Bahrom Nazarov tojikcha qoʻshiq kuylabdi. Birinchi eshitgandayoq qoʻshilib xirgoyi qila ketdim. Sababi shuki, unda bolalar uchun yozilgan tojikcha she’rdan ijodiy foydalanilgan.

Tinglay turib bolaligim esimga tushdi. Dadam ikkimiz choy ichib oʻtirgandik. Kamina choy quyib berar, dadam maroq bilan sipqorardi. Oʻshanda dadam menga bir she’r oʻrgatgan:

“Oluchak guli bodom,
Man pisari dodom.
Dodom shishta choy xoʻran,
Man choyrezaki dodom…”

Shu sababdan ham qoʻshiq juda yoqimli vq nostalgiyaga boy tuyildi. Oʻsha bir zamonlar qulogʻimda oʻrnashib qolgan bolalar aytimidan foydalanib, chiroyli tarona yaratishibdi. Allaqachon ommalashib, millionlik dovonni zabt etibdi-yu, koverlari ham chiqa boshlabdi. Xursandman.

Mabodo eshitmagan boʻlsangiz, marhamat:
👉🏿 https://youtu.be/xuvKH_gwaig?si=OYk_Wtahnn_IrbaS

@usmonosphere

Bit necha oydirki bolalar yozuvchisi Saida Rashidova sovg'a qilgan, Shohruh Usmonov muallifligidagi "Hayvonot olamida Alifbo" kitobi bilan shug'ullanamiz.

Kitob garchi 4+ bo'lsa-da, biz uch yoshli Abdulboriy bilan mashq qilamiz.

Opasi bilan kitob o'qishni boshlashimiz bilan "Mani kitobimni o'qiylik", - deb kitobini ko'tarib keladi.

Hali harflarni tanimaydi, lekin hayvonlarning rasmiga ko'ra nomlanishini tanib olgan.


Ba'zi qushlarning nomi qiyinlik qilyapti. Farqlay olmayapti. Qaysi nomni tez yodlab olgan bo'lsa, uni albatta, multfilmlarda ko'rgan. Assotsiativ tafakkur yordam beryapti. Buning rassom Sarvar Farmonovga katta rahmat!

Ushbu kitob bolalar uchun ajoyib sovg'a bo'la oladi. "Asaxiy Books" dan olishingiz mumkin.

@ekolingvist 👍

#tarjima

Yarim kechasi soliq ilovasidagi oyliklarimni tekshirib oʻtirgandim. Birdan koʻzim “Jahon adabiyoti” jurnalidan qalam haqi chiqqaniga tushdi.

Naq 800 ming soʻm! Salkam ikki yil avval Jubron Xalildan yangi tarjimamni olib borgandim. Jurnalga katta-katta tarjimonlardan sifatli tarjima ishlar juda koʻp kelgani sabab chop etilishiga navbat yetishi katta gap.

Rosti, hozir ja otni kallasiday boʻlmasayam, eshakni kallasiday oylik olaman. Lekin ijod orqali topilgan bir soʻm ham juda katta pulday koʻrinadi.

Bu, nasib etsa, “Jahon adabiyoti” jurnalida 3-bor, Jubrondan tarjimalar bilan esa, 2-bor chiqishim boʻldi. TopUni oromgohiga borib qaytsam, birinchi boʻlib jurnal tahririyatiga chopaman, nasib!

@usmonosphere

Topinglar-chi, man qayerdaman?! Rostanam topsanglar keyin maqtanaman :)

@usmonosphere

Bugun oromgohda quiz tashkil etildi. Jamoamiz bilan kelishgan holda, nomini shunaqa tanladik :)

Yaxshiyam, jamoa nomiga “yutsak” deb qoʻshib qoʻymagan ekanmiz…

@usmonosphere

Jennifer Lopesning konsertiga bormaganlarga juma muborak!

@usmonosphere

Mart oxirlarida Instagramda “birildiz” blogini boshlagan edim. Maqsad Markaziy Osiyo tarixi, madaniyati, tillari, san’ati va ijtimoiy hayoti haqida ma’lumotlarni yetkazish, mintaqani qayta kashf etish edi.

Aslida, mavzu nisbatan torroq deb oʻylagandim. Lekin bugun Instagramdagi obunachilar soni 4 mingdan oshdi. Oylik koʻrishlar soni esa 1.1 million! Demak, yaqin orada 10 mingta obunachidan umid qilsak boʻlaveradi.

Mediadagi dastlabki rasmiy faoliyatim uchun, menimcha, yomon emas :)

@usmonosphere

24!

Avvallari bir-ikki kun qolganda ijtimoiy tarmoqlardan tugʻilgan kunim haqidagi ma’lumotni yashirib qoʻyardim. Tabrik va tilaklar qabul qilish biroz oʻngʻaysiz edi. Bu gal esa aksincha, ochib qoʻydim. Oʻylab qarasam, bu qadar noqulay boʻlishga sabab yoʻq ekan.

Yer yuzida ikki muchal yashab qoʻyibman. Eng ogʻir oʻtgan yoshim shu boʻldi, menimcha. Yigirma uch yoshim hayot haqida, notoʻgʻri bosilgan qadamlarim haqida bosh qotirish, bu dunyoda oʻlim ham borligini eslash va yashashdan maqsadimni qidirish bilan oʻtdi.

Oʻylaymanki, yigirma toʻrtim maqsadlarimga erishadigan, baxtli va yorugʻ kunlarga shukur qilib oʻtadigan yosh boʻladi. Xullas, tabrik va tilaklarga ochiqman.

Izohlarda yozishga iymansangiz, @munshaotbot orqali tilaklaringizni yoʻllashingiz mumkin. Siz kabi obunachi doʻstlarim borligidan xursandman :)

@usmonosphere

Shuning uchu ham duch kelgan hindni ingliz tilida “native” deb oʻylamanglar)

@usmonosphere

Yo qudratingdan, shunaqayam oʻxshashlik boʻlarkanmi-a?)

@usmonosphere

Doʻstlar, kelayotgan hafta muhim bir imtihon bor. Ya’ni maslahat kerak. Ilgari rasmiy IQ testlardan oʻtganlar boʻlsa, tayyorgarlik yuzasidan tavsiyalaringizni bersangiz.

Masalan, qanday va qaysi materiallar bilan tayyorgarlik koʻrish kerak, mantiqni qanday aniqlash mumkin va hokazo degandek. Taxminan aytsam, IQ testlar xuddi El-yurt umidi jamgʻarmasi imtihonlaridagidek boʻladi. Adashmasam, oramizda bir nechta EYUFchilar bor. Tajribangiz bilan boʻlishib keting, duo qilaman.

Oldindan rahmat :)

@usmonosphere