Xotinsiz erkak xuddi velosipedsiz baliqqa oʻxsharkan :)

@usmonosphere

Teatrlar va san’at saroylarining iyun oyidagi repertuari. Saqlab qoʻying, oy boʻyi kerak boʻladi.

@usmonosphere

XULOSA

Axir siz muattar, toza atirgul,
Axir man savdoyi, toʻpori dashtlik.
Axir siz musaffo oʻylar-la mashgʻul,
Axir man topganim gʻavgʻo-yu gʻashlik.

Axir siz manim shoh ruhimga shona,
Axir man holidan minnatdor qulman.
Axir siz yaktosiz, husni fasona,
Axir man behisob zarraman, kulman.

Axir siz kamnamo, kamsuxan, komron,
Axir man muntazir, mushtoq-u muxlis.
Axir siz sumanbar, sohibi ehson,
Axir man mukammal emasman sizsiz.

© Shohrux Usmonov,
2023

@usmonosphere #nazm

Aytgancha, yangilik bor. Mabodo qoʻlimga olishga ulgursam, bugun maqtanaman :)

@usmonosphere

To arslon oʻzi yozishni oʻrganmas ekan, har bir hikoyada ovchi ulugʻlanaveradi.

©️ Afrika xalqlari maqoli

@usmonosphere

Bir necha yillardan buyon Markaziy Amerika mintaqasi aholisi va oʻzimizning qorakoʻzlar tashqi koʻrinishi jihatdan bir-biriga oʻxshab ketishi sabablariga qiziqardim.

Avvaliga, arablarning ispanlarni va ispanlarning amerika yerlarini istilo qilganidan boʻlsa kerak deb oʻylardim. Lekin oʻxshashlikning ildizi ancha olisga borib taqalar ekan.

Xullas, quyidagi videoni tomosha qilsangiz, meksikalik va oʻzbek-tojikning nega bir-biriga oʻxshab ketishi yoki tarix millari biroz burilganida, hozir siz Amerika qit’asida yashayotgan boʻlishingiz ehtimoli haqida bilib olasiz.

Ancha yillik savolimga javob topdim va uni siz bilan boʻlishgim keldi:
👉🏿 https://www.instagram.com/reel/DKcL0mooPsx/?igsh=MTNxeGg1eWp4MmNhcg==

@usmonosphere

Bilaman, hammangiz futbolni kutib soniya sanab o’tiribsiz. Asablaringiz tarang tortilgan. Balki ko’pchilik uyga yo’l olgan, ba’zilar esa nimadir sabablar bilan shaharda qolgan. Shunaqa ajib bir kayfiyatda she’r eshitishga nima deysiz?!

Ishoning, ichingizga nur va baland savollar tashlab qo’yadigan she’r bu! Egasidek!

Shahboz rost shoir, rost odam! Bir marta eshitsangiz, bir marta suhbatlashsangiz, shaxsining, she’rlarining muxlisiga aylanib qolasiz. Ishonavering gapimga)

Sifatli ko’ring: https://youtu.be/h4d_Pk72DF0

Instagram: https://www.instagram.com/reel/DKhgqsUN-Er/?igsh=d2g5Ymx4NHFwaTYx

@FeruzaXayrullayeva

Markaziy Osiyo tarixida ilk bor Oʻzbekiston futbol boʻyicha Jahon chempionatiga yoʻllanma oldi!!!

@usmonosphere
#yakdilmintaqa

Pul topishning eng oson usuli quyidagilardan foydalanish ekan:

1. Erkaklarning nafsi
2. Ayollarning goʻzallikka oʻchligi
3. Yoshi kattalarning salomatligi
4. Bolalarning ta’limi
5. Boylarning yutqazishdan qoʻrqishi
6. Kambagʻallarning tezda boyib ketish orzusi
7. (buni oʻzimdan qoʻshdim) Dindorlarning savobtalabligi

Qiziq. Qaysi biridan foydalangan boʻlardingiz?

@usmonosphere