#sheʼrparcha

Tobora ruhingni ishgʻol etar tun,
Tobora moyildir gunohga jisming...

Gulhayo Anorova

P.S: bejirim, haqqoniy, musavvirona, jonli misralar! Tuygʻumisan tuygʻu, lirikamisan lirika, tasvirmisan tasvir!

@usmonosphete

Sen mana shu qoʻshiq singari yoqimlisan :)

@usmonosphere

QAROR

1.
Bir sigor xumori tutar gohida...
Afsus, chekmayman.
Bir nigor yigʻlaydi ishq dargohida,
Afsus chekmayman.

2.
Birodar, dastxatmi? Chakkamni qashlab
Chekaman imzo.
Pirovard qarorim: Bugundan boshlab
Chekaman! Imzo.

Shohrux Usmonov

P.S: Javhar opamgila suratimni chekkan :)

@usmonosphere

#vakansiya

Soqqali ish bor! Nashriyotga toʻliq stavkada ishlayoladigan, tajribali musahhih (yaʼni, korrektor) kerak!

Nomzodlardan talab qilinadi:
• sohada yetarlicha tajriba;
• toʻliq stavkada ishlash imkoniyati;
• ofisda javlon urib mehnat qilish.

Nomzodlarga taqdim etiladi:
• yaxshigina oylik maosh;
• shinam ofis sharoiti;
• bagʻrikeng va xushchaqchaq jamoa
• karyeraviy (moliyaviy) oʻsish imkoniyati

Oylik miqdori va boshqa shart-sharoitlar haqida maʼlumot faqat nomzodlarga ochiqlanadi. Ilgʻor nashriyotning kreativ jamoasiga qoʻshilishni istasangiz, quyidagi manzilga CV hamda Portfoliongizni yuboring:
👉🏿 asaxiyb@gmail.com

Omad sizga, boʻlgʻusi hamkasbim!

@usmonosphere

Darvoqe, yoqqan postlarga bemalol yulduzcha bosishingiz mumkin, hech kim urushmaydi :)

@usmonosphere

#tabrik

Bugun yelkadosh doʻstim, yozganlarimni ilk bor koʻzdan kechiradigan birinchi qoʻl muharririm, xullasi kalom, katta shoir Nurmuhammad Abduzoirning tavallud kuni.

Nurmuhammadga sogʻlik, doimgidek ijodiy parvoz tilab, sheʼrini eʼtiboringizga havola etaman.

DAYDI QOʻSHIGʻI

1.
Pul topsa— bayram,
unga
Garchi yoʻq borar goʻsha.
Bosh qoʻygan joyi yostiq,
Agʻnagan joyi toʻshak.

Hayotining mazmuni
Shu bir satrga tengdir:
Puling qancha koʻp boʻlsa
Vataning shuncha kengdir.

2.
Darbadar yoʻq bu olamda undan oʻtgan,
Bevatan yoʻq, (baxt yurtida) badbaxt yoʻqdir.
Oʻzin atay suvga tashlab, urib oʻtga,
Ajal izlar qilich kabi dami oʻtkir.

Koʻkragida qashshoqlikning hamma oʻqi,
Dard-u alam nayzasiga nishon daydi.
U tugʻilgan kun(lar)iga laʼnat oʻqib,
Tugʻilmagan kunlarini nishonlaydi.

Nurmuhammad ABDUZOIR

@usmonosphere

#ajabtovur

Iye, bu Asaxiy deganlari balo chiqdi-ku, oʻlay agar, men biror nima buyurtma qilmagandim.

Taxminimcha, nashriyotning yangi chop etilgan kitobi boʻlsa kerak, tagʻin bilmadim.

Mayli, berganning betiga qarama deydi donolar. Hozir chiqib shundoq yonginamizdagi doʻkondan joʻnatmamni opkelay-chi, keyin maqtanaman.

@usmonosphere

Kanalimda tahrir bilimdonlari, oʻzbek tili normalaridan yaxshigina xabardor insonlar, jumladagi gʻalizlikni payqaydigan yoki soʻzlarning turli tovlanishlarini his qiladiganlar bor.

Sizlarga savol bilan yuzlanaman. Baxtli hayot texnologiyasi” degan jumla, sizningcha, toʻgʻri tuzilganmi? Oʻzbek tili tabiatiga mos keladimi?

Javoblaringizni kutaman. Ijobiy yoki salbiy yondashuvingizni izohlar qismida bildirishingiz mumkin.

@usmonosphere

Ko‘zing mayus,
Darding topolmadim, afsus...
Qaysi yovuz
Azob berdi? Men esa ojiz?

Mening oqqush kabi dog‘siz yorim...

@usmonosphere

Kaminaga @qamarbooks'dan sovgʻa keldi. Ichida “Oʻtkan kunlar”ning yangi nashri. Oʻsha qora muqovali, tarmoqlarda aylanaverib, kitobxonlarning koʻzini quvnatgan kitob.

“Oʻtkan kunlar” har doim oʻqiladigan, har kuni oʻqiladigan, qayta-qayta oʻqiladigan kitob. Kitob javoningizdan kamida bitta “Oʻtkan kunlar” tursa, bu boshqa gap.

Hadya uchun tashakkur, Qamar jamoasi!

@usmonosphere

“OTA” - premyera!
02-fevral 19:00 da!

@ArtHouseHamsa

Mana bu toʻplamni qarang: AKS!

Oxirgi yillarda shunaqa seriyali muqovalar, loyihalar, toʻplamlar nashrdan chiqayotgani quvonarli. Muqovalarini aytmaysizmi bularni! Maestrosiz, janob dekabr.

Toʻplamda kitoblari oʻrin olgan ijodkorlar ham bugungi adabiy jarayonning qaynoq aksi ekaniga aminman. Rosti, adashmasam ikki yildan buyon sheʼr va hikoyalarni ijtimoiy tarmoqlar yoki adabiy saytlarda oʻqimaydigan boʻldim. Kitob holida, varaqlab, chizib-chatib oʻqiganga nima yetsin. Shu sabab mualliflar haqida keyin batafsil toʻxtalaman.

Hozir esa muallif aka-opalarimni vatanshumul adabiy hodisa bilan tabriklayman. Bundan-da goʻzal kitoblaringiz chiqsin, iloyim!

@usmonosphere

#sarhisob 1/12

Yanvar tugadi hisob. Sarhisob vaqti yetdi. Bu oy davomida beshta kitob mutolaasini tugatibman. Ha, biroz kam. Qolaversa, «Mutolaa» ilovasida turk adibi Umar Sayfiddin qalamiga mansub oʻnga yaqin hikoyaning audiosini eshitdim. Keyingi oydan umidim katta.

Lekin yaxshi odat oʻzlashtirdim. Kundalik yozishdan tashqari, bezatishni ham mashq qilyapman. Scrapbooking deb maqtangulik emas-ku, har qalay zavq bagʻishlayapti.

Demak, yanvar oyi hisobida:
• eng yaxshi asar: “Bayramdan boshqa kunlar”, Erkin Aʼzam;
• eng yaxshi film: “Amelie” (2001);
• eng yaxshi sheʼriy kitob: “Avron”, Gulhayo Anorova;
• eng yaxshi xonanda: Nigina Amonqulova (Tojikiston)
• eng yaxshi spektakl: “Ota” (ArtHouse Hamsa teatri)

Mutolaa jarayonidagi asarlar: “Otamdan qolgan dalalar” (Togʻay Murod) va “Gʻazallar” (Mirzo Gʻolib).

Xoʻsh, sizning oylik sarhisobingiz qanday? Maqtanish maydoni ochiq )

@usmonosphere