа соғысты жазға дейін аяқтауды ұсынуда. Межелі уақыт - маусым айы. Осыған дейін соғысты тоқтатудың барлық алғышарттарын іске асырып болуды ойластыруда. Тіпті, маусымға дейінгі кездесулер мен келісетін мәселелердің кестесін де түзуде;

◾️ АҚШ Донбасста еркін экономикалық аймақ құру идеясын ұсынды. Украина бұған: “Біз еркін экономикалық аймақ құруға келсек те, бізге әділ әрі сенімді кепілдіктер қажет болады”, - дейді;

◾️ АҚШ болашақта атысты тоқтатуды және бітімнің бұзылмауын мониторингтеуге қатысатынын растады. Еуропаның нақты мониторингке қатысуына қатысты ортақ мәміле жоқ;

◾️ Беларусьтің жауапкершілігі туралы мәміле былай: Алдағы уақытта Беларусь аумағынан “Орешник” зымыраны бір рет қолданылса да, Беларусь соғыстың толыққанды қатысушысы деп есептелетін болады және Халықаралық жауапкершілікті Ресеймен тең арқалайтын болады.

🇰🇿Дубайда Swat Challenge жарысы басталды!

Оған әлемнің 48 елінен 100-ден астам команда қатысып жатыр. Арнайы жасақтар арасындағы элиталық турнирде Қазақстанның намысын бес бірдей команда қорғауда және Қазақстанның қос бірдей командасы көш бастап тұр!

Айта кету керек: Қазақстан командалары турнир фавориттері саналады. Оған себеп те бар:

2024 жылы Мемлекеттік Күзет Қызметінің «Сардар» жасағы үздік үштіктен көрінген.

2025 жылы Ішкі Істер министрлігінің «Сұңқар» командасы екінші орын алған еді.

💥Bloomberg: Ресей білікті мамандардың жетіспеушілігіне байланысты Үндістан мен Шри-Ланкадан жұмысшыларды тартуда…

Басылымның мәліметінше, Кремль қазір Үндістаннан, Бангладештен, Шри-Ланкадан және Қытайдан жұмысшыларды тартуда.

Ресей билігінің бағалауы бойынша, алдағы онжылдықтың соңына дейін қосымша 11 миллион жұмысшы қажет болады. Бұл мәселе Путиннің желтоқсандағы Нью-Делиге сапары кезінде талқыланды, сол кезде еңбек миграциясы рәсімдерін жеңілдету туралы келісімге қол қойылды.

Шетелдіктерге берілген рұқсаттардың жалпы саны 2025 жылы 240 000-нан асқан, бұл 2017 жылдан бергі ең жоғары көрсеткіш. Бұл өсімнің көп бөлігі Үндістанға, Бангладешке, Шри-Ланкаға және Қытайға тиесілі.

Bloomberg Ресейдің онжылдықтардағы ең ауыр еңбек нарығындағы дағдарыстардың бірін бастан кешіріп жатқанын айтады.

Үндістаннан Ресейге еңбек миграциясы 22 есеге өссе, Орталық Азиядан Ресейге еңбек мигранттарының саны айтарлықтай азайған.