🌎 Urganch RANCH texnologiya universitetida Xorazm viloyat hokimligi hamkorligida talabalar uchun “Work and Travel” dasturi bo‘yicha targ‘ibot tadbiri o‘tkazildi. Unda dastur imkoniyatlari, ishtirok etish talablari hamda xorijda ishlash va sayohat qilish jarayonlari haqida batafsil ma’lumot berildi.

Tadbir davomida Bolgariya, Gretsiya va Xorvatiya davlatlaridagi ish va sayohat dasturlari yuzasidan qiziqarli taqdimotlar namoyish etildi.

Mazkur tashabbusning asosiy maqsadi — talabalarni yozgi ta’til davrida xorijda ishlash, amaliy tajriba orttirish hamda turli xalqlarning madaniyati bilan yaqindan tanishish imkoniyatlari bilan tanishtirishdan iborat bo‘ldi. Tadbir ishtirokchilari bu loyihani katta qiziqish va iliq taassurot bilan qabul qildilar.

🎓RANCH universitetida o'z imkoniyatlaringizni kashf eting!

Instagram | Telegram | Facebook | You Tube | Veb Sayt

🏛 Urganch RANCH texnologiya universitetida umummilliy diktant o‘tkazildi

O‘zbekiston Respublikasi Prezidentining 2025-yil 20-oktabrdagi “Davlat tilini yanada rivojlantirishga oid qo‘shimcha chora-tadbirlar to‘g‘risida”gi 308-sonli qarorida belgilangan vazifalar ijrosini ta’minlash maqsadida Urganch RANCH texnologiya universitetida umummilliy diktant o‘tkazildi.

Tadbirda universitet rahbariyati, professor-o‘qituvchilar, kafedra mudirlari hamda 400 nafarga yaqin talaba faol ishtirok etdi. Ushbu tashabbusning davlat tilini rivojlantirish, yoshlarning yozma nutq madaniyatini yuksaltirish hamda ma’naviy-ma’rifiy saviyasini oshirishdagi ahamiyati yuqori.

Diktant jarayonida talabalar o‘z bilim va savodxonligini namoyon etdilar. Tadbir yakunida ishtirokchilarning ishlari tahlil qilinib, eng faol talabalar rag‘batlantirildi.
Umummilliy diktant universitet miqyosida yuqori saviyada, namunali tashkiliy ruhda o‘tkazildi hamda davlat tilini rivojlantirish yo‘lidagi muhim ma’naviy jarayon sifatida e’tirof etildi.

🎓RANCH universitetida o'z imkoniyatlaringizni kashf eting!

Instagram | Telegram | Facebook | You Tube | Veb Sayt