Messi va Yamalning hikoyasi tipik oʻzbek ota-bolaning ideal munosabatiga oʻxshaydi.

19 yil oldin Messi goʻdak Yamalni togʻorachaga solib, astoydil yuvib, tagiga suv quygandi.

19 yildan keyin Yamal va uning jamoasi Jahon kubogi finalida Messini oʻyin bobida togʻorachaga solib, tagiga suv quydi.

Yana biror 19 yildan keyin bola-chaqangizga bu hikoya gollivud ssenaristlarining ijodi emas, real hayotda yuz berganini qanday tushuntirib berasizlar?

@usmonosphere

Mayli, Messi bilan Yamalni bir chetga suramiz. Undan qiziq mavzu bor.

Men doim bir soʻzning oʻzbekchasini izlab yuraman. Xayolimga sakson xil misol keldi, lekin birortasi mos emas.

Mana masalan, biror oshxonaga kirasiz, “firmenniy” ovqatimiz deb maqtaydi. Yoki “firmenniy” sousimiz deb reklama qilishadi. Shu oʻlgur “firmenniy” oʻzbekchada nima boʻladi?

Ba’zi taomnomalarda “firmaviy”, “firmali” kabi yemagan tarjimalariga koʻzim tushgan. “Maxsus” deyishning oʻzi yetarli emas. “Firmenniy” bu oʻsha yergagina mansub, boshqa joyda topilmaydigan tansiq taom demak.

Atamalar komissiyasi har-har zamonda allaqachon biz ishlatayotgan soʻzlarni qayta-qayta muomalaga kiritavermasdan, kundalik hayotda peshonamiz urilaverib gʻurra boʻlgan shu kabi soʻzlarga muqobil topsa yaxshi boʻlardi.

@usmonosphere

Lelin emas, Lenin boʻladi, doʻstim!

@usmonosphere

Ba’zan ishdan qaytganda koʻcha boshidagi oʻrindiqqa oʻtirib yoki odatiy va hatto eng baxtli kunlarimning yakunida uxlash oldidan shiftga uzoq tikilib, oʻylab qolaman.

Mana, chorak asr yashab qoʻydim. 11 yil maktabda, 6 yil oliygohda oʻqidim. Yaxshi haq toʻlaydigan ishim bor. Oilam tinch, xudoga shukur. Balki ozdir, balki koʻp, minglab odam taniydi, kuzatadi. Kimdir shoir, kimdir tarjimon, kimdir shunchaki doʻst sifatida. Haminqadargina mashhurman. Salomatligim ham joyida hozircha.

Toʻgʻri, hali uy, mashina va hokazolarim yoʻq. Lekin ular boʻlganda ham shunday oʻylasam kerak. Xoʻp, hammasi risoladagidek! Lekin meni shunchaki baxtli qilishi mumkin boʻlgan juda oddiy narsa bor: Qoʻshiq kuylash!

Bolalikdan ushalmay qolgan yagona orzuyim shu. Oʻshanda eh-he buyuk san’atkor boʻlishni, sahnalarni toʻldirib konsert berishni, qoʻshiqlarim dunyo kezishini, xullas, xalq suygan qoʻshiqchi boʻlishga havasmand edim. Lekin hayotim burilib-surilib adabiyotga kirib keldim. Mayli, adabiyotda ham juda qoyillatganim yoʻq.

Masalan, ertaga oʻlib qolsam, eng katta afsus qiladiganim shu boʻladi. Keyin tushunib yetdim. Menga endi zallarni toʻlatib konsert qoʻyish, qoʻshiqlarim dunyo kezishi umuman qiziq emas ekan. Menga shunchaki kuylash, zavq olish yetarli. Siniq ovozda xirgoyi qilsam ham, oʻzimni baxtli his qilaveraman. Umuman, boshqa birovning qoʻshigʻini boʻlsa ham aytish eng yoqimli mashgʻulot menga.

Bir videoga koʻzim tushgandi. “Hayot juda qisqa. Bizda esa atigi bitta imkoniyat bor. Nega shunda ham odamlar bemalol yuradi? Nega eng katta orzulari ortidan telbalarcha quvishmaydi? Axir boshqa imkoniyat berilmaydi-ku” — deyilgandi unda. Shunaqa oʻychan lahzalarda oʻsha video esimga kelaveradi.

Chindan ham, doʻstim, hayot biz oʻylagandan ancha qisqa. Ish ham, uy-joy ham, ulov ham boʻladi. Xudo bersa, karrasi bilan boʻladi. Lekin orzularingiz ham esdan chiqmasin. Soʻnggi daqiqalarda erishganingiz ulkan marralar uchun emas, yetisholmagan kichik orzularingiz uchun koʻp afsus qilasiz. Ulguraylik, nasib!

@usmonosphere

Toshkentda eng ish beradigan marketing:

Osh, non, choy, salad — 30 ming soʻm!

@usmonosphere

Erkin Vohidovdan eeeeng yoqtirgan she’ringizni izohlarda qoldiring

@usmonosphere

— Ballu, ke man sanga she’r oʻrgataman:

“Otabek otti,
Eshagini sotdi,
Eshagini puliga
Xotin olib yotdi!”

— Amaki, Otabek keyin xotinini achoqlab yotadimi, he-he-he…

— Ha-da!

— E, undan koʻra eshagini puliga sigir olsa boʻmaydimi?

@usmonosphere

Mabodo men kundalik yozsam shunaqa boʻlardi…

@usmonosphere

🔰 Бўлажак таржимонлар, яқинроқ келинг. Сизларни «Таржима Маҳорат Мактаби»га таклиф этамиз!

Жаҳон адабиёти дурдоналарини она тилимизга ўгиришни истайсизу, кўникмангиз етарли эмасми? Агар бирор хорижий тилни билсангиз ҳамда таржима санъатининг нозик сирларини ўрганишни, матн билан ишлашдаги назарий ва амалий билимларингизни оширишни мақсад қилган бўлсангиз, бу дарслар сиз учун!

Bақти: Сентябрдан
Формат: Zoom орқали
Жадвал: Ҳафтада 2-3 кун
Дарслар: 12 та
Нарх: 500 минг сўм.

Маърузачиларимиз:
Алишер Сабрий
Алишер Файзуллаев
Гўзал Рўзиева
Илҳом Салимов  
Мирзоҳид Музаффар
Мунира Норова
Назарбек Назаров
Нодирабегим Иброҳимова
Раҳмат Бобожон
Тилланисо
Шерзод Комил Халил
Шохрух Усмонов

 
👉 Маърузалар мавзуси билан танишиш 

Янги билимлар олиш ва тажрибали таржимонлар билан мулоқотда бўлиш имконини қўлдан бой берманг.

Мурожаат: @nodirabegim_18

Magistraturamni tamomlasam, badiiy tarjima va tarjima tahriri bo‘yicha mualliflik kursimni ochaman deb reja qilgandim. Rejaning dastlabki qadami “Tarjima mahorat maktabi” bilan bosiladigan bo‘ldi.

Shu tajriba o‘zini oqlasa, yorug‘ yuz bilan o‘tsak, alohida dastur tuzib, o‘z kursimni ochaman. Ungacha mahorat maktabida uchrashamiz. Maksimum foydali dars o‘tishga harakat qilaman.

@usmonosphere

“Orbit”ni ichsa boʻladigan xili

@usmonosphere

“Iltimos, suyanmangiz!”, “Jahon chempionati”, “Yong‘inda xavfli” kabi keng tarqalgan g‘aliz va xato tarjima qilingan iboralar sizning ham g‘ashingizga tegadimi?

@usmonosphere

Changchun degan ismni real hayotda uchratdim, endi armonsizman

@usmonosphere

Korzinkada yurgandim, qulog‘imga xususiy universitet reklamasi chalindi. Avvaliga bir mashhur qo‘shiqchimiz chiqib, ta’lim dargohini rosa maqtadilar, o‘qish kerak deb bot-bot ta’kidladilar va aynan shu yerni tanlasangiz, tahsilni “London, Malayziya kabi davlatlarda” davom ettirishingiz mumkin deb qistirib ham o‘tdilar.

Undan keyin navbat olamga mashhur sportchimizga yetdi. U kishi ham oliygohni boyagidaqa og‘izlaridan bol tomizib maqtadilar. Yana har xil ijobiy jihatlarni sanab, oxirida “London va Malayziya davlatlari”ni zikr etdilar.

Qachondan London alohida davlat bo‘lib qoldi, hayronman. Birinchidan, universitet reklamasida ta’limga aloqador, ilm yo‘lini oz bo‘lsa ham bosib o‘tgan kishilar ko‘rinish berishi kerak. Kamida obro‘li jamoat arboblari bo‘lsin, mayli. Lekin ikkinchidan, nahotki butun boshli universitet ijodiy jamoasida London davlat emasligini aytadigan kishi topilmagan? Va oxirgisi, reklama matnini to‘g‘ri tuzolmaydigan universitetga umringiz va pulingizni qanday ishonib topshirasiz, hayronman.

Ochig‘i, men xususiy oliygohlarga simpatiyasi kuchli, ularning istiqbolidan umidvor odamman. Ilm-fanda raqobatlashadigan, talabalari va yutuqlari bilan maqtanadigan, obro‘li va jonkuyar ustozlari tarkibini ko‘z-ko‘z qiladigan ta’lim maskanlari ko‘payishini xohlayman. Lekin ma’lum muddatgacha bizda ba’zi xususiy universitetlar shunchaki diplom sotishdan nariga o‘tmasa kerak.

Mayli, hali vaqt o‘tib, saragi sarakka, puchagi puchakka chiqadi. Bunaqa reklamalar bilan qulog‘imiz ham qonamaydi, nasib.

@usmonosphere

Toping-chi, bu qaysi mashhur she’rning inglizchasi?

It had been an axe first of all,
Then 'd been molded as a cannonball.
Had been a sword, a pistol, and a gun
Even had burst as a bomb, no fun.
But conquered the world only when
As soon as he had become a pen!

Toʻgʻri topganga barakalla!

@usmonosphere

Kecha ham qandaydir mavzuda post yozmoqchi edim. Bugun esimdan chiqibdi. Xullas, o‘sha mavzu qanday bo‘lishini bilmadim-u, lekin Usmonip ajoyib fikr bildiribdi deb o‘ylayveringlar.

@usmonosphere

🎯 A Tashkent-based organisation is seeking a professional English–Uzbek written translator.

The ideal candidate should have an upper-advanced command of written Uzbek in both Latin and Cyrillic scripts, as well as fluency in English.

If you are interested and believe you meet the requirements, please send your detailed CV and, if applicable, a list of your publications via Telegram +998935718199.

The successful candidate will be selected based on the results of a two-page written test. Thank you in advance.

Bilimsizdir oshiqlaring, g‘ayr az yoshingni bilmaslar,
Siringni olmayin tilga — ayon, foshingni bilmaslar.
Bo‘zchining mokusidek yurib sarson-u sargardon
Izlagaylar nechun mehrob, nahot qoshingni bilmaslar?

Shoxrux Usmonov

@usmonosphere

Kambagʻal sabzavot yesa — puli yoʻqligidan, boy sabzavot yesa — sogʻlom ovqatlanishidan boʻladi.

Kambagʻal goʻsht yemasa — qoʻli kalta, boy goʻsht yemasa — vegetarian.

Kambagʻal velik haydasa — omadsizligidan, boy velikda yursa bu — sportsevarligidan.

Kambagʻal ozgʻin boʻlsa — voy bechora qoqsuyak, boy ozgʻin boʻlsa — kelishgan.

Kambagʻalni qorni boʻlsa — xomsemiz, boyni qorni boʻlsa — koʻhlikkina hojiaka.

Hammasi bir goʻr, pul qanchaligiga qarab tushunchalar ham almashadi.

@usmonosphere

Odamlar uxlashingizdan ham, uygʻonishingizdan pul qiladi :)

@usmonosphere