🏛18-oktabr kuni “Iqtisodiyot” kafedrasi katta o‘qituvchisi S.Masharipov rahbarligida “Iqtisodiyot” ta’lim yo‘nalishi kunduzgi 23-03, 23-04, 23-05-guruhlar talabalari bilan Xiva shahriga tashrif buyurildi. U yerda talabalar bir qancha tarixiy obidalar va me’moriy yodgorlikni tomosha qilishdi. Bu kabi sayohatlar yoshlarga ichki turizmning mohiyatini, milliy boyligimizga bo’lgan ijobiy munosabatni va albatta, asl Xorazm farzandi ekanliklaridan faxrlanish tuyg’usini yanada rivojlantirishiga katta yordam beradi.

✅ Ranch - bu katta imkoniyatlar universiteti!

Instagram | Telegram | Facebook | You Tube | Veb Sayt

🏛2024-yil 18-oktabr kuni Urganch Ranch texnologiya universiteti asosiy binosida “Iqtisodiyot” kafedrasi va Universitet bosh ARM hamkorligida kitob yarmarkasi bo‘lib o‘tdi.

Kitob yarmarkasi “Bilim xazina” yoshlar kutubxonasi hamkorligida o‘tkazildi. Yarmarkada kitoblar talabalar uchun xaridorbop narxlarda taklif qilindi va bu kitobsevar talabalarga ajoyib imkoniyat bo‘ldi.

✅ Ranch - bu katta imkoniyatlar universiteti!

Instagram | Telegram | Facebook | You Tube | Veb Sayt

🏛 2024-yil 19-oktabr kuni Urganch Ranch texnologiya universiteti "Pedagogika va aniq fanlar" kafedrasi professor-o'qituvchilari N.Duschanova hamda I.Raximovalar tomonidan O'zbek tili bayrami kuni munosabati bilan ma’naviy-ma’rifiy tadbir tashkil etildi. Mahmud az-Zamaxshariy nomidagi viloyat axborot kutubxona markazida tashkil etilgan mazkur tadbirda Pedagogika yo'nalishi magistrantlari jalb qilindi.

Tadbir mehmonlari Yozuvchilar uyushmasi Xorazm viloyati bo'limi mutaxassisi Shoira Shams hamda Shovot tumani hokimining maslahatchisi D.Abdirimovalar tilimiz maftunkorligi, jozibasi xususida o'z fikrlarini bildirishdi.

Adabiy tadbirda ona tilimizni madh qilgan kuy-qo'shiqlar davraga ko'tarinki ruh bag'ishladi.

✅ Ranch - bu katta imkoniyatlar universiteti!

Instagram | Telegram | Facebook | You Tube | Veb Sayt

🏛QADRING BALAND BO'LSIN, ONA TILIM!

Dunyo tanir o'zbekni o'z so'zidan,
Tanib olar kulib turgan ko'zidan,
Luft etsa gar, nur yog'ilar yuzidan,
Ona tilim, o'zbek tilim, o'z tilim!
21-oktabr - o'zbek tiliga davlat tili maqomi berilgan kun!

Urganch Ranch texnologiya universitetida bugungi kun bayramona kayfiyat bilan boshlandi. "O'zbek va xorijiy tillar" kafedrasi professor- o'qituvchilari kunni universitet foyesida Vatan va ona tilimizni madh etuvchi qo' shiqlar, slaydlar namoyishi bilan boshlashdi. Kitoblar ko'rgazmasi, ta'lim dargohiga kirib keluvchi talabalar va mehmonlar bilan turli viktorinalar, maqolni davom ettiring, til haqida fikr qoldiring, xatoni to'g'irlang kabi qiziqarli va foydali o'yinlar tashkil qilindi.

Kunning ikkinchi yarmida "Qadring baland bo'lsin, ona tilim" mavzusida adabiy- ma'rifiy tadbir o'tkazildi. Unda talaba yoshlar ona tilimizni asrash, uni sof holida avlodlarga yetkazish haqida sahna ko'rinishlari, she'r va ilmiy chiqishlari bilan ishtirok etishdi. Ushbu kun, shubhasiz, tadbir mehmonlari va ishtirokchilarida unutilmas taassurotlar qoldirdi.

Zero, tilni asrash, uni mukammal o'rganish har birimizning burchimizdir! Shoir aytganidek:

Sen borsanki, men ham borman, o'lmasman,
Gullagayman, yashnagayman, so'lmasman,
Sensiz dili xastadirman, to'lmasman,
Ona tilim, o'zbek tilim, o'z tilim!

✅ Ranch - bu katta imkoniyatlar universiteti!

Instagram | Telegram | Facebook | You Tube | Veb Sayt