​Donishmand it

Bir kuni donishmand itning yonidan mushuklar to‘dasi o‘tdi. It hayratdan dong qotdiki, baraqvoylarning yoniga yo‘laganida hech biri o‘zini chetga ham olmadi, birontasi e‘tibor ham qilmadi. Bir dam to‘da orasidan bahaybat va meshroqin Mushukvoyi ajralib chiqdi. Izdoshlariga yuzlandi-da vaz o‘qidi:
— Birodarlar ibodat qiling; takror va takror munojot qilsangiz, shubhasiz, bir kun kelib, albatta osmondan sichqon yomg‘iri yog‘gay.
Buni eshitgan it miriqib kulib yubordi-yu, yo‘liga qayrilib keta turib ming‘irladi:
— Eh so‘qir va ongsiz mushuklar, nafaqat men balki bobokalonlarim ham hanuzgacha bunday bemanilik haqida eshitmaganmiz. Biron yerda bitilganiga guvoh ham bo‘maganmiz. Axir, dunyo-yu ibodat, munojot va sofdllik evaziga osmondan sichqon emas, suyak yomg‘iri yog‘adi-ku, nodonlar.

Jubron Xalil (Asardan parchalar)

Bu kitobchada jahon adabiyoti yozuvchilari Jorj Oruell, O‘Genri, Raskin Bond, Mark Tven, Ernest Xemenguey kabilardan parchalar keltirilgan. Hikoyalarning hammasi ravon tilda, o‘qilishga oson, asar yakunida xulosa chiqish mumkin. Yuqoridagi parcha esa Jubron Xalildan. Masalan, Jahon adabiyotidan ko‘p o‘qiyman, ammo aynan shu yozuvchi o‘zim uchun kashfiyot bo‘ldi.
Bitta kitob yozish katta mashaqat, ana shu kitob beradigan narsani kichik satrlarga joylash olish mahoratdir. Faylasuf yozuvchini o‘qirkansiz jarayonda "Kalila va Dimna", "Zarbulmasal" ham yodga tushadi. Sharq didaktikasining ruhi ufurib turgan uslub hayrat va diqqatingizni oshirib boradi.

Tarjimon Shohrux Usmonip. Yaqinda yana bitta kitob nashrdan chiqishi kutilyapti. Bunisi "Tadorik" den nomlangan ekan. Kelajakdagi tarjimalar uchun yaxshi tayyorgarlik bo‘libdi deb bemalol aytsam bo‘ladi.

@quyoshtaraflarda

Aytgancha, bugun xalqaro tarjimonlar kuni! Barcha kasbdoshlarni tabriklayman.

Ehtimol, yillar o‘tib, tarjimonlik sarhadlari torayar,ba'zi o‘rinlarni Sun'iy Idrok egallab olar, CAT dasturlar umuman boshqa darajaga ko‘tarilar, ammo shundayam badiiy tarjima san'at sifatida o‘z qadrini yo‘qotmaydi, degan umiddaman!

Tarjimonlarimizning qalami sinmasin, klaviaturasi qotmasin, ovmin!

@usmonosphere

Hamma rozi bo'lsa, random orqali omadli ishtirokchini aniqlaymizmi? Jonli efir yoqaman, bemalol kirib ko'rishingiz mumkin.

Demak, gʻolibimiz 3-raqamli ishtirokchi ​​— Otabek.

Yutuqli oʻyinda qatnashgan barchaga rahmat. Yaqin orada bundan kattaroq yutuqli oʻyin oʻtkazishni reja qilganman. Chiqib ketmay turing :)

P.S: Gʻolib jonli efirda, ishtirokchilar koʻz oʻngida aniqlandi.

@usmonosphere

Maktabda birinchi oʻqituvchimning ismi Gʻulomova Feruza edi. Qoʻshni boʻlganmiz. Qaysidir yili bayramda daftar varogʻiga “Bayramingiz bilan, ustoz!” deb yozib darvozasiga qistirib ketganim esimda.

Keyin Shukrullayeva Shahnoza sinf rahbarimiz boʻlgan. Maktabdagi eng obroʻli, eng talabchan, oʻqituvchilardan. Yil boshida koʻrishgandik. Yana uyga qaytsam, albatta, koʻrib kelaman.

Shukrullayeva haqida gapirsam, eh-he, kattagina post boʻladi. Meni odam qilish uchun qancha asablari ketgan, asti qoʻyavering. Qachondir arzirli narsa yozishni koʻngilga tugib qoʻyganman.

Sizning ustozlaringiz kim boʻlgan? Hayotingizda qaysi ustozingizning unutilmas oʻrni bor? Xotiralaringiz boʻlsa, ulashing. Oʻqiylik, havas qilaylik, maktabga qaytganday boʻlaylik.

@usmonosphere

#duel

Xabaringiz boʻlsa kerak, “Duel” ijodiy tanlovining viloyat bosqichlari onlayn oʻtkazilyapti. Hozirgina Qashqadaryo viloyati bosqichini jonli yoyinda tomosha qilayotgandim.

Aksar ishtirokchilarni avvaldan taniyman, ijodi bilan tanishman. Lekin suratdagi mana bu yigit bittada eʼtiborimni tortdi.

“1365-yil. Loy jangi” va “Ipak qurti” nomli sheʼrlarini oʻqib berdi. Sheʼri ham, ijro mahorati ham yoqdi. Ayniqsa, quyidagi satrlari bittada yodimda qoldi:

“Peshonamdan oqib ketar ter,
Ich-ichimdan chekyapman alam.
Temur bobo, menga qilich ber,
Nechun mening qoʻlimda qalam?”

Bu doʻstimizning ismi Shamshod Amirov ekan. Unga alohida muvaffaqiyat tilayman. Respublika bosqichida koʻrsak, ajabmas.

P.S: jonli efir shu havolada

@usmonosphere

#yangi_kitob

“Asaxiy Books” nashriyotida bolalar va oʻsmirlar uchun “Dunyo daholari” rukni ostida kitoblar nashr etishni boshladik. Shulardan dastlabkisi Stiv Jobs haqida.

Unda “Apple” asoschisi, marketing daholaridan biri Stiv Jobsning bolalik yillaridan tortib to ulkan marralarni zabt etganiga qadar bosib oʻtgan yili hikoya qilinadi.

Qolaversa, kitobni Mohim Raimova va Sarvar Farmonov chizgan illyustratsiyalar bezab turibdi.

Bugundanoq sotib olib, uka-singil va jiyanlaringizga hadya qilishingiz mumkin.

Darvoqe, “Dunyo daholari” ruknida yana toʻrtta (ulardan biri sportchi, biri olim, biri bastakor va yana biri rassom haqida) kitob nashrga tayyorlangan.

P.S: muharrir kaminayi kamtarin :)

@usmonosphere

#diqqat

Doʻstlar, jiddiy taklif bor!

Kim Usmonip bilan bir guruhda fors tili oʻrganmoqchi? Darslar onlayn boʻladi. Chindan ham fors tilini oʻrganishni reja qilganlar boʻlsa, xabar bering. Batafsil maʼlumotlarni yuboraman.

P.S: billa-billa dars qilarmidu, diyman-de :)

@usmonosphere

Oktyabr keldi, oyliklar oshdi, narx-navo koʻtarildi. Endi shunga monand bizning obunachilarimiz soni oshsa, sizning esa kuzatadigan saviyali kanallaringiz koʻpaysa, zap ish boʻlardi-da.

Shuni oʻylab, adabiyot, sanʼat va kitoblar haqida soʻz yuritadigan ajoyib sahifalarni bir yerga jamladik. Sizdan ugina, bizdan bugina deydilar-ku...

Qani, rangli yozuvni bosing unda

#Nobel

Yaqinda turli sohalar boʻyicha 2024-yilgi Nobel mukofoti sohiblarining nomlarini eʼlon qilina boshlaydi. Jumladan, 11-oktyabr kuni bu yilgi adabiyot boʻyicha Nobel mukofoti sohibi kimligi maʼlum boʻladi.

Oʻtgan yil shu vaqtda adabiyot boʻyicha Nobel mukofotining navbatdagi laureati kim boʻlishi haqidagi gap-soʻzlarni tahlil qilib, post tayyorlagandim.

Ammo yakunda, koʻpchilikni hayratda qoldirgancha, mukofotni norvegiyalik adib Yun Fosse ilib ketgandi. Keyin u haqida kattaroq maqola yozgandim. Maqola ancha muvaffaqiyatli chiqqandi, avvaliga oyina.uz da keyin baʼzi bosma nashrlarda chop etilgandi.

Bu yil ham Nobel mavsumi boshlanyapti. Shu mavzuda post va maqolalar oʻqishni istaysizmi?

@usmonosphere

Anʼanaga sodiq qolgan holda, yakshanbani suhbat bilan yakunlaymiz. Siz gaplaringizni yozib qoldiring, men sal keyinroq javob yozaman.

👉🏿http://t.me/anonaskbot?start=sanduvoch

#diqqat

Doʻstlar, 9-oktyabrni ham taqvimda belgilab qoʻying. Bu sanada yana bir ajoyib tadbir bor.

Mumtoz va yangi davr oʻzbek hamda qoraqalpoq sheʼriyatidan ingliz tiliga tarjimlari bilan tanilgan Endryu Stenilend bilan uchrashuv boʻlib oʻtadi. Uning sheʼr va tarjimalaridan eshitishni, suhbatidan bahramand boʻlishni, tanishishni istasangiz, 9-oktyabr 17:00 da Oybek uy-muzeyiga keling.

Ungacha kaminaning Endryu Stenilend bilan intervyusini oʻqisangiz boʻladi.
👉🏿 http://jadid-media.uz/har-ozbekka-aytar-gapim-bor/

@usmonosphere

Qayta joylagim keldi, arziydi zotan

@usmonosphere

#sanʼat

Baʼzi mashhur haykallar, ularning yasalgan yillari va mualliflari:

• 1411: “Avliyo Jon Yevangelist” ​​— Donatello
• 1499: “Pyeta” ​​— Mikelnajelo
• 1515: “Muso” ​​— Mikelanjelo
• 1599: “Gerakl va kentavr Ness” ​​— Jambolonya
• 1624: “Dovud” ​​— Jan Lorenso Bernini
• 1752: “Kamtarlik” ​​— Antonyo Korradini
• 1801: “Meduzaning boshini ushlab turgan Persey” ​​— Antonyo Kanova
• 1850: “Roʻmolli bokira” ​​— Jovanni Stratsa
• 1880: “Suvdan koʻtarilayotgan undina” ​​— Chonsi Ayvs

P.S: oxirgisidan tashqari, barcha haykallarning muallifi italyan ekan

@usmonosphere

#taqdimot

Nihoyat, kutilgan kun yaqinlashdi! 11-oktyabr 19:00 da “Oʻtkan kunlar” asarining mahalliy nashri taqdimoti va tarjimon Mark Ris bilan uchrashuv tashkil etiladi. Tadbirda asardan xarid qilishingiz va tarjimondan imzo olish imkoniga ega boʻlasiz.

Tadbir Xalqlar doʻstligi metro bekati yaqinidagi “Asaxiy Books” kitob doʻkonida oʻtkaziladi. Barchangizni kutamiz.

Sana: 11-oktyabr, 19:00
Manzil: Furqat koʻchasi, 15A

@usmonosphere