Havaskor va usta suratkashlar uchun yaxshi imkoniyat ekan:

👉🏿 https://t.me/viki_tanlov/18

@usmonosphere

Oxirida dushmanlarimizning soʻzlarini emas, doʻstlarimizning sukunatini eslab qolamiz.

Martin Lyuter King,
inson huquqlari faoli

@usmonosphere

Koʻp kishi “nega tarjima qilmayapsiz?”, “nega tahrir qilmayapsiz?” deb soʻrab qoladi. Aslida, kamnamolik faqat menga bogʻliq emas.

Yil boshida oʻzimga va’da bergandim: “Faqat oʻzim xohlagan, ma’qul kelgan asarlar tarjimasi yoki tahririga qoʻl uraman. Tashqarida biror ish taklifi kelsa, yaxshigina toʻlashmasa qabul qilmayman” — deb.

Bugun bir nashriyotdan ish bilan bogʻlanishdi. Badiiy tarjimani solishtirib, qiyosiy tahrirlaydigan muharrir kerak ekan. Tarjima juda unchalik yomon ham emas, lekin soʻzma-soʻz qilingandi.

Vaziyatni tushuntirib, “sahifasiga falom soʻmdan bersangiz, roziman” degandim. Men bilan bogʻlangan odam qaytib aloqaga chiqmadi. Menimcha, tarjimonga ham buncha pul toʻlashmagan shekilli.

Xullas, kitob savdosi 3-4 yil avvalgi kam daromadli, oqsayotgan soha emas hozir. Eplagan yaxshi biznes qilyapti. Demak, qimmat va professional tarjimon-muharrirlarni yollaydigan davrga yetib keldik.

Endi buyogʻiga eng malakali tarjimonlarni, eng tajribali muharrirlarni yollab, kitobxonga sifatli kontent yetkazib beradigan nashriyotlar koʻpayishi kerak. Oʻshandagina kitob dunyosi yanada goʻzallashadi.

@usmonosphere

Menda bir odat bor. Balki bu intuitsiyadir. Balki shunchaki tasavvur kuchi.

Qisqasi, doim qayerda ishlashim mumkinligi haqida oldindan tasavvurga ega boʻlaman. Va oʻsha tasavvurim toʻgʻri chiqadi koʻp hollarda.

Masalan, hozir kelajakda ishlashim mumkin boʻlgan joylarning taxminiy roʻyxati bor menda. Ular vaziyatga, potensialimga yoki xohishlarimga asoslangan.

Yozilmagan roʻyxatimda Madaniyat va san’at rivojlantirish jamgʻarmasi (ACDF), birorta tijorat banki yoki davlat tashkilotida Davlat tili maslahatchiligi, oʻzimning nashriyotim va kitob doʻkonimni ochish, oliygohda (deylik Alisher Navoiyda) tarjimadan dars oʻtish, yangi zamonaviy jurnal ochish yoki mavjud jurnalni qayta rivojlantirish, frilans tarjimonlik va muharrirlik bilan shugʻullanish…

Undan tashqari, ijod maktablarida ishlashni ham xayolimdan oʻtkazganman. Balki Abdulla Qodiriyda, balki Abdulla Oripov nomidagida. Hali bular xayoliy roʻyxatimdagi hammasi emas. Ba’zilarini sir saqlagan ma’qul.

Menimcha, har kim oʻziga toʻgʻri baho bera olishi, qayerga mosligini oldindan bilishi, keyingi manzili uchun bir nechta ehtimoliy bekatlari boʻlishi kerak. Bu “roʻyxat” haligacha pand bermadi. Qaytanga tez va oson moslashuvni ta’minlagan doim.

Xoʻp mayli, meni qoʻying. Hozir ishlayotgan joyingizni avvaldan tasavvur qilganmisiz? Yoki kelgusi rejalaringiz bilan tasavvuringiz mosmi?

@usmonosphere

Turli tillarda oʻpich tovushlari turlicha ifodalanadi. Biri “muah” deydi, boshqasi “shmats”, yana biri “mujuk”.

Oʻzbekchasi qanday boʻladi: Mua(h)? Muoh? Choʻlp? Shoʻlp?

P.S. Saharlikdan keyin bunaqa mavzuda post qoʻyganim sabab qonimdan kechgaysiz)

@usmonosphere

17-fevral kuni Paulo Koelo Qozogʻistonda ekani haqida post qoʻygan ekan.

Zoʻr-a? Kitob yozib tashurasan, butun dunyoda millionlab odamlar yotvolib oʻqiydi, oʻzing esa nuroniy yoshingda qozoq yaylovlarida ot yetalab yurasan.

Odam yozuvchi boʻlsin ekan-da)

@usmonosphere

— Hech ismingizni oʻzgartirish haqida oʻylab koʻrganmisiz?
— Ha, ismimni Sentyabrga oʻzgartirmoqchi boʻlganman.
— Kechirasiz?
— Qoʻshiq yozishni va kuylashni boshlaganimda ismimni Sentyabrga oʻzgartirmoqchi boʻlganman.
— Leonard Sentyabr debmi?
— Yoʻq, Sentyabr Koen deb…

Afsonaviy qoʻshiqchi va shoir Leonard Koenning jurnalist bilan suhbatidan.

@usmonosphere

Osh goʻshti bilan: Leonard Koen ijrosida men sevgan qoʻshiq

@usmonosphere

Bahor bilan!

MART CHIZGILARI

1.
Quvg‘in qilar qishni boychechak,
Yozsa doston bo‘lar ming varoq.
Hayajoni bosilmas hecham,
Ichimdagi shoir telbaroq.

Chuchmomalar yastanar qato-o-or,
Irmoqlar — hirgoyi, otashin.
Taxtdan tushar mag‘lub qahraton,
Bosib olar olamni yashil.

Maysalar — erk, yurak titroqda
Ruhimga nur inadi birdan.
Ta’rif nadir, bog‘lar-ku bog‘lar,
Dashtlarim-da go‘yoki firdavs.

Masih yomg‘ir olib kelar tong,
Har tomchida muhabbat bunyod.
Mart osmoni — yig‘loqi osmon,
Ko‘z yoshida poklanur dunyo.

2.
Bu nafarmon nafosat ichra
Jilg‘alarning ovozi ham she’r.
Malikayi olam — musicha
Boshingda hur parvozi ham she’r.

Hilpiraydi qizg‘aldog‘ tug‘day,
Shig‘il gullar, farahlar ham she’r.
Chinga dovur yetgan fotihday,
Qaddi mag‘rur daraxtlar ham she’r.

Shabnamlarga bezangan sahar,
Oymomoning firog‘i ham she’r.
Aldanmaydi so‘zingga faqat,
Orazi ham, dimog‘i ham she’r...

Tushun shoir — parilar yerlik,
Guldo‘konga uchrab o‘tmoq shart.
Atirgulsiz o‘qilgan she’rni
Xushlamaydi sakkizinchi mart!

3.
Bu yulduzmi, yog‘dumi, diyda,
Yo afsunmi?
Parishon qoldim.
Ta’rifingiz Bobur turkiyda
Yozib ketgan besh asr oldin.

“Javrda nodir, zulmda mohir,
Ishvada qodir, g‘amzada ustod”.

Manglayimni mohtob singari
Yoritguvchi g‘ilmonsiz, hursiz.
Ajalimdan besh kun ilgari
O‘lishimga arziysiz, bir siz!..

...Zumrad fasl quchog‘in ochar,
O, bu fusun, tashbeh maholdir.
Dil izhorim bir jumlada jam,
Bahoringiz bilan Bahorim!!!

Nurmuhammad Aziz

@usmonosphere

Agar hamma narsani pulga sotib olyapman, deb o‘ylasangiz — adashasiz. Pul dunyodagi asosiy to‘lov vositasi emas. Aslida, biz hamma narsaning evaziga vaqtimizni beramiz.

Pul topish uchun ham vaqt ketkizamiz, pulni sarflash uchun ham, muvaffaqiyatga erishish uchun ham, kimnidir sevish uchun ham. Hamma-hammasining badali — vaqt.

Vaqt bizga tekinga berilgan. Shu sababdan ham qimmatrog‘ini emas, ko‘p vaqt olsa ham arzonini tanlagimiz keladi. Hatto vaqtimizni qimmatroqqa sotish uchun ham vaqt sarflaymiz: o‘qiymiz, tajriba orttiramiz va hokazo.

Ikki yildan beri asosan kunimni ishda o‘tkazib tushundimki, vaqti ko‘p yoki bor vaqtini qadrlaydigan odam boy hisoblanadi. Ba’zida eng gullagan yoshlik chog‘imni arzonga sotayotganimga xomush tortaman. Lekin na iloj.

Xo‘sh, unda nima qilish kerak? Javobi oddiy — yoqtirgan ishingizni qiling. Futbol o‘ynash yoqadimi, futbol o‘ynang. Yozish yoqsa, yozing. Sayohat qiling, qo‘shiq ayting, ovqat pishiring, xullas ke-etdi...

Shundog‘am kunning asosiy qismini tirikchilik uchun sarflash peshonangizda bor. Qolgan qismidan ozrog‘ini bo‘lsa ham chindan yashashga ajrating, boyligingizdan o‘zingiz ham bahra oling.

Sizga yoqadigan, bajarish zavq beradigan, yashash hissini tuydiradigan, go‘zal xotira va taassurot qoldiradigan yumushlarga vaqt ajratish o‘zingizga qiladigan eng katta saxovatingiz bo‘ladi.

Mabodo hali yosh bo‘lsangiz, vaqtim o‘z ixtiyorimda-ku deb o‘ylasangiz, aslida kimningdir (masalan, ota-ona) sarflagan vaqti evaziga yashayapsiz. Buning ham javobgarligi bor.

Vaqtingizga rozi boʻling :)

@usmonosphere

Toshkent sharidagi teatrlar va konsert zallarining mart oyi uchun tomoshanomasi.

Boringlar, koʻringlar, mazza qilinglar :)

@usmonosphere

Cigarettes after iftar 🚬

8-martga hali nima qilishni oʻylab koʻrmagan boʻlsangiz, kettik Reverie tour bilan sayohatga chiqib, iftor qilib qaytamiz.

Batafsil manetta: https://t.me/reverietour_uz/927

P.S: Sherik-sherik boʻp borsangla yanayam zoʻr :)

@usmonosphere

Oʻlsin, nega gazetalar haliyam bahaybaaat chiqariladi??

@usmonosphere

#luqma

Oʻzimiz zoʻr berib shishirgan pufakning paqq etib yorilishidan eng koʻp oʻzimiz qoʻrqamiz.

Faylasuf Usmonip

@usmonosphere

Qadrli xotin-qizlar, bayramingiz muborak! Sizlar borki, olam munavvar; sizlar borki, yashash maroqli.

Sizlarga muttasil sevilish, er-yigitlarga mudom sizlarni sevishni tilayman.

Kimda kim sizlarni nohaq xafa qilsa, kuchuk boʻlsin!

@usmonosphere

Sizlarga bayrambop ashula opkeldim, xotin-qizlar!

@usmonosphere

Yomgʻir ostida, yoqtirgan qoʻshiqlarimni eshita turib oʻylab qoldim. Qarasam, insonga beriladigan oʻrtacha umrning uchdan birini yashab qoʻyibman.

Lekin koʻzlagan ishlarimning oʻndan birini qildimmi, yoʻqmi Xudo biladi.

Sizlar-chi, qancha yashab qoʻydinglar? Nimalarga ulgurdinglar?

@usmonosphere