#gurung

Yangi yilga oz qoldi. 10 kunlik haqqimiz bu yildan. Ayni sarhisob qiladigan, keyingi rejalar ustida bosh qotiradigan payt.

Keyingi yil karyeram, ijodim, oʻqishim va hayotimni tubdan oʻzgartirish payidaman. Avvalo, ish joyim va daromadim haqida oʻylayapman. Yangi sahifa ochish, koʻproq gʻoyalar ustida ishlash qiziqroq.

Tarjimonlik va kolumistlik faoliyatimga jiddiy qarashim kerak. Tanish nashrlar bilan kelishuv qilyapman. Tizimli ish boʻladi, nasib

Sayohat ham bor. Dastlab Qozogʻiston va Tojikistondan boshlayman.

Magistraturam tugaydi. PhD ga shoshilmayman. Tanaffus kerak. Imkon boʻlsa, chet elda magistratura oʻqib, keyin PhD haqida oʻylab koʻraman. Demak, yil davomida turli grantlarga topshirib koʻraman.

Hozir har birini batafsil yoza olmayman. Ammo uyga qaytganimda barchasini oqizmay-tomizmay yozib, tashlab kelaman. Keyingi yil oxirida qoʻlimga olib, qaysi rejalarni amalga oshira oldim, qaysilari orqaga surildi, barini taftish qilish uchun.

Sizda qanday rejalar?

@usmonosphere

Darvoqe, yaldo kechasi muborak! Bugun yilning eng uzun tuni boʻladi. Bu kechani fors taronalarisiz qarshi olmay boʻladimi :)

Yaldoni mazmunli, sersuhbat va xushchaqchaq oʻtkazing!

@usmonosphere

Oxirgi paytlar atrofimdagi barcha tanish, doʻst, oʻrtoq va hokazolar bilan munosabatlarimni taftish qiladigan, kimga yaqinman, kimga uzoq deb oʻylaydigan boʻlib qolganman.

Baʼzilar bilan uzoq yillik yozishmalarni oʻchirib yubordim. Tabiiyki, mendan xafasizlar. Menga hozir shu uzlat juda muhim. Oʻzimni chuqurroq anglashim, ortiqcha masʼuliyatdan voz kechishim, kim bilan qanaqa munosabatda ekanimni aniqlab olishim zarur.

Bu kabi eng ichki kechinmalarni kanalda yozmay qoʻygandim. Lekin koʻzingiz tushsa, oʻqirsiz va meni tushunarsiz degan umiddaman. Maqsad shu.

Maʼlum muddat oʻtgach, men yana qaytaman. Oʻsha-oʻsha yoki boshqa Usmonip boʻlib safingizga qoʻshilaman. Axir oʻta ijtimoiy odamman, insonlarsiz, ayniqsa, hamfikrlarimsiz yashashim qiyin.

Kaminaga biroz vaqt bering. Oʻzi bilan oʻzi kelishib olsin, bosib oʻtgan yoʻlini sarhisob qilsin. Undan keyin Usmonip birodaringiz yana qaytadi. Umid qilamanki, mendan gina saqlamaysiz.

@usmonosphere

#suhbat

​​— Masalan, choynakni qanaqasi yoqadi sizga?
​​— Suv qaynaganda hushtak chaladigani.
​​— Ha boʻldi-da, ayollarni ham “suv qaynaganda hushtak chaladigani” yaxshi. Biroz gʻashga tegsayam vaqtida ogohlantiradi...

© Usmonip

@usmonosphere

Kitob yaratish jamoaviy mehnatdir. Debyut asarimni tayyorlashda menga yordam bergan odamlarga minnatdorchilik bildirmoqchiman.

Ustozim Nargis Saidaliyeva kitobning bosh muharriri. Nargis opa ikki yarim yil davomida men bilan kitob g‘oyasini yetishtirdi, hikoyalarni o‘qib, tahrir qildi. U kitobning yaratilishi haqida birinchilardan bo‘lib bildi, matnlarimdagi barcha kamchiliklarni menga sabr-toqat bilan tushuntirdi. Nargis opaning ma’naviy ko‘magisiz kitob ustidagi ishni allaqachon tashlab qo‘ygan bo‘lardim.

Eldos Fozilbekov muqova va rasmlar muallifi. Dos - iste’dodli rassom. O‘nta hikoyadan to‘qqiztasiga bittadan rasm ishlangan. Ma’no jihatdan chuqur, oq-qora rasmlar hikoyalarga yanada chuqurroq singib ketadi. Dos menga old va orqa muqovalarni ham chizib berdi. Uning ijodini o‘z ko‘zingiz bilan ko‘rishingiz kerak.

Anna Sadriyeva muharrir va korrektor. Uning professional yordamisiz kitobim xatoga to‘lib-toshgan bo‘lardi. Bundan tashqari, Anna men ikkilanib qolgan paytlarimda murojaat qiladigan insonim edi.

Olga Nepomnyashaya muharrir. Olga Ivanovna ajoyib mutaxassis. U ikkita hikoyani o‘qib chiqdi va ularni tahrir qilishga yordam berdi. Uning mulohazalari har doim mahoratimni oshirishga ko‘maklashadi.

Rafiq O‘zturk hikoyalarning o‘zbek tiliga bosh tarjimoni. Hikoyalarimni tarjima qilishga Rafiq aka rozi bo‘lgani men uchun sharaf. Ba’zan menga kitobimning o‘zbekcha matni ruschadan ham chiroyliroq eshitilayotgandek tuyuladi. Bu ko‘p jihatdan Rafiq akaning xizmati.

Abduhamid Pardayev o‘zbek tiliga tarjimon. Ikkita hikoyani tarjima qilishda menga yordam bergan Abduhamid aka ham muhim o‘rin tutdi. U menga vaqt ajratgani katta omad.

Shohrux Usmonov (@usmonosphere) o‘zbek tilidagi matn muharriri. Iste’dodli! Shohrux o‘zbek tilidagi matnni yanada sayqallashtirishga erishdi. U muloyimlik bilan tuzatishlar kiritishni so‘radi, iboralarning eng yaxshi variantlarini tavsiya etdi.

Akbar Toshtemirov adabiy agent. Akbar aka men yo‘ldan adashgan paytimda paydo bo‘ldi. Uning maslahatlari meni doimo to‘g‘ri yo‘lga solib, oldinga intilishimga yordam berardi.

Munira Norova (@authors_and_publish) adabiy agent. Munira opa - men mustaqil ijod bilan qanday shug‘ullanishni bilmagan paytlarimda menga aniq yo‘l-yo‘riq ko‘rsatgan, adabiy olam qoidalarini aniq-ravshan tartiblashtirgan odam. Aynan Munira opa tufayli men kitobni ommaga taqdim etishga jazm qildim, chunki u kitobxonlar e’tiboriga loyiq bo‘lishini aytdi.

Abduqodir Yo‘ldoshev sahifalovchi mutaxassis. Hikoyalarni yozishning o‘zi yetarli emas. Kitob mutoolasi, mazmun-mohiyatini anglash insonni komil va teran tafakkur sohibiga aylantirishi shubxasiz. Ushbu hikoyalar to'plami Abduqodir akaning sehrli - qo‘llarida qulay va o‘qish uchun yoqimli kitob yaratish, unda barcha matn o‘lchamlari, oraliqlar va chegaralar noshirlik qoidalarga muvofiq joylashtirilgan. Umid qilamizki qulingizdagi hikoyalar to'plami sizga manzur bo'ladi.

"BOOKTOPIA" nashriyoti. Nihoyat, "BOOKTOPIA" nashriyotiga mening "portretlarim"ni chop etishga rozilik berganlari uchun minnatdorchilik bildirmoqchiman.

@andanotherday

Juda katta qoʻshiq!

@usmonosphere

#ajabtovur

Qiziq eksperiment koʻrib qoldim. Shuni sinab koʻrmoqchiman.

Xullas, kanalni bir kunga birorta obuanchimga beraman, u bir kun davomida xohlagan postlarini qoʻyishi mumkin. Faqat senzura bor: 18+, 21+, bukmekerlik, qalloblik, reklama va hokazo narsalarni joylamaysiz.

Oʻsha “bir kunlik mehmonni” random orqali aniqlaymiz. Bugun 00:00 gacha izohlarda “+” qoldiring. Sizlarga raqam beraman. Shular orasida bir kishi vaqtinchalik adminlikni qoʻlga kiritadi.

Qani, ketdik...

@usmonosphere

Diqqat!

Sahifamning bir kunlik egasi aniqlandi. Tanishing, 31-raqam egasi ​​— Sarvinoz Baratova!

Hozir sizni maʼmurlikka saylayman. Bir kun davomida oʻzingiz qosh-koʻz boʻlasiz obunachilarimga. Sahifamni sizga, sizni Xudoga topshiraman.

P.S: Sarvinoz Baratova qabul qilmasa, 32-raqamga yuzlanamiz :)

@usmonosphere

#tong_bayti

Kimsa yuz yil komronligʻ qilsa, bilkim, arzimas
Dahr aro bir lahza boʻlmoqqa birov komi bila.

Alisher Navoiy

*Izoh: Erksizlik shunday alamli holatki, agar yuz yil oʻz erking bilan yashasang, bir lahza ixtiyorsizlik bu yuz yillik baxtdan nishon qoldirmaydi.

@usmonosphere

#iqtibos

Dunyoda ikkita kuch bor: biri ​​— qilich, biri ​​— qalam. Ammo bu ikkalasidan ham qudratliroq boʻlgan, lekin koʻpchilik eʼtibordan chetda qoldiradigan yana bir kuch mavjud. Bu ​​— ayol.

“Men Malalaman”, Malala Yusufzoy

P.S: Siz ham hozir mutolaa qilayotgan asaringizdan biror iqtibos qoldiring.

@usmonosphere

​#sevimli #nazm

***
Ichikdim. Sog‘indim  seni, shekilli,
Tongim  rangi  sariq,  xasta  kunduzim.
Ixrab  quyosh  chiqar,  o‘qchib  oy  sho‘rlik,
Osima –
Sen  kimning  qizi!

Ko‘rpaga  burkansam,  ko‘rpa  ilvirar,
Yostiqqa  yopishsam,  ilvirar  yostiq.
O‘y  menga  sig‘maydi,   uy  menga  sig‘mas,
bosiriq – bosiriq...

Zirillar borlig‘im yursam,  yo‘l  ko‘nmas,
Qoyaga tirmashsam,  puchmayar  qoya.
Qarg‘asam,  qarg‘ishim  duoga  o‘xshar,
voooya...

Ichikdim. Sog‘indim  seni,  shekilli,
Xo‘rligim  keltirar  g‘alati  gina.
Nimaga odamlar  shod,  xurram,  mamnun,
Bizlar  odammasmi,
Osima?!

Abduvali  Qutbiddin

@usmonosphere

If you like your coffee hot,
Let me be your coffee pot.
🩵

@usmonosphere