Quvonchimizga sherik bo‘lgan barchaga rahmat!

Har bir kitobni nashrga tayyorlashda katta mehnati sarf bo‘lgan qadrli jamoam – barchangizdan cheksiz minnatdorman.
***
2019-yilda katta xavotir bilan faoliyatini boshlaganim – “Zabarjad Media” nashriyoti bugun 6 yoshga to‘ldi.
Nega xavotir bilan?
Men hali noshir emasdim, nashriyot sohasidagi 13 yillik ijodiy tajribam bilan bu maydonga kirish mas’uliyati qaddimni egganini yashirmayman.
Bu yoqda karantin boshlandi va nashriyot to‘rttagina kitobi bilan so‘ppayib qolaverdi. Savdo ishlari taqa-taq to‘xtagan, bir tomonda bank kreditini foizi bilan qaytarish kerak, ijarachilar dodingga quloq solmaydi… amal-taqal qilib shakllantirgan komandangni ushlab turish uchun ularni mablag‘ bilan ta’minlashing kerak…
Xullas, mana shunday muammolar girdobidan chiqib ketishning o‘zi bo‘lmadi. Oliftaroq qilib aytsam, «sinovlarni mardonavor yengib o‘tdim».

***
Bugungi tadbir haqida qisqacha.
Ishoning, biz kitobxon bolalar avlodini tarbiya qilyapmiz. Faqat ularga sharoit, imkoniyat yaratilsa bo‘ldi. Biz kitoblarni arzonroq narxda taklif qilishni uddalasak, ularning safi kengayishiga ishonchim komil.
Bugungi bayram bahona o‘tkazilgan chegirmadan ko‘zlagan maqsadim bor edi, ya’ni nashriyot kelajagiga umid masalasi. Noshir sifatida qalbimda shu umidni qayta uyg’otgan kitobsevarlarning barchasiga rahmat!
Bizni kuzatishda davom eting, hali sizga ataganlarimiz juda ko‘p.

@mamuraqutliyeva

Ma’mura opam nihoyat shaxsiy sahifalarini yoʻlga qoʻyibdilar.

Aslida bu kishi haqida katta-katta post yozgulik gaplarim bor. Hali mavridi kelganda yozaman, nasib.

Hozir esa chin dildan tavsiya qilaman. Qoʻshiling, kuzating, qoʻllab-qoʻltiqlang.

Usmonipning Usmonip boʻlishida (yoki boʻlayotganida) Ma’mura opa bevosita va bilvosita katta hissa qoʻshgan.

@usmonosphere

Oʻzbek san’atida yangi ovoz! Nodiraxon Subhonova qoʻshiqlarini bir haftadan buyon eshityapman. Juda goʻzal, tanish va qadrdon uslubda, ammo oʻziga xos vazminlik bilan.

Sizlarga ham ilinmasam boʻlmaydi.

@usmonosphere

Ilmiy matnlar tarjimasini nega yomon koʻrishimning sababini suratda koʻrib turibsiz 😅

@usmonosphere

#1000kitobmaktabi

Shu postdan meni topganga besh baho!

🎯 We are looking for a professional written English to Uzbek translator. The candidate must have an upper advanced level of written Uzbek language based in Latin script with a professional knowledge of English. If you are interested and feel fit for this temporary project, please send your detailed CV along with the list of your publications (if you have any) to Telegram +998935718199. Thank you so much in advance.

Ingliz tilidan oʻzbek tiliga yozma tarjima bilan shugʻullanadigan professional tarjimonlar qidirilmoqda ekan.

Nomzoddan oʻzbek tilida matnlar bilan ishlay olish mahorati va ingliz tilini yuqori darajada bilish talab etiladi.

Loyihaga qiziqsangiz ushbu telefon raqamiga (+998935718199) batafsil CV va nashr etilgan ishlaringiz roʻyxatini yuborishingiz mumkin.

#vakansiya

@usmonosphere

Mana, sizlarbop kitob topib keldim, hurmatli xonimlar!

@usmonosphere

Shu suratlardan meni topganga besh baho!

Doʻstlar, yangi loyiha boshlandi. Nomi shunchaki SOʻZ. Ammo bu oddiy soʻz emas, boshqacha va misli koʻrilmagan soʻz.

Ijtimoiy tarmoqlarda kuzatib borishingiz mumkin. Quyida havolalarni qoldiraman.

👉🏿YouTube
👉🏿 Instagram
👉🏿 Telegram

P.S: aytishlaricha, bugun Instagramda 100 ta obunachi boʻlsa, birinchi videoni joylash ehtimoli oshib ketarmish :)

@usmonosphere

Hov bir zamonlar @Soz_Lab degan loyihacha boshlagandim. Shu kichkina harakat “Jadid” gazetasi tahririyatiga ma’qul kelib, hamkorlik boshlab yubordik.

Gazetaning bugungi sonida birinchi maqola bosildi. Bundan buyon “Jadid” sahifalarida unda-munda soʻzlar haqida gaplashib turamiz.

Ehtimol, qaysidir soʻz faol iste’molga kirsa, biz shundan xursand.

@usmonosphere

Iqtibos otarlar

Bunday insonlar - o'z fikrlaridan ko'ra, boshqalarni fikrini ko'proq ishlatishadi. Lekin menga shunday tuyuladiki, bunday insonlarni tanqidiy va ijodiy fikrlash qobiliyati aslida unchalik kuchli emas. Ularni so'zlarni tushuntirish uchun emas, tan olinishi va ta'siriga qarab ishlatadilar, yoki shunga o'rganib qolganlar.

Osmonni rangini ko'k ekanligini aytgan iqtibosni keltiraverish — nimaga kerak? Ha, ba'zida kuchli iqtiboslar oldin biz hech o'ylamagan yondashuvlarni taklif qilib, ba'zi romanlardan kuchli ta'sirni bera olishadi. Biroq, ularni har ikki gapida ishlataverish ham tabiiy narsa emas-da, akalar (at least for me).

Xafa bo'lmanglaru, O'zbekistonda "iqtibos otarlar" ikkita bo'ldi. Biri mashhur Otabek Mahkamov bo'lsa, bugun ularga raqobatchi - Xayrulla Asatov paydo bo'ldi.

Bular shunchaki aysbergni cho'qqisidagi tepalikka o'xshaydi, biroz pastroqda, suv ostida — O'zbekiston 24 da viloyatlardan olingan intervyularni eshitsangiz, kamida 1-2 odamni fikri iqtibos keltirilaveradi.

Menga hammasi baribir, hech kimga shaxsiy xusumatim yo'q. Menga o'zlari tushungan va rivojlantirib kelgan fikrlarini emas, yodlagan iqtiboslarini o'qlab turishlari, otishlari yoqmaydi, xolos.

Shu Instagram deganiga hayronman. Manbalarni titib, ssenariy yozib, imkon qadar jiddiy yondashib qiladigan videomahsuloting u qadar yaxshi koʻrilmaydi.

Lekin koʻp koʻrilishidan umid ham qilmagan boshqa video favqulodda uchar chiqib qoladimi-yey.

Xullas, Instagramdagi adolatsizlikdan soʻng, “bir ildiz” uchun tayyorlangan va oʻzimga yoqqan videolarni kanalimda ham ulashib borishni oʻyladim. Ishonaman, sizlar zar qadrini biladigan zargarsizlar.

@usmonosphere

#yakdilmintaqa #birildiz

#ajabtovur

Bugun telefon qilishdi. “GoViral75 ga hujjat topshirgansiz, esingizdami” deyishdi.

Xullas, qishda shu loyihaga topshirib qoʻygandim. Esimdayam yoʻq ekan. Yaxshiyam telefon qilishgani, avvalgi telefonim ishlamay, email manzilim alishgandi.

Saralashning ikkinchi bosqichiga oʻtgan ekanman, onlayn suhbatga havola berishdi. Hammasi yaxshi-yu, lekin aynan qaysi loyiha bilan qatnashganim umuman yodimdan koʻtarilibdi.

Bugun kuni bilan eslashga urindim: “Qaysi loyihamni topshirgandim? SoʻzLabmi yo Tengdoshmi? Yo umuman boshqasimidi?..”

Mayli, suhbat kunigacha esimga kelar. Muhimi, agar oʻtolsam, Markaziy Osiyo davlatlaridan 75 nafar ishtirokchi bilan tanishish, birga ishlash imkoni boʻladi. Hammasidan ham shu qiziq. Yaxshi niyat qilaveraylik-chi, a?

@usmonosphere