Зеленскийдің айтуынша, Абу-Дабиде Украина-Ресей делегациялары келесідей мәселелерге жеке-жеке тоқталған:

◾️ АҚШ енді Украина мен Ресейдің келіссөзшілеріне бір аптадан кейін Маямиде кездесуді ұсынды. Украина өз қатысуын растады. Ресей әлі ақылдасуда;

◾️ Уашингтон кезекті рет қос тарапқа энергетикалық инфрақұрылымға соққы жасамауды ұсынды. Украина бұған да келісті, ресейлік делегация ақылдасып барып жауап беруге уәде етті;

◾️ АҚШ қос тарапқа соғысты жазға дейін аяқтауды ұсынуда. Межелі уақыт - маусым айы. Осыған дейін соғысты тоқтатудың барлық алғышарттарын іске асырып болуды ойластыруда. Тіпті, маусымға дейінгі кездесулер мен келісетін мәселелердің кестесін де түзуде;

◾️ АҚШ Донбасста еркін экономикалық аймақ құру идеясын ұсынды. Украина бұған: “Біз еркін экономикалық аймақ құруға келсек те, бізге әділ әрі сенімді кепілдіктер қажет болады”, - дейді;

◾️ АҚШ болашақта атысты тоқтатуды және бітімнің бұзылмауын мониторингтеуге қатысатынын растады. Еуропаның нақты мониторингке қатысуына қатысты ортақ мәміле жоқ;

◾️ Беларусьтің жауапкершілігі туралы мәміле былай: Алдағы уақытта Беларусь аумағынан “Орешник” зымыраны бір рет қолданылса да, Беларусь соғыстың толыққанды қатысушысы деп есептелетін болады және Халықаралық жауапкершілікті Ресеймен тең арқалайтын болады.

🇰🇿Дубайда Swat Challenge жарысы басталды!

Оған әлемнің 48 елінен 100-ден астам команда қатысып жатыр. Арнайы жасақтар арасындағы элиталық турнирде Қазақстанның намысын бес бірдей команда қорғауда және Қазақстанның қос бірдей командасы көш бастап тұр!

Айта кету керек: Қазақстан командалары турнир фавориттері саналады. Оған себеп те бар:

2024 жылы Мемлекеттік Күзет Қызметінің «Сардар» жасағы үздік үштіктен көрінген.

2025 жылы Ішкі Істер министрлігінің «Сұңқар» командасы екінші орын алған еді.

💥Bloomberg: Ресей білікті мамандардың жетіспеушілігіне байланысты Үндістан мен Шри-Ланкадан жұмысшыларды тартуда…

Басылымның мәліметінше, Кремль қазір Үндістаннан, Бангладештен, Шри-Ланкадан және Қытайдан жұмысшыларды тартуда.

Ресей билігінің бағалауы бойынша, алдағы онжылдықтың соңына дейін қосымша 11 миллион жұмысшы қажет болады. Бұл мәселе Путиннің желтоқсандағы Нью-Делиге сапары кезінде талқыланды, сол кезде еңбек миграциясы рәсімдерін жеңілдету туралы келісімге қол қойылды.

Шетелдіктерге берілген рұқсаттардың жалпы саны 2025 жылы 240 000-нан асқан, бұл 2017 жылдан бергі ең жоғары көрсеткіш. Бұл өсімнің көп бөлігі Үндістанға, Бангладешке, Шри-Ланкаға және Қытайға тиесілі.

Bloomberg Ресейдің онжылдықтардағы ең ауыр еңбек нарығындағы дағдарыстардың бірін бастан кешіріп жатқанын айтады.

Үндістаннан Ресейге еңбек миграциясы 22 есеге өссе, Орталық Азиядан Ресейге еңбек мигранттарының саны айтарлықтай азайған.

💥Израиль АҚШ-қа Иранға қарсы біржақты шабуылдарға дайын екендігі туралы ескертті!

Израиль Қорғаныс министрлігі АҚШ-қа қажет болған жағдайда Иранға қарсы біржақты әрекет етуге дайын екенін ескертті, деп хабарлады The Jerusalem Post.

Басылымның мәліметінше, Израиль Қорғаныс министрлігі америкалық әріптестеріне Иранның баллистикалық зымыран бағдарламасы туралы айтып, оны “өмірлік қауіп төндіретін қару” деп ескерткен.

Израиль Иранның зымыран мүмкіндіктері мен өндірістік нысандарын жою ниеті барын айтып, Тегеранның зымыран бағдарламасын әлсіретуге арналған операциялық тұжырымдамаларды, соның ішінде негізгі өндірістік нысандарға шабуыл жасау жоспарын таныстырған.

Лавров не деп жылайды?

Ресейдің СІМ бастығы Сергей Лавров бүйдейді:

- Біз Анкорижде АҚШ-пен келістік қой. Олардың шарттарын қабылдадық. Егер жігітшелікке салсақ, сол бойынша жүрсек, қазіргі мәселенің барлығы шешілер еді ғой, - дейді...

Жапония: Такаичи тағы жеңді...

Жапонияда өткен кезектен тыс сайлау нәтижесі бойынша, премьер-министр Санаэ Такаичи басқаратын Либерал-демократиялық партия жеңіске жетті.

Консервативтік коалиция парламенттің төменгі палатасындағы орындардың үштен екісінен астамын иеленіп, шешуші дауысты өзі қабылдай алатын мүмкіндікке ие болды.

1955 жылы құрылған ЛДП тарихында бұрын-соңды мұндай жоғары көрсеткіш болмаған.

Бақылаушылар биліктегі консервативтік партияның мұндай жеңісін көбіне Такаичидің жеке басының танымалдығымен байланыстырады. Бұған дейін парламентте 167 мандатқа ие болып келген негізгі оппозициялық күш – центристік реформаторлық альянс сайлауда ойсырай жеңілді: дауыс беру қорытындысына сәйкес, небәрі 49 орын алған.

Дереккөзі: Азаттық радиосы

Олимпиада алтыны үшін қанша төлейді?

Қазақстан жеңімпаздарға төленетін бонустар бойынша көшбасшылар қатарында.

Қазақстандық спортшылар 2026 жылғы Қысқы Олимпиада ойындарында жеңіске жеткені үшін шамамен 250 мың доллар сыйақы ала алады, бұл қатысушы елдер арасындағы ең жоғары жалақының бірі.

Forbes-тің зерттеушілері, спортшылары Олимпиада ойындарына қатысатын барлық 92 ел мен аумақты қамты саралап, жеңімпаздарға кім қанша сыйақы төлейтінін есептеп шығыпты. Ол бойынша кем дегенде 37- елдің спортшылары жеңіп алған медальдар үшін мемлекеттік немесе квазимемлекеттік төлемдер алады екен.

Forbes мәліметтері бойынша, ең төменгі төлемдер Жаңа Зеландияда. Мысалы, мұнда жеңіске жеткендерге шамамен 3000 доллар беріледі. Ал ең жоғарғы сыйақы көрсеткіші Сингапурда, онда Олимпиада чемпионы 787 000 долларға дейін ала алады. Бұл қатарда Гонконг (768 000 доллар) және Польша (355 000 доллар) да бар.

Қазақстан ең жоғары жүлделі елдердің қатарында. Жеке спорт түрінен алтын медаль үшін спортшы шамамен 250 000 доллар алуы мүмкін.

Салыстыру үшін басқа елдердегі төлемдер:

Италия – шамамен $213 000;

Кипр – $177 000;

Болгария – $151 000;

Литва – $133 000;

Косово – $130 000;

Эстония – 118 000 доллар.

Ал Америка Құрама Штаттарының спортшылары дамыған спорт инфрақұрылымына қарамастан, салыстырмалы түрде аз бонустар алады - Олимпиада алтыны үшін шамамен 37 500 доллар беріледі.