Gʻayrat Doʻstovning apelyatsiya sudini koʻrdim. Nihoyat haqiqatgoʻy akamiz ozodlikka chiqdi. Xalq birlashdi, zulmga qarshi chiqa oldi.

Lekin sud jarayonida Doʻstovning hushidan ketib qolgani odamni shokka tushirdi. Ruhiyati choʻkib qolgan koʻrinadi. Nima boʻlgani qorongʻi, ammo oson boʻlmagan menimcha. Tanqidini aytib shuncha koʻrgilikka duchor boʻlgan odam ichkaridagi ishlarni roʻy-rost aytishga tili bormasa kerak endi.

Xalq birlashsa natija beradi. Bundan keyin birlashish uchun gʻayratli doʻstlarimiz qamalishiga hojat qolmasin, iloyim.

Surat muallifi: Habikatura

@usmonosphere

Shu post ostiga yoqtirgan qoʻshiqlaringizni yuboring🤓

#sanʼat

Oʻzbek estradasida olamshumul yangilik: reper Shahriyor Usmon Azim sheʼrlaridan yangi albom tayyorlabdi!

Rosti, Shahriyor bolalikdagi kumirim! Usmon Azim haqida esa gapirmasam ham boʻladi. Ikki katta isteʼdodning birlashuvi men uchun xushxabar!

“Baxtli boʻlmaganimiz esingdami?..”

Treklar sokin, bir maromda kuylangan. Xuddi sheʼrni ifodali oʻqib berganday tuyiladi. Ehtimol, Usmon Azim sheʼrlari bastakor yoʻrigʻiga yurmay, mana shunday kuyla meni deb turib olgandir.

Mayli, sizlar ham albomni tinglab koʻring:
👉🏿 https://www.instagram.com/p/DD4Mctio7XI/?igsh=MXA0NHNncmV3cHp2bQ==

@usmonosphere

Yangilikni yanayam zoʻr qismini aytaymi?

Shahriyor ushbu albomning tojikchasini ham eʼlon qilibdi. Quvonarlisi, Usmon Azim sheʼrlarini Tojikiston xalq shoiri Ozaraxsh ijodiy tarjima qilgan ekan.

Mana buni ijodga professional yondashish desa boʻladi!

@usmonosphere

#ajabtovur

Mabodoyi Karim falakning gardishi gir aylanib kamina qaysidir oliygohda dars berishni boshlasa, oʻquv yili yoki semestr boshida talabalarga shunday savol bilan yuzlanaman:

Tanlang, oldingizda ikkita yoʻl bor:

1) kirayotgan fanimdan imkon qadar sifatli dars berishim, yangi bilimlarni ulashishim, sizlarni harakatga chorlashim hamda ichingizdan hech qursa bitta zoʻr tarjimon/muharrir va hkz chiqarishim mumkin;

2) yoʻq, bizga unaqa ilmlaringiz kerakmas desalaring, naq ikki semestrga yetadigan hayotiy hikoyalarimni aytib, ajoyib-u gʻaroyib voqealarni soʻzlab, ichingizdan kamida bitta yozuvchi chiqarishim mumkin...

Menimcha, ikkinchisini koʻproq tanlashadi :)

P.S: suratdagi kimning boshi ekanini kim topoladi?

@usmonosphere

Odamlar nima derkin, degan odam yashamay qo’yaversin. Odamlar nima derkin, degan shoir yozmay qo’yaversin. Odamlar nima derkin, degan oshiq sevmay qo’yaversin.

@mehrnoz_abbos

Dohiyona! Sanʼat chegaralarini buzib, qaytadan qurgandek... Bu shunchaki qoʻshiq emas... Bu shunchaki ohang emas... Qoʻshiqdan, musiqadan, sanʼatdan kengroq nimadir...

Buni albatta videosi bilan koʻring:
https://youtu.be/s_nc1IVoMxc?si=UoOgeK2rFufkQnXz

@usmonosphere

Diqqat, diqqat!

Shunchaki bir narsani eslatib qoʻymoqchiman:

Mana bugun yangi 2025-yilning birinchi oyining birinchi dushanbasi. Boshlamoqchi boʻlgan ishlaringiz boshlab, shakllantirmoqchi boʻlgan odatlaringizni shakllantirishga kirishadigan vaqt.

Rejalarni ortga surmang.

@usmonosphere

Bugun sevimli adibim Jubron Xalil tavallud topgan kun. 142 yoshing muborak boʻlsin, Jubron bobo!

Iloyim, tuya goʻshti yegan kitobing (kitobimiz) tezroq chiqsin, keyingi kitoblaringni tarjimasiga buyurtmalarim qalashib ketsin, omin.

“Qum va koʻpik” kitobingdan bir hovuch aforizmlarni bayram sovgʻasi oʻlaroq qabul qil, boboginam. Yaqinda “Qum va koʻpik”ingni bir nashriyot soʻragandi, 143 yoshinggacha chiqib qolar :)

👉🏿 https://oyina.uz/uz/teahause/2066

@usmonosphere

Magistratura yoki PhDga topshirish arafasidamisiz?

Ingliz tilini o'rganish qiyinlik qilyaptimi?

Endi siz fors tilidan B2 darajada (ayrim yo'nalishlar uchun hatto B1 darajada) milliy sertifikatga ega bo'lib, magistraturaga kirishingiz mumkin.

Tajribali ustoz, ikki karra B2 sertifikati sohibi – Shohro'z Mominzoda o'zining 6 oylik va 9 oylik kurslariga yangi qabul mavsumini boshladi.


Talabalar uchun 2️⃣5️⃣ foizgacha guruh darslari uchun chegirma beriladi. Xususiy universitet talabalariga ham!

Kurs davomida ham maxsus chegirmalar yutib olish imkoniyati yaratib beriladi.

Murojaat uchun adminimiz 👇👇👇
@Studentka_3kurs_NNU

@Forstili_Mominzoda – Fors tilini birgalikda o'rganamiz 🤗

#xarid

Shu kitobga qiziqib yurgandim. Bugun oʻz oyogʻi bilan uchrab qoldi menga. Shartta ovoldim.

Muallifning sheʼrlaridan juda kam xabardorman. Endi oʻqib koʻraman va tasssurotlarni sizlar bilan boʻlishaman.

P.S: muqovasi zoʻr-a?

@usmonosphere