Dil poradir, dilbar, na choradir, dilbar?
Oshiqlaring olam kezib sayyoradir, dilbar.

Shoooooh asar-ku buuu!

@usmonosphere

📚 Kitobsevarlar uchun maxsus intellektual kecha

Yakshanba kuni Anor studiyada kitobsevarlar uchun maxsus intellektual kecha tashkil etiladi. Tadbir doirasida “So‘nggi umid” nomli intellektual o‘yin o‘tkaziladi. Ushbu o‘yin bunker formatiga o‘xshash bo‘lib, ishtirokchilardan mantiqiy fikrlash, asosli dalillar va nutq madaniyatini talab etadi.

O‘yinda har bir ishtirokchi o‘zi tanlagan 3 ta eng yaxshi kitobini olib keladi. 2025-yil kutubxonasidan faqat 5 ta kitob 2026-yil kutubxonasiga o‘tishi kerak bo‘ladi. Aynan shu kitoblar 2026-yil kutubxonasidan ham joy oladi.

Har bir raundda ishtirokchilar bittadan kitobni taqdim etadi va uni 2026-yil kutubxonasiga kiritish zarurligini asoslab himoya qiladi. Raundlar yakunida 2–3 ta kitob ovoz berish yo‘li orqali chiqarib yuboriladi.

Kechada maxsus mehmonlar ishtirok etadi, shuningdek ishtirokchilar uchun coffee break ham tashkil etiladi ☕️🍪

📍 Joy: Anor studiya
📆 Kun: Yakshanba
✍️ Batafsil ma'lumot va yozilish uchun: @anormanager

Voy-dod, Toshkenti azimga “Burger King” qadam ranjida qilibdi deb, shataloq otib borib, turnaqator navbatlarda mulzam oʻtirmanglar yana.

Arzimas ekan bu izzat qilishga. Ochilishi bilan boykott qilinsa, naqadar goʻzal ish boʻlardi.

@usmonosphere

Qiziq… “The Palgrave Macmillan Dictionary of Finance, Investment and Banking” lugʻatida “ijara” soʻzi ham kiritilgan ekan.

Undan tashqari, “murobaha”, “halol”, “harom” kabi atamalar ham bor. Lekin ular arabchadan olingani ta’kidlangan.

Qachondir jahon tillarida tuziladigan lugʻatlarda oʻzbekchadan olingan soʻzlar paydo boʻlarmikan?

@usmonosphere

Seni oʻldirdilar bir ermak uchun,
Rusga nega kelding, ey tojik bola?

Har qancha soʻkish, malomat va nafratim millatchi va fashistlarga boʻlsin!

@usmonosphere

Va’da beraman: 2026-yilda faolroq boʻlaman, koʻproq postlar yozaman, tarjimalar bilan boʻlishaman, xullas, sizlarni oʻtgan yilgidek yolgʻiz qoʻymayman.

Nasib qilsa, bu yil praym Usmonip qaytadi yana. Hammaga bayram muborak, yaqinlarim!

@usmonosphere

#sarhisob

Birinchi marta yangi yilni Toshkentda kutib oldim. Mana hozir limon choydan simirib, o‘tgan yilga bir qur nazar tashlagim keldi. Umumiyroq aytganda, o‘tgan o‘n ikki oy men uchun o‘zgarish, voz kechish, qat’iylashish, o‘sish va yangi tajribalar yili bo‘ldi.

Masalan, ikki marta ish alishtirdim. Yil boshida “Asaxiy Books”da ishlayotgandim, bahor avvali bilan Respublika Ma’naviyat va ma’rifat markaziga o‘tdim, oktyabrdan esa mehnat faoliyatimni Markaziy bankda davom ettiryapman. Bir yil ichida ham nashriyotda muharrir, ham kontent yaratuvchi, ham bankda davlat tili xizmati xodimi bo‘lish tushimga ham kirmagandi.

O‘tgan yilgi rejalarim qisman amalga oshdi. Birinchi marta davlat chegarasidan tashqariga chiqdim, moliyaviy maqsadlarimga erishdim, ikkita tarjima kitobim va bir qancha tahrirlagan ishlarim nashrdan chiqdi va hokazo. Uddalay olmaganlarim ham talay: dissertatsiyam himoyasiga ulgurmadim, palov pishirishni o‘rganmadim, 15 kilogram vazn tashlay olmadim, ko‘zlagan kitoblarim tarjimasiga vaqt ajrata olmadim, yana va hokazo.

Umrimda ilk bor sevgi chindan ham o‘sishga, rivojlanishga, ulkan maqsadlar oldida tizzang qaltirab qolmasligiga ko‘maklashadigan qudrat ekaniga guvoh bo‘ldim.

Sevgi shu qadar yeeengil, havo kabi yoqimli, suv kabi sokin, forscha ohanglarday muhtasham, yomg‘ir shitiriday maromiy va bo‘ronday jo‘shqin his ekan. Yana shuni tushundimki, sevgi bu — nafaqat mehringni bera olish, balki birovning mehrini qabul qila olish ham degan xulosaga keldim.

Aytmoqchi, ko‘p insonlar bilan tanishdim. Ular orasida chindan ham yaxshilar ko‘p. Uchratganlarim orasida “Yil odami” mukofotini Sitora Barliboyevaga beraman. Siz bilan yetti oy birga ishlab, ancha narsa o‘rgandim, men eng yaqin olgan, eng hurmatga sazovor inson va rahbar bo‘ldingiz. Shuncha odamning ko‘ngliga qarashga, har kuni bir dunyo vazifani bajarishga, shu orada yashashga ham ulgurishingizga qoyil. Siz bilan tanishganimdan butun umr minnatdorman.

Bu yil yana bir muhim saboqni oldim. Shu paytgacha, faqat yaxshi ota-onalar, ideal juftliklarga qarab havasim kelardi. Endi esa, aksincha, ko‘plab yaqinlarimning ota-onasi bilan munosabatlarini yaqindan bilib, shunga amin bo‘ldimki, ota-onam tilladan ham bebaho odamlar ekan. Ularni yanayam qadrlashni, menga berilgan erkinlik uchun har qancha ta’zim qilsam ham ozligini tushundim.

Xullas, yilni xotirjam va baxtli yakunladim. Keyingi yilga asosiy rejalarim ijod bilan, tarjima bilan bog‘liq bo‘ladi. Tan olaman, bu yil juda oz ijodiy mehnat qildim. Sanoqli kitob o‘qidim, kam tarjima qildim, kanalimda ham ancha cho‘kish bo‘ldi.

Endi ko‘proq diqqatimni ijodiy o‘sishga qarataman. Shaxsiy hayotimda ham tub o‘zgarishlar bo‘lishini niyat qilyapman. Nasib etsa, keyingi yil barchasi haqida yana batafsil yozaman.

Yil davomida birga bo‘lgan hammaga rahmat. Bayram bilan :)

@usmonosphere

Mutolaa ilovasida Abdulla Oripovning she’rlarini oʻqib turgandim, she’r yozilgan sanani koʻrib koʻzim charq etdi: axir 2022-yilda Oripov bu dunyoda yoʻq edi-ku)

Menimcha, bu she’r 2012-yilda yozilgan. Hech qisi yoʻq, hammayam sanada adashishi mumkin.

Sh. Usmonov
02.01.2025

@usmonosphere

Ayni shu kunlarbop mavzu))

@usmonosphere

#tarjima

2025-yilgi Tinchlik boʻyicha Nobel mukofoti sohibi Mariya Korina Machadoning mukofotni qabul qilishdagi nutqini tarjima qildim.

Ayni shu kunlarda aktual mavzu. AQSh-Venesuela oʻrtasida boʻlayotgan ishlar va xalq nega bundan xursandligini yaxshiroq tushunishga yordam beradi.

Machado xonimning aytishicha, ular zugʻumkor diktaturaga qarshi qariyb 30 yil kurashib kelishgan. Mana shu kurashlar jarayonidagi xalq birlashuvi, odamlarning jasorati va qiyinchiliklar, siyosiy oʻyinlarni ham ma’ruzasida aytib oʻtgan.

Nasib qilsa, yaqin kunlarda biror joyda bosilsa oʻqiysizlar :)

@usmonosphere

Talablarga binoan: Toshkandi azim tyotrularining oʻchoq oyi tomoshanomasi. Ibratxonalargʻa zud-bazud qadam ranjida qilingiz!

@usmonosphere

Men tanigan hamma bukbloger, doʻstlarim)

@usmonosphere

Sloveniyada chiqadigan “Objektiv” nashrining kelgusi 9-yanvar soni muqovasi ekan.

Muqova muallifi mashhur muqovasoz dizayner Tomato Košir.

Ma’lumot uchun: Koširning ayni shu nashr uchun ishlagan boshqa bir muqovasi — “Gʻazodagi qirgʻin” (5-sentyabr soni) “Cretive Review” tomonidan 2025-yilning eng yaxshi muqovalaridan biri sifatida e’tirof etilgan.

Joyiga tushibdi-a?

@usmonosphere

Dolzarb 😁

@usmonosphere

Buzilmagan, tirnalmagan, imkon qadar toza tutilgan oʻzbek tili kerakmidi — mana marhamat!

Ustoz hofiz Hojiakbar Hamidov Faxriddin Umarovdan yodgor qolgan qadim tor haqida soʻzlaydi. Ikki daqiqalik lavhada ustoz hofiz birorta ajnabiy soʻzni nutqiga aralashtirgani yoʻq.

“Konsert” soʻzi mustasano. Lekin konsertning ham muqobili boʻlgandami, otaxon aniq oʻsha oʻzbekchasini qoʻllagan boʻlardi.

@usmonosphere