AROSAT

Biroz kulay desam — javonibda kuz,
Nafas olay desam — havo toʻla chang.
Gapdan tonay desam — yigitman, afsus,
Gapga kiray desam — qulogʻim batang.

Yiqilsam — yer qattiq, doʻppisiz boshim,
Uchay desam — osmon yiroqdan yiroq.
Koʻrib turganingiz — sargardon loshim,
Koʻzlarim — porlamay qolgan shamchiroq.

Mangulik — bir lahza, lahzalar — mangu,
Muqaddas bilganim — bir pullik irim.
Yashay desam — hayot buncha qorongʻu,
Oʻlay desam — jonim bunchalar shirin…

Shoxrux Usmonov
09.10.2025

@usmonosphere

Yoʻq deganlarizgayam rahmat, birodarlar😁

@usmonosphere

​SHER, TULKI VA ESHAK HAQIDA MASAL

Kunlardan bir kuni Sherning qorni ochib, Tulkiga shunday debdi:
— Menga biror yegulik keltir, yo‘qsa o‘zingni yeb qo‘yaman!
Shunda Tulki Eshakning oldiga boribdi-da:
— Hoy og‘ayni, men bilan yur, Sher seni qirol etib tayinlamoqchi, — debdi.
Sher Eshakni ko‘rishi bilanoq hamla qilib, quloqlarini uzib olibdi. Yaxshiyamki, Eshak qochib qolishga ulguribdi.
Eshak Tulkidan o‘pkalabdi:
— Sen meni ahmoq qilding! Sal qolsa Sherga yemish bo‘lardim!
— Bunchalik nodon bo‘lmasang-chi, og‘ayni, — debdi Tulki. — Sher boshingga toj qo‘ndirish uchun quloqlaringni olib tashladi xolos. Yur, yoniga qaytib boramiz.
Eshak o‘ylab qarasa, Tulkining gapida jon borga o‘xsharkan. Shu sabab ham Sherning yoniga qaytibdi.
Sher yana unga hamla qilib, bu gal dumini uzib olibdi. Yaxshiyamki, Eshak yana qochishga ulguribdi-yu, yana Tulkidan gina qilibdi:
— Qip-qizil alqodchi ekansan! Sher dumimni uzib oldi-ku!
— Galvars, Sher dumingni uzgan bo‘lsa, taxtda bemalol o‘tirishingni o‘ylab uzgan. Yursang-chi, qaytib boramiz, — deya Eshakni ortga qaytishga ko‘ndiribdi Tulki.
Bu gal Sher Eshakni tutib olib, nimta-nimta qilibdi.
— Eshak tushmagurni qaytarib kelganing zap ish bo‘ldi. Endi bor, terisini shilib, menga miyasi, o‘pkasi, jigari va yuragini olib kel! — buyuribdi Sher Tulkiga.
Tulki Eshakning terisini shilib, miyasini o‘zi yebdi-da, o‘pkasi, jigari va yuragini Sherga olib kelibdi.
Sherning jahli chiqib, so‘rabdi:
— Miyasi qani?!
— Uning miyasi yo‘q edi, qirolim, — javob beribdi Tulki. — Agar miyasi bo‘lganida qulog‘i va dumini uzib olganingizdan keyin ham oldingizga qaytmagan bo‘lardi.
— To‘g‘ri aytasan, — deb shashtidan tushibdi Sher.

Qissadan hissani oʻzingiz chiqarib oling…

@usmonosphere

Do‘stlar, obunachilarimdan biriga “Daqiqalar ichida san'at” degan turkcha kitobni berib turgandim. Tarjima qilib ko‘rmoqchiman deb olgandi.

Shu obunachim meni o‘qiyotgan bo‘lsa, tarjima nima bo‘ldi, kitobni tugatib bo‘ldingizmi deb so‘ramoqchi edim...

@usmonosphere

RUBOIY

Yoʻldaki ne borsa yiqdim, oʻzga hoil qolmadi,
Yorga boqdim gerdayib, yor garchi qoyil qolmadi.
Chop dedi, chopdim sarosar, top dedi, topdim zarar,
Yoz dedi yozdim gʻazal foil-mafoyil qolmadi.

Mavlono Shoxrux Usmoniy
06.01.2025

@usmonosphere

Xalqim, sizga tekin maslahat: hech qachon poyezd restoranidan ovqat sotib olmang.

Yoʻqsa, qimmaaaat pulga aynigan barangi boʻtqasi olganingiz qoladi.

@usmonosphere

Yosh ijodkorlar Oʻzbekistonda qanday yoʻlini topib ketishi mumkin?

Bugun Art Station rezidensiyasida mehmondaman. Kelinglar, ma’ruzamga :)

@usmonosphere

Bu asarga nima deysizlar?

@usmonosphere

Yakshanba

t.me/anonaskbot?start=sanduvoch

Heyterlar buni montaj deydi))

@usmonosphere

Heyterlarga qolsa buniyam montaj deydi))

@usmonosphere

Ichingizdagi bolakayni asray olganmisiz?

@usmonosphere