💥Әлеуметтік желінің қырғыз сегментінде осыған Жапаровқа үшбу хат жазып, уақытынан бұрын президенттік сайлау өткізуді ұсынған 75 ақсақалмен Ташиевтің бірге түскен суреті жария болды.

Бұл суретте Оштың бұрынғы әкімі, бүгін қызметінен алынған Женишбек Тоқтарбаев та бар.

ШЕШІМ ЖОҚ. ҚЫРҒЫН ЖАЛҒАСУДА…

Ресейдің Украинадағы адам шығыны АҚШ-тың Екінші дүниежүзілік соғыстағы шығынынан асып түскен!

«Ресей Украинадағы соғыста тасбақа жүріспен жетістіктерге қол жеткізіп келеді, бірақ ол жетістіктердің құны тым ауыр. Соңғы айларда Украина Ресейге іс жүзінде ауқымды адами шығын келтіргені белгілі. Қазірдің өзінде Ресейдің соғыстағы адам шығыны өлгені мен жаралысын қосқанда 1,2 миллионнан асып жығылған. Бұл АҚШ қарулы күштерінің Екінші дүниежүзілік соғыста жоғалтқанынан да көп. Бұл сұмдық факті. Осылай кете берсе, Ресейде ақысын төлеп, жалдап жіберетін сарбаз қалмайтын күн де алыста емес», - дейді ЦРУ-дың бұрынғы директоры Девид Петреус.

Айтпақшы, Женевадағы келіссөздер кезінде Ресей Украинаға қарсы әуелгі талабынан бас тартпаған. Ол талабы - «Украина Донецкі облысынан толық шығып кетуі, облысты толық Ресейге беруі керек», - деген талап. Украина бұған үзілді-кесілді қарсы…

Украина, АҚШ, Ресей тараптарының әзірге: «Келіссөздер айтарлықтай өнімді өтті. Біраз мәселелер бойынша ілгерілеу бар», - дегені сөздің ретәнде айтылатын әңгіме боп тұр.

Жер мәселесі - президенттердің тікелей келіссөзінсіз шешілмейді. Оған қазір Путин құлықсыз. Түрлі сылтау айтып, қашқақтап жүр. Анығы жекпе-жектен ашық жалтаруда.

Ал, Мединский секілді ортаңқол адам ондай маңызды мәселені тіпті шеше алмайтыны әуелден-ақ түсінікті еді ғой…

💥”Соғысқа дайын болыңдар!"

Израильдің қауіпсіздік жүйесі дабылдың ең жоғары деңгейін жариялады.

Ішкі фронт қолбасшылығы мен төтенше жағдайлар қызметтері Иранның ықтимал соққысын болжау туралы нұсқаулар алды.

Егер АҚШ шынымен де Иранға шабуыл жасаса, Израиль АҚШ шабуылына қосылады.

Ynet порталы: АҚШ Иранға сөзсіз соққы жасайтынын жазды.

Газа секторы: Қазақстанның ұстанымы қандай?

Қазақстан Президенті Қасым-Жомарт Тоқаев 18-19 ақпан күндері АҚШ Президенті Дональд Трамптың шақыруымен Бейбітшілік кеңесінің алғашқы отырысына қатысу үшін Вашингтонға жұмыс сапарымен барды.

Ресми ақпаратқа көз жүгіртсек, саммит барысында Газа секторындағы ахуалды тұрақтандыру мәселесіне баса мән беріледі. Атап айтқанда, бейбітшілік орнату, қауіпсіздікті қамтамасыз ету және гуманитарлық көмек жеткізу бойынша нақты шаралар әзірлеуге ден қойылады. Сонымен қатар сапар аясында Қасым-Жомарт Тоқаев америкалық ірі компаниялардың жетекшілерімен бірқатар кездесу өткізеді.

Кездесу барысында қатысушылар Халықаралық тұрақтандыру күштеріне және жергілікті полиция күштеріне мыңдаған персоналдың жіберілетінін жариялайды. Бұл шаралар қауіпсіздікті қамтамасыз етуге, заңдылық пен тәртіпті сақтауға және Газада ұзақ мерзімді тұрақтандыру үшін жағдай жасауға бағытталған деп күтілуде.

Кездесуде ХАМАС-ты қарусыздандыруға ерекше назар аударылады деп жоспарлануда. Кеңес өкілдері ұйымның тұрақты бейбітшілікке қол жеткізудің негізгі шарты ретінде демилитаризацияны аяқтау және дереу орындау міндеттемесін орындауы керек екенін атап өтпек.

«Бейбітшілік кеңесі өзін аймақтағы қайта құру және қауіпсіздік күш-жігерін үйлестірудің ең ықпалды халықаралық тетіктерінің бірі ретінде көрсетеді деп күтілуде», - деп жазды Трамп «Truth Social» сайтында.

Тоқаев: «Бейбітшілік кеңесі» - бейбітшілікке инновациялық көзқарасы бар платформа

«АҚШ президенті Трамп бастамашылық еткен және БҰҰ толық қолдаған «Бейбітшілік кеңесі» алға жылжудың маңызды қадамы болып табылады. Бұл, әсіресе Газа мен Таяу Шығыста нәтижелерге қол жеткізуге бағытталған практикалық бастама. Ақ үй шынымен инновациялық тәсілді ұсынды: ол қате саяси формулаларды қайталаудың орнына, айқын және түсінікті тұжырымдаманы - тұрақты экономикалық даму арқылы бейбітшілікті ұсынды», - деді Қазақстан президенті Тоқаев The National Interest басылымына берген сұхбатында.

Оның айтуынша, Астананың тәсілі Израильдің ислам әлемімен диалогын кеңейтуге ықпал етеді.

«Қазақстан Израильмен берік қарым-қатынасты сақтайды, сонымен бірге Палестина халқын үнемі қолдайды және екі мемлекетті шешімді жақтайды. Шешім сонымен қатар ұлттық мүдделерге негізделген, экономикалық ынтымақтастықты нығайтуға, инвестиция тартуға және озық технологияларды беруге бағытталған. Жалпы алғанда, Астана бұл мұсылман және еврей әлемдері арасындағы диалогты кеңейтуге ықпал етеді деп үміттенеді», - деді Тоқаев.

АҚШ Сириядан әскерін шығарып жатыр...

The Wall Street Journal басылымының хабарлауынша, әскерилер елдегі операция аяқталды деп есептейді.

Олар аймақта үкімет күштерімен қақтығыс қаупі азайғанын айтады. Сонымен қатар, Сирия үкіметі лаңкестікке қарсы операциялар үшін жауапкершілікті өз мойнына алған.

Израиль СІМ-і: Ресейге күлкім келіп отыр!

БҰҰ Қауіпсіздік кеңесінде сөйлеген Израиль СІМ басшысы Саар БҰҰ-дағы Ресей өкіліне күлді.

«Ресей өкілінің сөздерін күліп отырып тыңдадым. Ол Халықаралық құқық, жерді оккупациялаудың қылмысы, соғысты бейбіт шешу туралы сөйлегенде қарқылдап жібере жаздап, өзімді әрең тыйдым», - дейді Саар.

Корейдің экс-президенті өмір бойына сотталды!

Сеулдің орталық аудандық соты Оңтүстік Кореяның бұрынғы президенті Юн Сок Ельге 2024 жылдың желтоқсанындағы бүлік туралыіс бойынша өмір бойы бас бостандығынан айыру жазасына кесті.

ПУТИН ТАҒЫ 2 ЖЫЛ СОҒЫСПАҚ!

Батыс барлау қызметі: «Путин Донбасс үшін тағы екі жыл бойы күресуге дайын», - деп мәлімдеді.

«The New York Times» басылымы: «Ресей президенті Владимир Путин соғыста жеңіске жететініне сенімді және Донбассты толық бақылауға алу үшін оны жалғастыруға дайын», деп жазады.

Басылым мәліметінше, Донецк аймағын басып алу тағы 1,5-2 жылға созылса да, Путин Украинаның инфрақұрылымы мен тұрғын үйлеріне жасалған әрбір соққылардың Ресей армиясының артықшылығын арттыратынына сенімді.

Өткен жылы «CSIS» есептеулері бойынша, Ресей Бас штабының генералдары Украина аумағының тек 0,8%-ын (4 831 шаршы шақырым) бақылауға ала алған. Бұл өткен жылы 0,6%-ды құраған. Сонымен қатар, 2022 жылдың ақпан айынан бастап Ресей әскері 1,2 миллион шығынға ұшырады, оның ішінде 325 мың адам қаза тапты. Бұл Кеңес армиясының Ауғанстандағы шығындарынан 17 есе, екі шешен соғысы кезіндегі шығындардан 11 есе және 1945 жылдан бері Ресей мен КСРО арасында болған барлық соғыстардан бес есе көп.

Туск поляктарды Ираннан шұғыл түрде кетуге шақырды: бірнеше сағаттан кейін кеш болуы мүмкін!

Польша Премьер-министрі Туск Ирандағы барлық поляк азаматтары елден дереу кетуі керек деп мәлімдеді. Ол қарулы қақтығыс қаупіне байланысты эвакуациялау бірнеше сағаттың ішінде мүмкін болмай қалуы мүмкін екенін ескертті.

Трамп әкімшілігі Газада 5 000 адамға арналған әскери база салуды жоспарлап отыр!

Трамп әкімшілігі Газа секторында аумағы 350 акрдан асатын, 5 000 адамға арналған әскери база салуды жоспарлауда. Бұл нысан еріктілерден құралатын көпұлтты әскери күш ретінде құрылатын болашақ Халықаралық тұрақтандыру күштерінің жедел әскери базасына айналады деп күтілуде. Бұл туралы өз дереккөздеріне сілтеме жасап The Guardian басылымы хабарлады.

Жоспарда әскери бекеттің кезең-кезеңімен салынуы қарастырылған. Қорытындысында оның аумағы 1 400 де 1 100 метрді құрап, айналасына тіркемелерге орнатылған 26 брондалған бақылау мұнарасы қойылады. Сондай-ақ мұнда ату полигоны, бункерлер мен әскери техника қоймасы болады. Бүкіл база тікенек сыммен қоршалады.

Бекіністі Газа секторының оңтүстігіндегі құрғақ жазық аймақта салу жоспарлануда.

АҚШ президенті Трамп Таяу Шығыстағы бейбітшілік процесінде маңызды рөл атқаратын Бейбітшілік кеңесінің бірінші отырысын ашты.

Отырысқа Кеңеске мүше 26 мемлекет, сондай-ақ 23 қосымша бақылаушы ел қатысуда.

Ресей жағында 1 мың кениялық соғысуда!

Кенияның Ұлттық барлау қызметі (NIS) парламентке ұсынған баяндамаға сәйкес, Украинамен соғысқа қатысу үшін Ресей армиясына барлығы 1000 кениялық тартылған.

2026 жылдың ақпанындағы жағдай бойынша, Кенияның 89 азаматы алдыңғы шепте болған. Бұған дейін ел үкіметі толық ауқымды соғыс басталғалы бері Ресей жағында 200-ге жуық кениялық соғысқанын хабарлаған болатын.

Баяндамада вербовка (жалдау) агенттіктері жаңадан келгендерді Ресейге кедергісіз жіберу үшін Кения әуежайларының, көші-қон қызметінің және күштік құрылымдардың қызметкерлерімен сөз байласқаны көрсетілген. Сондай-ақ, құжатта бұл іске Ресейдің Найробидегі елшілігі мен Кенияның Мәскеудегі елшілігінің қатысы бар екені атап өтілген.

Баяндамада жаңадан тартылғандардың көбінің тағдыры туралы айтылмаған, бірақ майдан шебіндегілерден бөлек, тағы 35 адам Ресейдегі әскери дайындық лагерлеріне жіберілгені, 39 адам жараланғаны және 28 адам хабар-ошарсыз кеткені көрсетілген.

Құжатқа сәйкес, жалданушыларға айына 350 мың кениялық шиллингке дейін (шамамен 2,4 мың доллар) жалақы, сондай-ақ 1,2 млн шиллингке дейін (8,3 мың доллар) бонус төлеуге уәде берілген.

Найроби әуежайында бақылау күшейтілгеннен кейін, жалданушыларды Оңтүстік Африка Республикасы (ОАР), Уганда және басқа да көршілес мемлекеттер арқылы жібере бастаған.