Qoʻshiq aytadigan odamlarga havas qilaman. Bobur degan ukam havasimni orttirib YouTubeda albom joylagan ekan. Eshitib koʻringlar, umidli xonandamiz boʻladi, nasib:

https://youtu.be/cNxeQXWHSVo?si=twAnDTcUFmmwxitO

Ijod maktablaridagi bolalar bilan ishlash niyatim boʻlgan doim. Hozirgacha A.Oripov, A.Qodiriy, H.Xudoyberdiyeva nomidagi maktablarda boʻlib, muhitga juda mahliyo boʻlgandim.

Shu kunlarda esa Namangandagi Is’hoqxon Ibrat ijod maktabida kirish imtihonlarida hakamlik qilyapman. Bolalarning ijodiy qobiliyatlarini baholash kaminaning chekida. Yoqimli jarayon.

Deyarli hamma oʻquvchidan oxirgi oʻqigan va yoqtirgan kitobini soʻrab chiqyapman. Hozircha eng koʻp takrorlangan javob — “Binafsha shu’lasi”. Ora-sirada yoshiga mos kitoblarni aytadiganlar uchrayapti.

Kichik boʻlsa-da ingliz tilida burro soʻzlaydigan, adabiyot va san’atda alohida iqtidorga ega nomzodlar koʻp ekan. Raqobat ham shunga yarasha yuqori. Barchaga omad!

@usmonosphere

Sen mening shirin tushimsan. Shuning uchun ham koʻp uxlayman.

Mahmud Darvish

@usmonosphere

Akam mani

Shu mavzuda: Jubron Xalilning “The Prophet” asari hatto o‘zbek tilidan ham oldin uyg‘urchada chiqqan ekan. Asar 2001-yilda “Danishmăn: năsriy sheirlar” nomi bilan Qăshqăr Uighur Năshriyati tomonidan chop etilgan. Oradan 5-yil o‘tib Mahkam Mahmudov (Andijoniy) asarni “Donishmand hikmatlari” nomi bilan o‘zbekchaga o‘girgan. Chorak asr avval chiqqan bo‘lsa ham, ana shu asarni topib ko‘rish kerak ekan. Qani, o‘zbekcha bilan qanchalar yaqin yo uzoq.

@usmonosphere

Kichkinagina, bolalar uchun mo‘ljallangan komiks bor.
Ingliz tilidan qoraqalpoq tiliga professional tarjimon kerak. Nomzodlar @usmonip ga bog‘lanishi mumkin.

@usmonosphere

Menga hayoting davomida qilgan eng noma’qul ishing haqida ayt va baribir seni sevishimga izn ber.

Edgar Allan Po

@usmonosphere

#tugadi

Bugun vanihoyat magistrlik dissertatsiyam himoyasi oʻtdi. Bir yil kechikib, ish va shaxsiy hayot bilan oʻralashib, bazoʻr yozib tugatib, himoyaga chiqishdan 5-10 daqiqa avval taqdimotimni tayyorlab, xullasi kalom, bir amallab epladim.

“Jubron Xalilning “Al-Mustafo” asari tarjimasi tahlili” mavzusida baholi qudrat tadqiqot olib borgandim. Unda arab-amerika adabiyoti, Jubron Xalil ijodi, muallifning shohasari, asarda metaforalarning tarjimasi va dinamizmlarning tarjimada aks etishi kabi jihatlarni oʻrganib chiqdim.

Lekin, tan olish kerak, ilmiy rahbarim PhD, dotsent Mahmadiyor Asadovning takror-takror turtkilashi boʻlmaganida bu yil ham ishim chala qolib ketardi. Oʻzimdan koʻp oʻylagan boʻlsalar kerak. Cheksiz tashakkur va minnatdorchilik izhor qilaman.

Ochigʻi, layoqatimga yarasha mundayroq baho qoʻyilishini kutgandim. Ammo himoya oʻtib, natijalar e’lon qilinganda hayron qoldim. Ilmiy ishimga 95 ball qoʻyishibdi. Ichimga sigʻmay, ogʻzim qulogʻimda ishga qaytyapman endi.

Endi nasib qilsa, ilmiy ishimni yana davom ettirish va Jubron Xalil ijodini chuqurroq tahlil qilishni niyat qildim. Xullas, Oʻzbekistondagi birinchi Jubronshunos yetishib chiqyapti, tayyor turinglar!

Yana bir marta ilmiy rahbarimga chek-chegarasiz rahmatimni yetkizaman!

@usmonosphere

Oʻzi bu yilgi Jahon chempionati eng gʻalati turnir boʻlyapti. Amerikada futbol birinchi raqamli sport emasligi ustiga, koʻpgina mamlakatlarga yetarlicha sharoit ham yaratilmagan.

Shunda ham behisob adolatsizlikka uchragan jamoa Eron boʻldi. Ularga faqat oʻyin kunigina Amerikaga kirishga ruxsat bor. Oʻyin tugadimi, yukingni ol-da, chiqib ket. Izzating ham, hurmating ham yoʻq.

Lekin forlsar kurashchan va juda vatanparvar xalq ekanini koʻrsatdi. Ogʻir sharoitda ham birorta oʻyinda yutqazmadi. Uchta durang qayd etdi. Hatto yutqazmay turib ham yigʻlashyapti.

Forslar doim simpatiyaga va hurmatga loyiq! Yashasin!

P.S. Oʻzbekiston esa, afsuski, kutilganiday natijaga erisha olmadi. Menimcha, bunga koʻproq tizimdagi notoʻgʻri qarorlar sabab. Ammo keyingi JChda yaxshi qatnashishdan umidvormiz.

@usmonosphere

Oh, rad etilish azobi…

@usmonosphere

Salom, aqlli kishilar!

Bilaman, sahifamda ikkita-uchta uyni bosib qoʻygan toparmon-tutarmonlar va eng kamida 3-4 ta ijara uyni alishtirgan tajribali insonlar bor.

Iyul oxiri-avgust boshidan kirib yashashga uy izlayapman. Byudjet 300-400$ atrofida, joylashuvi qulay boʻlishi muhim.

Shu mavzuda maslahat va yordam beroladiganlar boʻlsa, boshim osmonga yetardi. Oldindan rahmat.

@usmonosphere