УКРАИНАДА

Владимир Зеленский – 48-де (1978 жылғы) – Украина президенті;
Михаил Федоров – 35-те (1991 жылғы) – Украина Қорғаныс министрі;
Андрей Сибига – 51-де (1975 жылғы) – Украина СІМ бастығы;
Кирилл Буданов – 40-та (1986 жылғы) – Украина ПӘ жетекшісі;
Давид Арахами – 46-да (1979 жылғы) – «Слуга Народа» партиясының жетекшісі;
Руслан Стефанчук – 50-де (1975 жылғы) – Жоғарғы Рада спикері;
Юрия Свириденко – 40-та (1985 жылғы) – Украина премьер-министрі.

РЕСЕЙДЕ

Владимир Путин – 73-те (1952 жылғы) – Ресей президенті;
Андрей Белоусов – 66-да (1959 жылғы) – Ресей Қорғаныс министрі;
Сергей Лавров – 75-те (1950 жылғы) – Ресей СІМ бастығы;
Антон Вайно – 54-те (1972 жылғы) – Ресей ПӘ жетекшісі;
Дмитрий Медведев – 60-та (1965 жылғы) – «Единая Россия» партиясының жетекшісі;
Вячеслав Володин – 62-де (1964 жылғы) – Дума спикері;
Михаил Мишустин – 60-та (1966 жылғы) – Ресей премьер-министрі.

Иран мен Ресей Қытайға мұнай сату үшін өзара бәсекеге түсті — Bloomberg.

Үндістан Ресей мен Иран мұнайын сатып алуды азайтқаннан кейін, бұл екі ел өз өнімдеріне үлкен жеңілдіктер ұсына бастады. Осылайша олар Қытайдағы шектеулі сатып алушылар тобы үшін өзара бәсекелесуге мәжбүр.

Қытай босаған мұнай көлемін толықтай қабылдай алмайтындықтан, сатылмаған шикізат Азия суларында жиналып қалуда. Ресей мен Иранның мұнай сататын басқа нұсқалары таусылып барады. Кремль өндірісті шектеуге мәжбүр болды, бұл оны Украинадағы соғысты қаржыландыруға қажетті қаражаттан айыруда. Ал Иран АҚШ тарапынан болуы мүмкін ықтимал шабуылға дайындалып, мүмкіндігінше көп мұнай жөнелтуге тырысуда.

Бұл күресте әзірге Ресей жеңіске жетіп жатыр: Мәскеу Тегеранды Қытай нарығынан ығыстыруда. Bloomberg жинаған кемелерді қадағалау деректеріне сәйкес:

Ақпанның алғашқы 18 күнінде Қытай порттарына Ресей мұнайын жеткізу тәулігіне 2,09 млн баррельге дейін өсті.

Бұл қаңтар айымен салыстырғанда шамамен 20%-ға көп, ал желтоқсанмен салыстырғанда бір жарым есеге жуық артық.

Өз кезегінде Иран биыл Қытайға тәулігіне шамамен 1,2 млн баррель экспорттады, бұл өткен жылдың сәйкес кезеңімен салыстырғанда 12%-ға аз.

Песков бүйдейді:

- Путин, Зеленский мен Трамп үшеуі келіссөздердің ең соңында, түйіндеу үшін кездескені жөн болады, - дейді.

ГЕНЕРАЛ ПРОКОПЕНКО

Зеленский әйгілі “Азов” Ұлттық гвардиясының 1 корпусының командирі Денис Прокопенкоға “бригадир генерал” атағын берді!

Денис Прокопенко - лақап аты Редис, 2014 жылдан бері Украинаны қорғап соғысып келе жатқан батыр. 2017-2025 аралығында әйгілі “Азов” полкін, сосын бригадасын басқарған. 2025 жылдан бері тгтас корпусты басқарады. Оған 2022 жылы Украина батыры атағы берілген.

Прокопенко Мариуполь шайқастарының батыры. Ол әйгілі “Азовсталь” қорғанысына қатысқан, қорғанысты басқарған батыр!

💥Куба АҚШ катерін атқылады!

Кубаның жағалау күзеті ел аумағына кірген қайыққа оқ жаудырды. АҚШ-тың Флорида аймағында тіркелген қайық Куба жағалауына жақын келген. Жағалау күзеті қайыққа жақындаған сәтте, қайықтағылар оқ ата бастаған. Куба шекарашылары қарсы оқ атып, 4 адамды мерт қылып, 6 адамды жарақаттаған. Оқиғаның мән-жайы анықталуда.

Пезешкиан: Хаменеидің ядролық қаруға тыйым салу туралы пәтуасы бұзылмайды!

Пезешкиан Иранның ядролық қару жасамайтынын мәлімдеді, өйткені елдің Жоғарғы көшбасшысы Хаменеи оған тыйым салған. Ол сондай-ақ: «Діни көшбасшы саясаткерлер сияқты өтірік айта алмайды», — деп қосты.

АҚШ-пен ядролық келіссөздердің үшінші кезеңі басталар алдында Президент: «Егер ол бізде ядролық қару болмайды десе, демек, ол шынымен болмайды», — деп атап өтті.

Иранның Жоғарғы көшбасшысы Хаменеи 2003 жылдың қазан айында ядролық қаруды жасауға және қолдануға тыйым салатын ауызша пәтуа (пәрмен) шығарған болатын. Кейіннен 2005 жылы Атом энергиясы жөніндегі халықаралық агенттікке (МАГАТЭ) ресми түрде ұсынылған бұл құжатта ол ядролық қаруды жасауды «харам» (күнә) және ислам құндылықтарына қайшы деп атады.

АҚШ Иран айналасына 2003 жылғы Иракқа қарсы агрессия кезіндегіден де көп қарулы күш шоғырландырды!

АҚШ-тың 150-ден астам әскери ұшағы және Әскери-теңіз күштерінің қолданыстағы барлық кемелерінің үштен біріне жуығы Иранға жақын маңда шоғырланған.

Әсіресе АҚШ-тың Әскери-әуе күштері өте қуатты құрамда ұсынылған. АҚШ-тың бүкіл әскери-әуе қуатының 40%-дан 50%-ға дейінгі бөлігі қазір Иранға бағытталған және Трамптың соққы беру туралы бұйрығын күтіп отыр. Тарихта АҚШ-тың мұндай орасан зор әскери әлеуетті өрістетіп, ауқымды әскери қимылдарға көшпеген кезі болған емес.

Батыс сарапшыларының ортақ пікірі: бұл жай ғана сес көрсету немесе қорқыту үшін тым үлкен әскери күш.

ЖАПАРОВ: КЕТСЕ КЕТЕ БЕРСІН!

Қырғыз президенті Садыр Жапаров досы Қамшыбек Ташиевтің елден кетуіне қатысты бүйдейді:

- Бұл бір трагедия емес. Тіпті дұрыс та болды. Өмір тоқтап қалмайды. Егер ол кетсе, менің артымда 7 млн досым тұр. Мен үшін мемлекет пен халық бірінші орында. Елдің тыныштығын кім бұзса, соны жазалаймыз. Оған ақылымыз да, күшіміз де жетеді, - дейді.