💥Tasnim: Ормуз бұғазын жүзіп өтпек болған тағы бір кемеге соққы жасалды. Кеме суға батып жатыр…

ХЕГСЕТ СӨЙЛЕЙДІ

Пентагон басшысы Пит Хегсет Иранға қарсы «Эпикалық қаһар» операциясын тарихтағы ең күрделі әрі дәл соққы деп атады. «Біз бұл соғысты бастаған жоқпыз. Бірақ президент Дональд Трамптың тұсында біз оны аяқтаймыз».

Пентагонның хабарлауынша, Иранға алғашқы соққыны АҚШ-тың барлау мәліметтеріне сүйенген Израиль жасаған.

АҚШ Қорғаныс министрі Пит Хегсет Тегеранды «ядролық бопсалау амбицияларын» қорғау үшін зымырандар мен ұшқышсыз ұшу аппараттарын жасап, «қалқан» құрды деп айыптады. Сондай-ақ, Хегсет Иран тарапынан болған тұрақты қауіп-қатерлерді еске салды.

«Егер сіздер американдықтарды өлтірсеңіздер, егер жер шарының кез келген нүктесінде американдықтарға қауіп төндірсеңіздер, біз сіздерді еш кешірімсіз және еш мүдірместен ізге түсіп, көздеріңізді жоямыз... «Америкаға өлім» және «Израильге өлім» деп ұрандатқан режимге Америка мен Израильден өлім келді», — деп атап өтті Хегсет.

Иран 48 сағат ішінде 700-ден астам дрон мен жүздеген зымыран ұшырып, 60 стратегиялық нысанаға соққы берді. Бұл туралы Ислам революциясы сақшылар корпусының (ИРСК) мәлімдемесінде айтылған.

Хабарламада Иран Қарулы Күштері осы уақыт аралығында АҚШ пен Израильдің 500 әскери нысанын атқылап, «бұған дейінгі бүкіл 12 күндік соғыстан асып түсетін жаңа рекорд орнатқаны» атап өтілген.

Трамп Иранға қарсы ауқымды соққы жасайтынын айтты...

«Біз оларға әлі қатты соққы берген жоқпыз. Әлі ауқымды соққылар толқынын бастаған жоқпыз! Ауқымды соққымыз енді жасалады», - деді АҚШ президенті.

Сондай-ақ АҚШ Бахрейндегі елшілігін белгісіз мерзімге жауып жатқанын жариялады.

Иранның қуғындағы шах әулетінің өкілі Реза Пехлеви:

- Мен неғұрлым жылдамырақ Иранға барғым келеді. Мейлі, ол қазір болсын, мейлі режим құлаған соң болсын, мен әрдайым Иран халқымен бірге болдым. Қазір де біргемін, - дейді.

Трамп АҚШ-тың Ирандағы операцияны бірнеше апта ішінде аяқтағысы келгенін, бірақ қазір оны қанша уақыт қажет болса, сонша жүргізуге дайын екенін мәлімдеді.

«Біз терроризмді қолдайтын режимнің ешқашан ядролық қаруға ие болмауы үшін қолдан келгеннің бәрін жасап жатырмыз. Мен мұны басынан бері айтып келемін — оларда ешқашан ядролық қару болмайды», — деп қосты ол.

Трамптың айтуынша, Иранның Еуропаға жете алатын зымырандары қазірдің өзінде бар. Сондай-ақ Тегеран АҚШ-қа жете алатын зымырандарды жасап шығарған.

Бұған дейін АҚШ президенті жерүсті шабуылын жасау мүмкіндігін де жоққа шығармаған болатын.

Трамп Иран флотын жойғанын да айтты: «Біз қазірдің өзінде олардың 10 кемесін су астына батырдық. Олардың флотын жойдық», — деді.

БАӘ мен Катар Трампты Иран мәселесінде ымыраға келуге және операцияны тоқтатуға жасырын түрде көндіруге тырысуда — Bloomberg.

Бұл елдер аймақтық шиеленістің өршуін және энергия ресурстары нарығындағы ұзаққа созылатын баға дағдарысын болдырмау үшін жанжалды тезірек дипломатиялық жолмен реттеу мақсатында кең коалиция құруға күш салуда. Олар АҚШ президенті Дональд Трампты ымыраға келуге көндіру үшін одақтастардың қолдауына ие болуға жасырын әрекет етіп жатыр.

БАӘ мен Катар жедел түрде өздерінің әуе шабуылына қарсы қорғаныс (ӘШҚ) жүйелерін күшейтуге тырысуда. Дереккөздердің хабарлауынша, егер қазіргі қолданыс қарқыны сақталса, Катарда Patriot жүйелеріне арналған ұстап алушы зымырандардың небәрі төрт күндік қоры қалған.

NBC News: Келіссөздерде Уиткофф пен Аракчи айқайласып, тарасқан!

Арна дерегінше: Женевада өткен АҚШ пен Иран келіссөздері айқаймен аяқталған.

Оқиға былай болған: Уиткофф қатқыл дауыспен “Иран алдағы 10 жыл бойы уран байытпауы керек” деген АҚШ талабын айтқан. Мұны естіген Иран СІМ басшысы Аракчи айқайлап тұрып, Иранның уран байытуға құқығы бар екенін айтқан. Уиткофф та қарап тұрмай: “Олай болса, АҚШ-тың да Иранды тоқтатуға заңды құқығы бар”, - деп дауыстаған. Екеуі де бір-біріне айқайлап, дауыс көтерген. Ақырында Аракчи Уиткоффқа: “Қаласаңыз, мен қазір-ақ кете алам”, - деп шығып кеткен. Болған жайды Уиткофф Трампқа баяндаған. АҚШ-тың Иранға қарсы соғыс ашуына түрткі болған оқиға осы-мыс.

⁉️“Орыс әлемінің” бас идеологы, Кремль империализмінің бас кеңесшісі Дугин:

“Біздің одақтастарымызды жоспарлы һәм мақсатты түрде жою бірте-бірте жүзеге асырылып жатыр. Егер Иран мен Сақшылар корпусы құласа - келесі кезекте біз тұрмыз”, - деп қайғыруда…

Қалай дейсіз, келесі кезек Ресей ме? Бұл кезек көп күттіре ме?

💥Иран Ормуз бұғазын толық жапты. Қозғалған кемені соққылайтынын айтуда…

Бұл бұғаз арқылы әлемжік мұнай ағынының 20%-ы өтетінін ескерсек, ертеңнен-ақ, нарықта мұнай бағасы өспек…