Mendan ushbu darslarga qoʻshilish uchun bola nimani bilish kerak deb soʻrashayapti.

Bu bizning fikrlash yoʻnalishidagi darslarimizning birinchi bloki, shuning uchun topshiriqlar qiyinlik darajasi yuqori emas, matematikadan yaxshi bahoga oʻqiydigan 3-4 sinf oʻquvchilari kursimizda qatnasha oladi.

Shunday boʻlsa ham bolangizning kursda qatnasha olishini aniqlash uchun quyidagi kirish testini ishlab koʻrishini tavsiya qilamiz. Agar oʻquvchi ushbu savollarni ishlay olsa, kursda qatnasha oladi. 👇

Ushbu savollar javobini tekshirtirmoqchi boʻlsangiz, @ustozuz_manager profiliga yoki @otabek0505bot ga javoblarni tashlashingiz mumkin.

Ertaga (08.01.2024 kuni soat 23:59 da) Prezident maktablariga online tayyorgarlik online kursimizga berilgan 24%lik chegirma tugashini eslatib oʻtamiz.

Online kursga ro’yhatdan o’tish uchun @ustozuz_manager ga murojaat qilishingiz mumkinligini eslatamiz.

@ustozuz

Oʻzbekistonning PISA sinovlarida ishtiroki natijalari chiqqanda hamma qatori men ham asabiylashdim, tanqid qildim, norozi boʻldim. Har doim boʻladigandek bunda ham "oʻzing nima qilding? degan savolni beruvchilar yetarlicha topildi. Ularga javobim aniq: "Bitta oʻqituvchi sifatida qoʻlimdan kelganini qildim, yana qilayapman ham". Shunaqa dedim-u... lekin oʻylanib qoldim. Nahotki shu mening qoʻlimdan keladigan hamma ish boʻlsa? Balki hech boʻlmasa tuman miqiyosida taʼllim sifatini oshirish uchun biror loyiha taklif qila olarman? Biror muammoni hal qila olarman.

Shu tariqa tumanda taʼlim sifatini oshirish uchun nima qilish mumkinligi haqida oʻylana boshladim. Taʼlim sifatiga oshishiga toʻsqinlik qilayotgan muammolar ichidan oʻzimcha eng birlamchisini ajratib oldim, uni hal qilish boʻyicha oʻzimcha reja ishlab chiqdim va bugun shu reja bilan Gurlan tuman xalq taʻlimi boʻlimi mudiriga uchrashdim. Mudir mening fikrimni qoʻllab quvvatladi, mening loyihamni tumanda qoʻllab koʻrishga kelishib oldik.

Quyida shu muammo, uni hal qilish uchun qanday reja tuzganim va uni qanday amalga oshirishni moʻljallaganimiz haqida uzun post: 👇

@ustozuz

MUAMMO:

Taʼlim sifatini baholaydigan obyektiv tizim mavjud emas. Oʻqituvchilar 45 daqiqa dars davomida "oʻz orolida" yashaydilar, baholar toʻliq subyektiv, sinf holati, oʻqituvchi kayfiyati kabi ikkinchi darajali omillarga asoslangan holda qoʻyiladi. Buning natijasida oʻqituvchi oʻzi toʻgʻri yoʻldan ketayotgan yoki ketmayotganini aniqlash imkoni yoʻq, oʻquvchilarni tuman kesimida, maktab kesimida, hattoki sinflar kesimida bir-biri bilan solishtiradigan, oʻqituvchi uslubi va metodikasi natijaviyligini baholaydigan tizim mavjud emas. Oʻqituvchi oʻz ishini baholay olmagandan keyin, u har qanday natijani "shunday boʻlishi kerak" deb qabul qiladi.
Bundan tashqari oʻqituvchiga qaysi yoʻnalishda ketish kerakligini aniqlab olishga yordam beradigan moʻljal ham mavjud emas. Masalan, "bola bu chorak oxirigacha yoki yil oxirigacha mana bu narsani bilishi kerak" degan tasavvur yoʻq, shu sababli u darslikni oʻzi uchun yagona moʻljal deb oladi va darslikda berilgan topshiriqlarni navbat bilan ishlab ketaveradi.


NIMA QILISH KERAK?

Birinchidan, oʻquvchilarni obyektiv, oʻz oʻqituvchisi ishtirokisiz baholash tizimi boʻlishi kerak. Oʻqituvchi oʻquvchilarning obyektiv holatini bilishi, oʻz sinfini boshqa sinflar bilan taqqoslay olishi, oʻz ustun taraflarini va kamchiliklarini topib, ularni tahlil qilish imkoni boʻlishi kerak.
Ikkinchidan, oʻqituvchi uchun qandaydir moʻljal boʻlishi kerak. Yaʼni oʻquvchilarim mana bu sanagacha mana bu qiyinchilikdagi imtihondan oʻta olishi kerak degan hech boʻlmasa taxminiy rejasi boʻlsa, oʻqituvchi uchun ishlash osonlashadi.
Uchinchidan, Maktab maʼmuriyati uchun oʻqituvchilar ishi samaradorligini baholash, yuqori tashkilotlar uchun maktab ilmiy salohiyatini baholash uchun qandaydir koʻrsatkich kerak. Shu asosida "sarak-sarakka, puchak-puchakka ajralishi" oson boʻladi.
Toʻrtinchidan, ota-onalar uchun ham farzandining real axvolini aniqlash imkonini beradi, "mening farzandim aʼlochi" deb yuravermasdan, oʻz vaqtida aniq holatni bilib, shunga yarasha harakat qiladi, (kerak boʻlsa, oʻqituvchidan talab qiladi).


Xoʻsh, bularni qanday amalga oshiramiz? Endi shular haqida 👇

@ustozuz

BULARNI QANDAY AMALGA OSHIRAMIZ:

Gurlan tuman xalq taʼlimi boʻlimiga bu yoʻnalishda oʻzim ishlaydigan 3-4 sinflardan boshlanadigan loyiha taklif qildim. Bu loyiha bir nechta bosqichlardan iborat boʻladi:

BIRINCHI BOSQICH:
Tumandagi maktablar joylashgan manziliga qarab guruhlarga boʻlinadi. 3-4- sinf oʻquvchilaridan har maktabdan 5 nafardan oʻquvchi oʻz guruhidagi belgilangan maktabga borib, 10 savolli imtihon topshiradi.

Imtihon savollari maktab dasturidan chiqmagan holda, PISA, TIMMS kabi imtihonlar tipida tuziladi, yaʼni oʻquvchining shunchaki 2 karra 2 nechaga tengligini aniqlash imkoniyati emas, bunga qoʻshimcha ravishda fikrlash qobiliyati ham talab qilinadigan savollar beriladi. Bunda har bitta savolni oʻquv dasturini yaxshi oʻzlashtirgan oʻquvchi ishlay olishi lozimligi va har bir savol qandaydir maqsadni koʻzlashi koʻzda tutilgan (savollarni imtihon oʻtgandan keyin kanalga tashlab beraman).

IKKINCHI BOSQICH:
Imtihon natijalari bitta jadvalda toʻplanadi va tahlil qilish imkoni yaratiladi. Qaysi maktab, qaysi sinf, qaysi oʻquvchi qanday masalalarni ishlay oldi, ishlay olmadi, oʻrtacha natijasi, egallagan oʻrni kabi statistikalarni aniqlash va shunga koʻra xulosa chiqarish mumkin boʻladi.

UCHINCHI BOSQICH:
Oʻquvchilarga testda tushgan materiallarni ishlash boʻyicha telegram tizimidan foydalangan holda online dars oʻtiladi. Bunda iloji boricha koʻp oʻquvchini qamrab olish mumkin boʻladi va ularga eng asosiy topshiriqlar turlarini, bunday topshiriqlarni ishlash haqida boshlangʻich koʻnikma berish mumkin boʻladi.

TOʻRTINCHI BOSQICH:
Oʻqituvchilar uchun test natijalaridan kelib chiqqan holda seminarlar oʻtiladi. Bunda oʻquvchilar bilimidagi aniqlangan boʻshliqlarni toʻldirish metodikasi va kerakli natijaga erishish usullari haqida master-klasslar oʻtish mumkin.

BESHINCHI BOSQICH:
Aprel-may oylarida ushbu loyiha natijasini aniqlash, oʻqituvchi dars berish tizimidagi va oʻquvchi bilimidagi oʻrnini aniqlash maqsadida kattaroq masshtabda (har maktabdan 10-15 oʻquvchi) oʻtkaziladi. Shu tariqa oʻqituvchilarga oʻz natijasini yaxshilashga motivatsiya yaratiladi.

Agar ushbu eksperiment natija bersa, buni viloyat boʻyicha ommalashtirishga harakat qilaman.

Bugun Gurlan tumanida Maktabgacha va maktab ta’limi bo’limi bilan hamkorlikda katta loyihani boshladik. Oʻquvchilarning bilimlarini sinash maqsadida har maktabdan 5 nafar 3-4-sinf oʻquvchilaridan matematika va oʻqish savodxonligi yoʻnalishida sinov oldik. Oʻquvchilarning sinovga qiziqishi juda yuqoriligi odamni xursand qiladi.

Boshqa tuman va viloyatdagi oʻquvchilar ham oʻzlarini sinab koʻrishlari uchun ushbu savollarni bu yerga ham tashlashga qaror qildim.
(Javoblarni tashlasangiz, tekshirish imkonimiz yoʻq, lekin soat 18:00 da ushu savollar ishlanishi boʻyicha videochat oʻtkazamiz).

3-sinf oʻqish savodxonligi topshiriqlari

4-sinf oʻqish savodxonligi topshiriqlari

1 soatdan keyin, soat 18:00 dan kanalimizda yuqorida berilgan 3- va 4- sinf oʻquvchilari uchun matematika va oʻqish savodxonligi fanlaridan topshiriqlarni yechish boʻyicha video darsimiz boʻlib oʻtadi. Hammani darsimizda kutib qolaman.

@ustozuz

Darsimiz boshlanishiga 10 daqiqa qoldi.

5 daqiqadan keyin darsimizni boshlaymiz

Gurlan tumanida 27.01.2024 kuni oʻtkazilgan sinov natijalari

3-sinf

@ustozuz