Олимпиада алтыны үшін қанша төлейді?

Қазақстан жеңімпаздарға төленетін бонустар бойынша көшбасшылар қатарында.

Қазақстандық спортшылар 2026 жылғы Қысқы Олимпиада ойындарында жеңіске жеткені үшін шамамен 250 мың доллар сыйақы ала алады, бұл қатысушы елдер арасындағы ең жоғары жалақының бірі.

Forbes-тің зерттеушілері, спортшылары Олимпиада ойындарына қатысатын барлық 92 ел мен аумақты қамты саралап, жеңімпаздарға кім қанша сыйақы төлейтінін есептеп шығыпты. Ол бойынша кем дегенде 37- елдің спортшылары жеңіп алған медальдар үшін мемлекеттік немесе квазимемлекеттік төлемдер алады екен.

Forbes мәліметтері бойынша, ең төменгі төлемдер Жаңа Зеландияда. Мысалы, мұнда жеңіске жеткендерге шамамен 3000 доллар беріледі. Ал ең жоғарғы сыйақы көрсеткіші Сингапурда, онда Олимпиада чемпионы 787 000 долларға дейін ала алады. Бұл қатарда Гонконг (768 000 доллар) және Польша (355 000 доллар) да бар.

Қазақстан ең жоғары жүлделі елдердің қатарында. Жеке спорт түрінен алтын медаль үшін спортшы шамамен 250 000 доллар алуы мүмкін.

Салыстыру үшін басқа елдердегі төлемдер:

Италия – шамамен $213 000;

Кипр – $177 000;

Болгария – $151 000;

Литва – $133 000;

Косово – $130 000;

Эстония – 118 000 доллар.

Ал Америка Құрама Штаттарының спортшылары дамыған спорт инфрақұрылымына қарамастан, салыстырмалы түрде аз бонустар алады - Олимпиада алтыны үшін шамамен 37 500 доллар беріледі.

💥 Украинаның 1 соққысы: Ресейдің -6 мың FPV-дроны...

Украина Ростовқа сериалық соққылар жасады. Нәтижесінде FPV-дрондар мен оның қосалқы бөлшектері тиелген 3 контейнердің көзі жойылған.

Сондай-ақ:

▪️Курскі облысында, Суджа маңайында Ресей әуе-десанттық әскерлерінің бөлімшесінің командалық пунктіне соққы жасалған. Коммуникациялар істен шығарылған;

▪️Ал Херсон облысының уақытша басып алынған аумағында, Новоулексиевка ауданында оқ-дәрі қоймасына соққы жасалған.

АҚШ тағы бір ресейлік танкерді тұтқындады!

"Акила II" танкері президент Трамптың Кариб теңізіндегі санкцияланған кемелерге салған шектеуін бұзды. Ол қашуға әрекеттенді, біз оның ізіне түстік. Соғыс департаменті бұл кемені Кариб теңізінен Үнді мұхитына дейін бақылап жүріп, аңдыды. Ақыры тұтқындады", - деп мәлімдеді Пентагон.

"Aquila II" - Ресей мен Венесуэла мұнайын тасып келген танкер. 2025 жылдан бастап АҚШ пен ЕО санкциясына ілінген танкер.

Ресей элитасы Путиннен түңіле бастады

2022 жылға дейін ресейлік элита Путинді рационалды басшы деп санап, оны «босс - бастық» деп атады. Бірақ «арнаулы әскери операциядан» кейін бұл көзқарас күрт өзгерді – ол енді шындықтан адасқан, қартайған автократ ретінде қабылданды.

Ресей элитасының ішінде Путинге (73 жаста) деген қарсылық күшейіп келеді. Ресей элитасы мен ірі бизнесі оған деген құрметін жоғалтып, оны «Дед - Ата» деген лақап атпен атай бастады.

Ресейлік экономист Александра Прокопенко бұл туралы неміс Frankfurter Allgemeine Zeitung газетіне берген сұхбатында Ресейдің азаматтық қоғам өкілдері мен басқарушы элитасымен болған әңгімелерге сілтеме жасай отырып мәлімдеді.

Прокопенконың айтуынша, ресейлік элитаның Путинге деген көзқарасы 2022 жылдың ақпанына дейін басқаша болған. Оның тарихқа ерекше ден қойып, экономикалық күн тәртібінен алшақтап бара жатқанына қарамастан, соған дейін «босс» деп аталып, құрметке ие болды.

Украинаға басып кіру туралы бұйрықтан кейін жағдай өзгерді. Ресейлік элита Путиннің толық ауқымды соғысқа баратынына мүлде сенбеді, оны тәуекелдерді таразылай алатын ақылды адам деп санады.

Оның бәрі болмаған жерде құрмет – көңілсіздік пен келекеге жол берді. Прокопенко атап өткендей, жеке әңгімелерде Путин «Дед» деген лақап атқа ие болды. Онымен сұқбаттасқан бір элита өкілі ресей президентін: « “Дед” ойыншық сарбаздарды жақсы көреді» деп сипаттаған.

Ресейлік экономисттің айтуынша, бұл сөз тіркесі Путиннің соғыс құмар, бірақ шешімдерінің салдарынан алшақ адам екенін дәл жеткізеді. Бұл лақап ат тек ресейлік президенттің жасын ғана емес (Путин 73 жаста), сонымен қатар оның өз шындығында өмір сүретінін, онда соғыс ел үшін апат емес, абстрактілі ойын ретінде қабылданатынын көрсетеді.

Прокопенко сонымен қатар ресейлік элитаның Путинді нақты жағдайдан барған сайын оқшауланған деп санайтынын атап өтеді. Оның айтуынша, экономикалық және әскери ақпарат ресей президентіне бұрмалып, әшекейленген түрде жетеді. Ресейлік басқару жүйесі шындықты айтатындарды емес, жағымды жаңалықтарды ғана жеткізетіндерді марапаттайды.

Индонезия Газаға әскерін орналастырмақ!

"Индонезия алдағы апталарда Газа секторына бірнеше мың әскерін орналастыруды жоспарлап отыр", - деп хабарлайды The Times of Israel.

Сауд Арабиясы Алеппоға 2 млрд доллар салмақ!

Сауд Арабиясы Алеппода 2 әуежай салу үшін 2 млрд доллар инвестиция салмақ. Бұл Сирияна қайта қалпына келтіру жобасы аясында іске асырылмақ.