Bu orzuyim ushalishini uzoq kutgandim. Daler Nazarovning YouTubeda nechta qoʻshigʻi, nechta konserti boʻlsa, deyarli hammasini yod bilaman.

Intervyularini koʻrib chiqqanman. Bastakorlik qilgan filmi bor — “Luna Papa”. U ham sevimli filmim. Xullas, Nazarov ijodiga aloqador hamma narsani kuzatib boraman.

Yaqin 3 yil ichida afsonaning konsertiga tushishni, jonli eshitishni juda kutdim. Bugunga nasib qilgan ekan. Kichikroq davrada qoʻshiq kuyladi, hamma joʻrovoz boʻldi.

Nazarov sahnaga chiqqanida hayajonlanib ketdim negadir. Oʻzimni bu qadar begʻubor quvonadigan odam deb oʻylamovdim. Tadbir tugaguncha ogʻzim qulogʻimda edi.

Tugagach, afsona bilan suhbatlashdim. U bilan san’at va muhabbat haqida suhbatlashish orzuyim borligini aytdim. Dushanbega borganimda koʻrishishni kelishib oldik.

Eh doʻstlarim, qisqasi, kecha hayotimdagi eng goʻzal kunlardan biri boʻldi. Nasib etsa, albatta Daler Nazarov bilan suhbatimni sizlar bilan boʻlishaman.

P.S. Parchalar qiziq boʻlsa, Instagramimda hikoyalar shaklida joyladim )

@usmonosphere

Oxirgi paytda guvoh boʻlyapmanki, odamlar orasida boshqalarning mavjudligini bir chaqaga ilmaydiganlar anchagina ekan. Ayniqsa, jamoat joylarida, jamoat transporti va taksida bot-bot duch kelaman shunday holatga.

Birov avtobusda butun salonga eshittirib rils koʻrib ketadi, birov metroda varanglatib telefonda gʻiybatlashadi, birov poyezd vagonida hammaning qulogʻiga kirar darajada molbozor va moshina bozoridan lavhalarni tomosha qilib ketadi.

Hozir ham taksidaman. Toʻrt yigit, bir ayol ketyapmiz. Ayol oldinda. Xudo kechirsin, birovning ekraniga koʻz tashlamay deyman, lekin shunaqa joyda oʻtiribmanki — koʻzim tushmay iloji yoʻq. Qolaversa, koʻzni olib qochsang, quloq zormanda ham bor-da. Muhtaram opamiz avvaliga kimlar bilandir ovozli xabarlashib keldilar, orada bir tin olib yana ijodga qaytdilar, koʻz tegmasin. Endi navbat Instagram kavlashga yetdi.

Xullas, opa necha kishining hikoyalarini koʻrdi, nechta bema’ni rils tomosha qildi, hatto ayollarning haliginaqalarini sotadigan profilni batafsil koʻzdan kechirdi — hammasi kaminaga namoyon boʻlib turdi. Oʻngʻaysiz tomoni, oʻsha haliginaqalar namoyish qilingan ekranga kamida ikkita yoʻlovchining koʻzi tushgani aniq.

Nega bu qadar farosat bilan gina-kuduratli xalq shakllangan, hayronman. Yosh bolasidan tortib, qoʻlida smartfoni bor amakilargacha bir goʻr. Menimcha, raqamlashayotgan dunyoda raqamli etika qoidalarini ishlab chiqish va maktabdan boshlab oʻrgatishga ehtiyoj bor. Tagʻinam bilmadim, har qancha oʻrgatganing bilan biroz chetdan qarashga fahmi yetmagan odamga befoyda.

@usmonosphere

#teatr

Toshkent shahridagi teatrlarning may oyidagi tomoshanomasi.

Boringlar, teatrlarga kirib, nurlaninglar!

@usmonosphere

Toshkentdagilar, kitobsevarlar, Zabarjad Media mijozlari, nashriyot muxlislari — xullas, barchani 7 yillik bayram va “Aziza” mukofotining taqdirlash marosimiga taklif etamiz.

Boringlar, kitoblardan xarid qilinglar, gʻoliblarga qarsak chalinglar, nashriyot vakillarini qutlanglar, muxlis degani shunaqa kunga yaraydi-da…

@usmonosphere

Rahmatli Jahongir Namozovning she’rlarini tarjima qilganim haqida aytgan edim. Shulardan bir nechtasini The Poetry Lighthouse platformasiga yubordim.

Nasib, tarjimalar chop etilsa, Jahongirning ruhi shod boʻladi, degan umiddaman.

@usmonosphere

“JAYDARI MARTIN”

Jek Londonning “Martin Iden” asari asosida  spektakl
                 
🗓 17/05
🕰 18:00
🎤 O'zbek tilida (16+)
⏳90 daqiqa
📍Xoreografiya Akademiyasi

Kirish: Donat 50+

Kechga qolganlar spektaklga kiritilmaydi!

Ro'yxatdan o'tish:
☎️ +998(99)828•96•83
      +998(99)711•15•20

                     *       *       *
«ЖАЙДАРИ МАРТИН»

Спектакль по мотивам романа Джека Лондона «Мартин Иден»

🗓 17/05
🕰 18:00
🎤 Узбекском языке (16+)
⏳90 минут
📍Академия Хореографии

Вход: Донат 50+

Опоздавшие на спектакль не допускаются!

Регистрация:
☎️ +998(99)828•96•83
      +998(99)711•15•20

Инстаграм  | Фейсбук |
      | Телеграм канал |

18-may — xalqaro muzeylar kuni. Bugun barcha muzeylarga kirish tekin. Boringlar, kiringlar, hayratlaninglar!

@usmonosphere

VI, VII!

@usmonosphere

#savod

Imloviy savodxonlik nima uchun muhimligini bilib olingiz. Bitta harf tushib qolsayam, olam-jahonni buzadigan ma’no yuzaga chiqadi.

@usmonosphere

#savod

Mayli, qoʻymadinglar!

Instagramdagi bu sahifa admini yaxshi niyatda, Toshkent shevasida “olmay chiqib ketsa…” demoqchi boʻlgan.

Lekin “kilent”ni ham xato yozgan ekan-da, shunga achinaman :)

@usmonosphere

Tunda vaqt shoshmay oʻtadi. Sekin, bir maromda oʻtadi. Butun atrof tinchib qoladi. Mana shu ayni nimadir yozib-chizadigan, oʻylaydigan, ijod qiladigan muhit degani. Men oʻzi ishyoqmas emasman, kechasi samaradorligim yuqori. Shunchaki butun dunyo kunduzi ishlashga sigʻinadi xolos.

@usmonosphere

Shoʻxi balo, Chevo tagʻo, Urus, Chorivoy, Panda, Batterbin, Shoqoqiy, Shoqi, Shoxxi, Shahanshoh, Shoir Opoqiy, Kakito, Shoxa, Bobotik, Oshshijon, Sehrli tayoqcha, Zumer, Zumer chol, Usmonip, Shohruxi Olam…

Yuqoridagi notoʻliq va xronologik tartini buzilgan roʻyxat. Lekin umrim davomida menga qoʻyilgan laqablarni eslaab, jamladim. Qolib ketganlari ham chiqar. Hammasi oʻzimga yoqadi.

Sizda qanaqa antiqa laqablar bor?

@usmonosphere

Mentalitetga toʻgʻri kemaydigan havo boʻlyapti-ku :)

@usmonosphere

#hazil

— Rasmdan nima xulosaga kelding?
— Shirinlikni qadogʻi bilan yeb boʻlmaskan!
— Rivoyatni harom qilding :)

@usmonosphere

— Jigar, qayerdasan?
— Buxorodaman.
— Isbotlagin-chi?
— Mana marhamat…

@usmonosphere

#teatr

Doʻstlar, mana sizlarga iyun oyi uchun poytaxtimiz teatrlarining tomoshanomasi. Boringlar, koʻringlar, nurlaninglar!

@usmonosphere

#teatr

Bilaman, koʻpchilik viloyalarga qaytyapti. Mayli, talablarga binoan hududlardagi teatrlar repertuarini ham boʻlishaman.

Albatta boringlar lekin :)

@usmonosphere

Mana, ertaga ham dushanba, ham yangi oyni birinchi kuni! Ustiga ustak, yangi fasl ham. Oʻzgarishga qulay vaqt kutib yurganlarga ayni muddao!

Xoʻsh, kim qanaqa oʻzgarish qilmoqchi?

@usmonosphere