Maks Zidentopfning pasport suratlariga qarshi isyoni

Sizga ham rasmiy hujjatlar uchun tushgan rasmingiz unchalik yoqmaydi-a? Yo xunuk, yo notabiiy, yo bir balo... Bu muammo faqat bizning yurtda emas.

Ko‘pchilik mamlakatlarda qat’iy tartibga solingan pasport fotosuratlari shaxsiy xususiyatlarni aks ettirishga deyarli imkon bermaydi. Suratga tushuvchi shaxs to‘g‘ridan-to‘g‘ri kameraga qarashi, yuzida hech qanday ifoda bo‘lmasligi, soyalar yoki notekis fonlardan qochishi, ko‘zoynakda yorug‘lik aks etmasligi kerak. Jilmayish tavsiya etilmaydi yoki butunlay taqiqlanadi, chunki bu biometrik identifikatsiyaga xalal beradi va rasmiy suratlarni ataylab oddiy hamda ifodasiz qilib ko‘rsatadi.

“Pasport suratlari” loyihasida rassom Maks Zidentopf bu qoidalarni hazil-mutoyiba bilan buzadi. Turkumda odam rasmiy hujjat uchun suratga tushayotganda qilishi mumkin bo‘lgan barcha narsalar — haqiqiy pasport idorasida hech qachon qabul qilinmaydigan yuz ifodalari, qo‘l harakatlari va bema’ni vaziyatlar tasvirlanadi.

Ijodkorning rasmiy sayti: maxsiedentopf.com

@usmonosphere