Ustoz - inson qalbini yoritguvchi nurdir. Uning mashaqqatli mehnati, sabr-toqati va mehr-muhabbati tufayli o‘quvchilar hayotida yorqin sahifalar ochiladi.

Fotima Jumayeva jamoasi hamda @ustoz_0307 kanali ustozlari! Sizlarga sihat-salomatlik, uzoq umr, sabr-toqat va ijodiy zafarlar tilayman. Har bir kuningiz shogirdlaringizning yutuqlari, ularning duolari bilan fayzli va barakali bo‘lsin.🤲🤲🤲
Jamoamiz ahilligiga, faolligiga hech qachon ko‘z tegmasin 🙏🙏🙏
Bayramingiz muborak, aziz ustozlar! 🎉🎉🎉
Sizga hurmat va ehtirom ila Fotima Jumayeva ❤️❤️❤️

Bu gulga har qaraganimda ko‘nglimda Allohga shukronalik hissi jo‘sh uryapti.

29.09 kuni to‘garaklarni viloyatlarga yuborish uchun pochtaga bordim, pochta yonida ikki erkak kishi sigaret chekib turgan ekan, mashinadan to‘garaklarni olib o‘tib ketayotganimda "Ayol kishi bo‘lib bularni ko‘tarib yuribsiz, 500 so‘m-1000 so‘m foyda qoladimi, ishqilib😁😁😁" degan gapi va istehzonamo kulganday qarashidan tomog‘imga nimadir tiqilib keldi. Indamay o‘tib ketdim, nimadir degim keldiyu...

O‘sha kuni kun davomida shu holat, u odamning mimikasi xayolimdan ketmadi. Aslida bu ishlar foyda uchungina emasligini dunyoni pul bilan o‘lchaydiganlar tushunishiga aqli yetmasa kerak, deb o‘ylayman🤔
Bir qo‘shiqda bor edi:
Ot qadrini qaydan bilsin,
Ot minmagan erkaklar,...

30.09 kuni nashriyotga ish yuzasidan borishim kerak edi. Darsni tugatib, bordim. Rahbar bilan biroz suhbatlashib turganimizda xonaga birin-ketin yuzlarida tabassum bilan ishchilar kirib kela boshlashdi. Eng oxirida qo‘lida katta juda nafis buket bilan nashriyotning yana bir aʼzosi kirdilar. Rostini aytsam, umuman kutmagandim, o‘zi gul berishsa, tabiatga mehrim boshqacha bo‘lgani uchunmi, esiz, joyida o‘sib turganida qanday yaxshiydiya, degan gap ko‘nglimdan o‘tardi. Bu safar ko‘nglim shunchalar yorishib ketdiki, tasavvur qilish qiyin. Barchalari minnatdorchilik bildirishdi, iliq so‘zlar bilan tabriklashdi, to‘garaklarim respublika bo‘yicha tarqatilayotganiyu qaancha o‘qituvchi-o‘quvchilar bundan xursand bo‘layotganini gapirib o‘tishdi...

"Bayoz" nashriyotining barcha-barchasiga bunday eʼtibor va hurmat uchun o‘zimning rahmatlarimni aytib qolaman. Ilohim, topganlariga baraka bersin, savobli ishdan hech qachon charchashmasin🤲🤲🤲

Shu o‘rinda bir kun oldingi holatga Allohim bandasi orqali qanchalik darajada javob qaytarib qo‘yganiga lol qolmay ilojim yo‘q.

Men qanchalik savob, hurmat, eʼtibor, obro‘, yaqin do‘stlar orttirgan bo‘lsam, shu kasbim sabab, deb o‘ylayman. Buni faqatgina boshidan o‘tkazgan odam tushunadi.

Ilohim, hammaga o‘z kasbidan g‘ururlanish, shukr qilish, xursand bo‘lib yashash bir umr nasib qilsin🤲🤲🤲

Bayramingiz muborak yana bir bor, ustozlar❤️❤️❤️

Kelajak soati uchun

“Kelajak soati” darsining 1-4-sinflar uchun mashg‘ulot ssenariysi:

“OILAMNING HIKMATLAR SANDIGʻI”

Suvni isrof qilmang

KELAJAK soati
6-mavzu