Hozir, ha ayni shu damda ichingizdan nima oʻtyapti? Nimani oʻylayapsiz yoki his qilyapsiz?

Oʻsha haqida, faqat chin dildan, samimiy yozinglar-chi… Ruhiy-hissiy holatingiz qiziq.

Javoblarni @munshaotbot ga yozing, sir saqlanishiga men kafil

@usmonosphere

Birgina gʻoya chindanam katta loyihaga aylanishi va buning ortida oʻnlab odam ter toʻkishini tasavvur qiling. Menda shunday boʻldi. Ikki oycha avval mustaqillik kuniga biror kattaroq sovgʻa tayyorlashni maslahatlashgandik. Oʻshanda men “kelinglar, “Vatan” pleylisti qilaylik” dedim. Fikrimcha, vatan, millat, xalq, oʻzbek degan tushunchalarni ulugʻlaydigan turli janrlardagi yangi qoʻshiqlar kerak edi.

Va bu gʻoya katta harakatga aylandi. Bir nechta shoir, bastakor va xonandalar, san’at va folklor bilimdonlari jalb etildi. Natijada joʻshqin, jangovar, zamonaviy, ruhlantiruvchi, gʻurur uygʻotuvchi qoʻshiqlar dunyoga keldi. Nasib etsa, hali ularning keti uzilmaydi.

Dushanba kuni premyera-taqdimotga kelinglar. Siz yangi qoʻshiqlardan, san’atkorlar ijodini taqdim etishdan, kamina esa kichkina gʻoyasi katta ishga aylanganidan — xullas, hammamiz biror bahona bilan xursand boʻlamiz!

@usmonosphere

Qaysi mavzuda post yozeyk? Fikrlar qadrlanadi:

👉🏿 t.me/anonaskbot?start=sanduvoch

O‘ylab qarasam, ancha-muncha odamdan baxtli ekanman. Hali hech qaysi tanishim “Open byudjetga ovoz bervoring” deb qo‘ng‘iroq qilmadi :)

@usmonosphere

Yana o‘ylab qarasam, bir zamonlar o‘ylagan maqsadimga erishibman: hozir bitta imzo qo‘yishim 2 mln 419 ming 32 so‘m turadi :)

@usmonosphere

Chiroyli qoʻshiq ekan-a?

@usmonosphere

Toshkent metrosining yaqin kelajakdagi xaritasi shunday boʻlar ekan. Menga koʻproq “Kosmonavtlar” metro bekatining nomini “Fazo”ga oʻzgartirishmoqchi ekani yoqdi.

Shu bekatga har yoʻlim tushganida oʻylayman. Nega aynan “Kosmonavtlar”? Hech qursa “Fazogir(lar)” deb qoʻyishsa boʻladi-ku…

Lekin hozirgi “Olmazor” bekati “Avtovokzal”ga oʻzgartirilishiga unchalik qoʻshilmayman.

@usmonosphere

Qoʻshimcha: Diyor ukam undanam yaxshi yoʻlini oʻrgatyapti. Aytishicha, konsert volontyorlari jamoasiga qoʻshilish kerak ekan.

Ukamga ishonsa boʻladi. Yaqinda shu bola Jennifer Lopezni konsertidayam volontyor boʻlib qatnashdi.

Anaqqisa, boshi ochiq. Uyinglarga sovchilar borsa, “bizni oʻgʻlimiz JeyLoni konsertiga bepul kirish qobiliyatiga ega” deb maqtanishadi. Oʻylab koʻringiz, yolgʻiz sarimsoqchalar!

@usmonosphere

Esiiz, shu bilan endi kuzda ishga chiqarkanman :)

@usmonosphere

​Ustyurtda topilgan Maugli. Uning keyingi hayoti nima bo‘lgan?

1957-yilda bir guruh geologlar vertolyotdan bo‘rilarni otib tashlash uchun Ustyurt sahrosiga (Turkmaniston bilan Qoraqalpog‘istonning chegarasida, Sariqamish ko‘li atroflarida) ovga chiqadi. Geologlar bo‘ri to‘dasiga quvib yetib oladi, ammo, qochayotgan hayvonlar orasida taxminan besh yoshli bolaning yugurib ketayotganini ko‘rib hayratdan qotib qoladi. Bola ham bo‘rilar bilan birga osmondagi dushmandan qochib qutulishga harakat qilar edi.

Odamlar bolani har tomonlama qutqarishga qaror qilishadi va barcha bo‘rilarni otib tashlab, vertolyotni yerga qo‘ndirib, bolani ushlashga harakat qilishadi. Lekin ularga bolani tutish osonga tushmaydi. Bola xuddi bo‘ri bolasi kabi irillab yaqinlaganni tishlab, tepar edi. Geologlar amallab tutib uni birinchi navbatda, shifokorlarga yetkazishadi. Kichkina bolaning bo‘rilar orasiga qanday qilib tushib qolgani va uning ota-onasi kim bo‘lgani noma’lum edi. Kasalxonada unga oligofreniya tashxisi qo‘yiladi va Toshovuz ruhiy kasalliklar shifoxonasiga yotqiziladi.

Bundan keyin Jumani bir kasalxonadan ikkinchisiga tinmasdan ko‘chirib turishdi. U Toshovuzdan Ashxobodga, so‘ng Ashxobod yaqinidagi tog‘lar orasidagi Kalininskiy qishlog‘iga ko‘chib o‘tdi. Bu yerda, tog‘lar orasida moxovlar ham saqlanar edi. U, shuningdek, uran koni bilan tanilgan Qizilqoya (Krasnovodsk viloyati)ga ham yuborildi. Shu vaqtlarda turkmanistonlik kinorejissyorlar bu dahshatli joy haqida gapirishga harakat qilishdi, ammo ularga bunday qilish taqiqlandi.

90-yillarning boshlarida ommaviy axborot vositalarida turkmanistonlik Maugli haqida ma’lumot paydo bo‘lgandan so‘ng Moskvadan “Moskovskiy komsomoles“ gazetasi, “Ogonyok“ jurnali kabi yirik nashrlarning jurnalistlari u haqida material tayyorlash uchun Turkmanistonga tashrif buyurdi. Shu vaqtda ORTning “Vzglyad” dasturining boshlovchisi Vlad Listev Juma Jumayev haqida ko‘rsatuv tayyorlab, uning mashhurligini yanada oshirdi.
Kelgan jurnalistlar Jumani hayvonot bog‘iga olib borib, qafasda o‘tirgan bo‘rilarni ko‘rsatishar edi. Vlad Listevning so‘zlariga ko‘ra, Juma qafasdagi bo‘rilarni ko‘rganda juda hayajonlangan va uzoq vaqtgacha gapira olmay, bo‘rilar qafasiga kirishga jon-jahdi bilan uringan.

1992-yilda Jumani Ashxobodga olib kelganida, unga rejissyor Bulat Mansurov onasining rasmini chizishni iltimos qiladi. Ammo Jumayev bo‘rini chizardi. Juma yomon gapirganiga qaramay, unga nima deyilganini juda yaxshi tushungan. Mansurov unga: “Juma, bu bo‘ri“ desa, u shunchaki jilmayib qo‘yib, ko‘zlarida yosh bilan “Bu – onam” deb javob bergan.

Ushbu suhbatdan keyin rejissyor Bulat Mansurov “Turkman Mauglisi” nomli filmni suratga olishga qaror qiladi, lekin birnecha materiallar olgandan keyin unga taqiq qo‘yiladi.

Juma 37 yoshida pasport va nafaqaga chiqish huquqini oladi, lekin u umrining oxirigacha ruhiy kasalliklar shifoxonasidan chiqa olmaydi.

Jumaning navbatdagi joyi, avvalgi uran konlarida joylashgan Krasnovodskdan 300 kilometr uzoqlikdagi Qizilqoya tumani ruhiy kasalliklar shifoxonasi bo‘ldi. Bu joyda nurlanish kuchli edi.

(Davomi pastda) @usmonosphere

​Moskvadan kelgan psixiatr shifokor shaxsan o‘zi nurlanish bor-yo‘qligini tekshirish uchun shaxtalarning biriga tushadi, lekin shundan keyingi qolgan 3-yil umrini o‘zi shifoxonada o‘tkazadi.

Kasalxonaning yangi bosh shifokori lavozimiga tayinlangan Mishenko Vladimir Panfilovich o‘z xizmatini birinchi navbatda shifoxona joylashgan butun hududni dozimetr bilan o‘lchashdan boshlagan. Keyin u o‘z bemorlari uchun xavfsiz yangi joydan shifoxona izlashni talab qiladi. Lekin, ko‘p o‘tmay u ham sirli ravishda o‘lim topadi.

So‘ng Juma maxsus maktab-internatga o‘tkaziladi. Jurnalistlarning oxirgi intervyusi 1996-yilda bo‘lib o‘tgan, shundan keyin kasalxona eshiklari hamma uchun batamom yopiladi va Juma haqidagi ma’lumotlar to‘liq maxfiy bo‘lib qoladi. Uning keyingi hayoti qanday kechgani qorong‘u. Qachon va qanday sharoitda vafot etgani noma’lum. Shuni ta’kidlash kerakki, Juma dunyodagi boshqa Mauglilarga nisbatan ko‘proq umr ko‘rdi. Boshqalar 40 yoshgacha hayot bo‘lgan bo‘lsa, Juma taxminan 50-yil yashagan. Lekin, u bo‘rilar bilan taxminan 5-yil va odamlar bilan 40-yildan ortiq yashaganiga qaramay, odamlar jamiyatini tushuna olmasdan ketdi. Juma Jumayev fenomeni fan uchun ham yangi kashfiyot bo‘ldi. Uning ismi ilmiy adabiyotlarga ham kiritildi.

– Ustyurtdagi Mauglini, ya’ni Jumani Qoraqalpog‘iston hududida, ya’ni Sariqamish ko‘li atroflarida tutgan, — deydi qoraqalpog‘istonlik yozuvchi O‘mirbay O‘teo‘liyev. – Men Ustyurtdagi cho‘ponlardan bu voqeani ko‘p eshitganman. Bo‘rilarda juda ko‘p karomat bor.
*Suratda – Juma Jumayev. 1990-yil boshlari. Qizilqoya ruhiy kasalliklar shifoxonasi. Turkmaniston.
Suratni “Rodina” jurnali muxbiri Yuriy Kozirev olgan.

P.S: Uza’dan olindi

@usmonosphere

Magistraturaga kirolmaganlarni tabriklayman! Hech narsa yoʻqotganingiz yoʻq :)

@usmonosphere

Vatan pleylistini YouTubeda toʻliq holda tinglashingiz mumkin:

🤝 https://www.youtube.com/watch?v=_dXMxHYSs2g