🏛 “Ma’rifat ulashib” loyihasi doirasida ijodiy uchrashuv

2025-yil 19-noyabr kuni Urganch RANCH texnologiya universitetida adabiyotga oshno talaba-yoshlar uchun adiblar bilan ijodiy uchrashuv bo‘lib o‘tdi. Tadbir Oliy ta’lim, fan va innovatsiyalar vazirligining 382-son buyrug‘i ijrosi doirasida tashkil etildi.

Uchrashuvda O‘zbekiston Yozuvchilar uyushmasi a’zolari Eshqobil Shukurov, Farog‘at Xudoyqulova va Baxtiyor Haydarov ishtirok etib, o‘z ijodi, hayot yo‘li, adabiyotdagi izlanishlari hamda yoshlarning ma’naviy dunyosi haqida qimmatli fikrlar bildirishdi.

Talabalar bilan she’riyat, nasr, adabiy jarayonlar, Vatan va xalq taqdiri haqida mazmunli suhbatlar bo‘lib o‘tdi. Adiblar yoshlarning savollariga batafsil javob berishdi.

Tadbir yakunida esdalik suratlari olindi, yosh ijodkorlar o‘z ijod namunalarini taqdim etishdi va mehmonlarga esdalik sovg‘alari topshirildi.

Uchrashuv samimiy va ko‘tarinki ruhda o‘tib, talabalar uchun unutilmas taassurotlar qoldirdi.

Mehmonlar shuningdek, Urganch shahridagi 9-sonli maktabga tashrif buyurib, o‘quvchi yoshlar bilan uchrashdilar. Maktab o‘quvchilari adiblar ijodiga bag‘ishlangan badiiy chiqishlarini namoyish etdilar.

🎓RANCH universitetida o'z imkoniyatlaringizni kashf eting!

Instagram | Telegram | Facebook | You Tube | Veb Sayt