Газадағы соғыс: «7-қазан» оқиғасына үш жыл...

2023 жылы, 7-қазанда ХАМАС жасақтары Газадан Израиль аумағына өтіп, жаппай шабуылға шықты. Шабуыл барысында 1200-ден астам адам қаза тапты. ХАМАС жасақтары Израильдегі 251 адамды Газа аумағына тұтқындап әкетті.

8-қазанда Израиль Газаны жаппай бомбалауды бастап, құрлық әскерін кіргізді. Газада 70 мыңнан астам тұрғын қаза тауып, 200 мыңға жуығы жараланды. Газа ұрыс қимылдарынан үйіндіге айналды.

Бүгінде Газаның 62 пайызы Израиль әскерінің бақылауында. Әлемдік сарапшылар мен ұйымдар Газада геноцид болғанын айтуда. Ал Израиль ол айыптауларды жоққа шығаруда.

АҚШ базаларына шабуыл: Шығын көлемі қанша?

Таяу Шығыстағы АҚШ базаларына соққы беруден келген шығын өте ауыр болғаны сонша, Вашингтон аймақтағы әскери қатысуын бұрынғы деңгейге қайта жеткізе алмауы мүмкін, деп жазады The Intercept басылымы Америка әкімшілігінің аты-жөні аталмаған шенеуніктеріне сілтеме жасап.

Мәліметтерге сәйкес, бірқатар басты америкалық базалар өте үлкен зақым алған, салдарынан АҚШ Қарулы күштерінің қызметі «түбегейлі бұзылған», ал «аймақтағы бұрынғы әскери қатысуы ешқашан қалпына келмеуі де мүмкін».

Қақтығыс барысында америкалық ондаған әскери ұшақ зақымданғаны немесе жойылғаны атап өтіледі, олардың арасында 4 істребитель F-15, 12 жанармай құюшы KC-135, сондай-ақ 30 соққы жасаушы ұшқышсыз аппарат MQ-9 Reaper бар.

Ресейдегі оба күдігі: қауіп деңгейі қандай?

Ресейде зертхана қызметкері өкпе обасынан қайтыс болған болуы мүмкін деген күдік қауіпті дерт тарап кетпей ме деген үрей туғызып, бүкіл әлемді алаңдатып қойды.

Ал анығында өкпе обасы қаншалықты жылдам тарайды, қазіргі таңда бұл ауру несімен қауіпті және зертханалар оны қоздыратын бактерияларды не үшін сақтайды?

«Азаттық» радиосы Лондон гигиена және тропикалық медицина мектебінің (университетінің) микробтық патогенез профессоры Брендан Ренмен сұхбаттасып, Ресейдегі жағдай мен биліктің індеттің алдын алу бағытында атқарып жатқан шаралары туралы сөйлесті. Профессор Рен қызмет ететін ғылыми орталық та өкпе обасын тудыратын Yersinia pestis бактериясын зерттеумен айналысады.

Үндістан Ресей мен Украинаға бітім жоспарын ұсынды...

Hindustan Times мәліметінше, үндістандық жоспар 3 негізгі тармақтан тұрады:

1) Энергетикалық нысандар мен басқа да инфрақұрылымдарға соққы беруді тоқтату;
2) Қара теңіз порттары арқылы астық пен энергоресурстарды кедергісіз жеткізуді қамтамасыз ету;
3) Қара теңіздегі коммерциялық кеме қатынасына жасалатын шабуылдарды тоқтату.

Басылым Үндістанның бұл бастамасы Мысыр, Түркия және АҚШ ұсынған жекелеген ұсыныстарға қарағанда (олар тек астық экспортына немесе энергетикалық атысты тоқтатуға ғана қатысты) ауқымдырақ екенін атап өтеді.

Hindustan Times басылымы Үндістанның Қара теңіздегі шабуылдарды тоқтатуға мүдделі болу себебін, Ресейден келетін энергоресурстарды жеткізудегі іркілістермен түсіндіреді. Үндістанға тасымалданатын ресейлік энергоресурстар ағынының шамамен 30%-ы Қара теңіз порттарына тиесілі.

Reuters: Сирия хуситтерге қарсы соғыста Саудия Арабиясына көмектесуі мүмкін...

Агенттіктің мәліметінше, Сирия Йемендегі Иран қолдайтын хуситтерге қарсы соғыста Саудия Арабиясына әскери көмек көрсету мүмкіндігін қарастырып жатыр.

УКРАИНАНЫҢ КЕЗЕКТІ ЖОРЫҒЫ...

Украина жауап соққыларын арттыруда. Түнде Рязаньдағы «Яндекстің» дата орталығы соққы астында қалды. Соққы жеген дата орталық қызметін тоқтатты.

Ал бұл соққыдан соң ресейлік қолданушылар жаппай шағым жасауда. Бірі қаржысын аудара алмаса, енді бірі сайтқа кіре алмаған. Биржада «Яндекстің» акциялары қазір құлдырауда...
Бұл дата орталық – Рязан облысындағы Сасово қаласында орналасқан екен. Жалпы Ресейде мұндай коммерциялық дата орталықтардың саны 250-ден асады. Тағы 42-сі әлі салынып жатыр екен.

Дата центр дегеніңіз - түрлі серверлер мен желілік құрылғыларды орналастыруға арналған арнайы ғимарат. Қарапайым тілмен айтқанда, бұл - сайттардың, мобильді қосымшалардың, банк жүйелерінің және сервистердің «үйі».

Ал «Яндекстің» деректер орталығы — бұл компанияның мыңдаған серверлері, деректерді сақтау жүйелері мен желілік құрылғылары орналасқан арнайы жоғары технологиялық ғимараттар кешені. «Яндекстің» Ресейде мұндай орталықтары аз емес. Ең ірілері – осы Сасоводағы кешен. Сосын Владимир облысы мен Мәскеу түбінде орналасқан орталықтар.

Украина енді «Wildberries» пен «Ozon-нан» соң дата орталықтарды нысанаға мықтап алғанға ұқсайды...