@toshdaftar ning yangi qirrasini topdik :)

KECHIR

Kechir. Xafa qildim. Yo‘l edi og‘ir,
Qimorboz edim-u qo‘l edi og‘ir.
Sendan o‘zga mendan jabr ko‘rmadi,
Jabrdiydam, menga shul edi og‘ir.

Mening musiqam yo‘q, shovqin-suronman,
Eshigingni tepgan telba bo‘ronman.
Kechirgin azizam, olisdasan-u,
Orazingni o‘ylab, rashkman, gumonman.
Sen go‘zal eding-da, shul edi og‘ir.

Menga Layli sensan, menga Uzro sen,
O‘lsam, kamroq yig‘la qabrim uzra sen.
Tilovat qilsinlar bir-ikki og‘iz,
Eshitib yotayin, ko‘proq so‘zla sen.
So‘zsiz tikilarding, shul edi og‘ir.

Gullar xomush tortar nomozshom chog‘i,
Osmonga yoyilar oqshom bo‘yog‘i.
Tilim achchiq mening, maydan ham achchiq,
Tingla, ustuxonim nayning qiyog‘i.
Sen vaqt topolmading, shul edi og‘ir.

Kechir. Xafa qildim. Yo‘l edi og‘ir,
Kaftlarimdan yog‘gan do‘l edi og‘ir.
Bitta gul tutqazsam ko‘ngling to‘lardi,
Bir quchoq keltirsam to‘g‘ri bo‘lardi.
Gulsotuvchi xotin qarab turardi.
Qarashlar va o‘ng-u so‘l edi og‘ir,
Qotil qo‘llarimga gul edi og‘ir.

Kechir. Xafa qildim...

Bek ALI

@usmonosphere #nazm

​Aslida tugʻilgan kunlarda juda kam tabrik yozaman. Hozir oʻsha kamyob holatlardan biri.

Keling, yaxshisi gapni sal naridan boshlasam. Odam atrofida doim tushunadigan, miriqib suhbat quroladigan, hazillasholadigan, qisqasi, yaqin kishilari borligini sezsa boshqacha xursand boʻladi, toʻgʻrimi? Oʻshanday kishilar oilangizdan, yaqin qarindoshlaringizdan boʻlsa-ku oh-ho, nur ustiga nur.

Shunday yaqinlarimdan biri, Samandar akam (togʻavachcham) bugun 33 yoshga kiribdi. Hayot bizni umuman boshqa-boshqa shaharlarga uloqtirib yuborgan, faqat ijtimoiy tarmoqdagina gaplashib turamiz. Lekin qalban, ruhan bir-biriga yaqin insonlarga masofa kor qilmaydi deyishadi. Rost ekan.

Toʻgʻri, atrofimda yaxshi odamlar, men bilan suhbatlasholadigan, tushunoladigan yaqin doʻstlarim koʻp. Lekin bir havodan nafas olgan, bir osmon ostida yashagan, bolaligingdan buyon koʻrib-kuzatib kelgan odam bilan ochilib gaplashish, akangday yo doʻstingday bemalol boʻlish umuman bebaho narsa.

Samandar akam birinchi marta, “jiyanim, kanalingni kuzatyapman, ichingda nimadir bor shekilli. Qani gapir-chi, eshitaman, qoʻldan kelgancha maslahat beraman” deganida koʻzlarim katta-katta ochilib ketgan. Nahotki? Oila a’zolarim, qarindoshlarim orasida birinchi marta kimdir mening ruhiyatim bilan, koʻnglim bilan qiziqayotgani, eshitishga tayyor ekanini aytishi edi. Oʻshanda shu gapni eshitiboq juda yengillashganman. Menimcha, bu vaziyatni doim eslab yursam kerak.

Samandar aka, bugun aytganimday, “85 ga kirganizdayam avval Telegramdan tabriklay, keyin yonizga borib tabriklay-u, kechqurun kanalimga post yozay, iloyim”. Rosti, juda uzoq yozsam boʻladi. Masalan, qoʻli gul oshpaz ekaningizni, zamon bilan hamnafas, kitob va adabiyotga hurmat bilan qaraydigan odam ekaningizni, muhimi ruhiyat, koʻngil degan narsalarni tushunadigan, istalgan mavzuda erkin suhbatlashsa boʻladigan kamyob suhbatdosh ekaningizni.

Lekin birdan hammasini yozsam, oʻqiganlar havas qolib hasad qilishga oʻtmasin deyman-da, toʻgʻri tushunasiz. Hali koʻp yillar tabrik yozsa yetadigan fazilatlaringiz bor. Birortasiga koʻz tegmasin!

Jiyaningiz, Shohrux

P.S: Suratda katta bir restoran oshpazi Samandar Kosoniyning ijod mahsuli

@usmonosphere

Obunachilarning talab va istaklariga binoan anonim suhbat oʻtkazamiz.

Fikr-mulohaza, savol, duo, qargʻishlaringizni quyidagi manzilga yuboring:

👉🏿http://t.me/anonaskbot?start=sanduvoch

Hey, birodar! Yangi loyiha boshlaganimdan xabaringiz bormi?

Markaziy Osiyo xalqlari tarixi, tili, madaniyati va adabiyoti haqida, birlashish gʻoyasi haqida blog ochdim. Nomi: “Bir ildiz”

Hozircha Instagram tarmogʻida faolroq yurityapman. Obuna boʻlib, kuzatib borsangiz, chin dildan xursand boʻlaman.

Xoʻsh, bugun Instagramda 100 tadan oshamizmi?
👉🏿 https://www.instagram.com/birildiz?igsh=dW1jYXd4dGcxMXUz

@usmonosphere

Yuztadan oʻtishiga ozgina qoldi🤓

👉🏿https://www.instagram.com/birildiz?igsh=dW1jYXd4dGcxMXUz