🏛 2025-yil 15-sentabr kuni Urganch RANCH texnologiya universiteti Filologiya va tillarni o‘qitish ( o‘zbek tili ) yo‘nalishi 3-kurs talabalari bilan “Ozbek tili va adabiyoti” kafedrasi dotsenti N.Madraximova mas’ulligida “Jadidchilik namoyandalari hayoti va ijodi – ma’naviy jasorat timsoli” mavzusida davra suhbati maqomida tadbir o‘tkazildi. Tadbirda kafedraning bir guruh professor-o‘qituvchilari qatnashdi. Tadbirni kafedra mudiri, dotsent M.Matquliyeva ochib berdi. Kafedra dotsenti N.Madraximova mavzuga doir ma’lumotlarni taqdim qildi. Shundan keyin navbat tadbir mehmoni “Shuhrat” medali sohibasi, O‘zbekiston yozuvchilar uyushmasi a’zosi, taniqli shoira va olima Sayyora Samandarga berildi. U o‘z chiqishida jadidchilik namoyandalarining buyuk maqsadlari nima ekanligi, bu maqsad yo ‘lida qaysi tamoyilga asoslanganliklari haqida gapirdi. Jadidlar mavzusidagi she’rlaridan namunalar o‘qib berdi. Shuningdek, talabalar hayoti mazmuni haqidagi she’rini ham o‘qib eshittirdi. Talabalar tadbir davomida jadidchilik namoyandalaridan xorazmlik Maryam Sultonmurodovaning achchiq qismati haqida ham bilib oldilar. Sayyora Samandarning bu buyuk jasorat egasi hayotiga bag‘ishlanhgan she’ri talabalar tomonidan, ayniqsa, katta qiziqish va kuchli hayajon bilan qabul qilindi. Tadbir ishtirokchilarda katta taassurot qoldirdi.

🎓RANCH universitetida o'z imkoniyatlaringizni kashf eting!

Instagram | Telegram | Facebook | You Tube | Veb Sayt