“Tasbeh daraxti soyasida” amerikalik yozuvchi Harper Lining eng mashhur asarlaridan biri boʻlib, koʻpincha “Mazaxchini oʻldirish” romanining davomi sifatida qaraladi.

Asarning ingliz tilidagi nomi “
Go set a Watchman”. Nom oʻzbek tiliga “Tasbeh daraxti soyasida” koʻrinisha tarjima qilingan boʻlib, mazmun jihatidan ramziylikni saqlab qolgan.


Hikoya 26 yoshli Jin Luiza Finchning Nyu-Yorkdan o‘zining tug‘ilib o‘sgan shahri Meykombga qaytishi bilan boshlanadi. U bu yerda otasi Attikus Finch bilan uchrashib, bolalikdagi qarashlari va ideallarini qayta ko‘rib chiqadi. Shu jarayonda u murakkab ijtimoiy va shaxsiy ziddiyatlarga duch keladi.

Asarda insonning ruhiy kamoloti va voyaga yetish jarayoni, jamiyatdagi irqiy tengsizlik hamda adolatsizlik muammolari, shuningdek, inson qarashlari va e’tiqodining vaqt o‘tishi bilan o‘zgarishi yoritiladi.

Nashriyot: Akademnashr
Tarjimon: Shohrux Usmonov

🚩 Agar oʻsha qizni “red flag”lari boʻlsa, siz buqa boʻling!

@usmonosphere

Bugun Oʻzbekiston Xalq shoiri Iqbol Mirzo tavallud topgan kun. Quyida esa shoir ijodidan eng sevgan she’rim.

SODIQ CHEGACHI

Sodiq chegachining ayoli xiyonat qildi...
Chegachi cho‘loq edi,
kambag‘al edi,
befarzand edi u ustiga-ustak.

Oysuluv bo‘lsa-da ayolin ismi,
suluv emas edi oydayin.
Ajab,
vafo qilmadi Oysuluv
go‘zal bo‘lmasa ham...

Uni shayton yo‘ldan urdi,
Sodiqni urdi xudo.

Oysuluv
yig‘ladi ikki bukilib...

O‘choqdagi o‘chayotgan o‘t
qizil tillarini o‘ynatib
masxara qilardi Sodiqni.
Qumg‘on
kulardi uning ustidan
sharaqlab...
– Yo‘qol... – dedi sekingina chegachi.
Ayol o‘rnidan jilmadi.
Tunda yo‘qolib qoldi Sodiqning o‘zi.
Kimdir uning gandiraklab
Bachqirariq tomon ketayotganini ko‘rganmish...

Bir yil o‘tdi, uch yil, besh...
Sodiqning cho‘pdek ozgan,
aqldan ozgan ayoli
suvqizi kabi sochlari yozg‘in
o‘tirarmish Bachqirariq qirg‘og‘ida.
Qo‘llarida Sodiq chegachining
Kamonchasi,
parmabigizi,
sirachi...

Chiqing, begim, ko‘nglingizni chegalab beray,
Ko‘nglingizni bering, begim, chegalab beray...

1989

@usmonosphere

— Bir yil ichida nima oʻzgardi?
— Vaznim!

@usmonosphere

— Qayerda ishlayapsiz?
— Markaziy bankda.
— O, kazo-kazolardan bo‘pkettizmi?
— Yo‘q, kazo-kazolarni orasidagi chiziqcha bo‘pkettim...

@usmonosphere

🎣 Ogʻziga mahkam baliq qarmoqqa ilinmaydi.

@usmonosphere

Ertaga “Zabarjad Media” nashriyotining 7 yillik bayrami. Kitobni sevgan va ijodiy mehnatni qadrlaganlar albatta borishi kerak.

“Zabarjad Media” — men suv ichgan daryo, hayot va ijod yoʻlidagi maktab boʻlgan. U yerda koʻp narsa oʻrganib, unib-oʻsganman. Hozirgacha doimiy aloqadaman. Yoʻlim tushsa, nashriyot rahbari, ustozim Ma’mura opa bilan soatlab qolib suhbatlashib qolaman.

Ayni shu yerda meni tarjimon sifatida qayta kashf qilishdi, kitobga va hayotga yondashuvim shakllandi. Shu sabab, “Zabarjad Media” oddiygina nashriyot emas, qadrdon doʻstday, ikkinchi uyday gap menga.

Nashriyot rahbari Ma’mura opaga uzoq umr va salomatlik, jamoa a’zolariga bitmas-tuganmas ijodiy quvvat, nashriyot ishiga esa doim muvaffaqiyat tilayman. Bayram muborak boʻlsin!

Sizlar ham bayramga boringlar :)

@usmonosphere

Bu yilgi Met Galadagi liboslar san’at asarlarining oʻzgacha reinkarnatsiyasiya aylanibdi.

@usmonosphere