🏛 2024-yil 19-dekabr kuni Urganch Ranch texnologiya universitetiga «Ma’rifat ulashib» loyihasi uchinchi mavsumi doirasida taniqli adiblar Kenesboy Karimov, Sayyora Samandarova, Xalila Davletnazarov tashrif buyurdilar.

Mehmonlar tantanali ravishda kutib olindi va universitet bilan tanishtirildi. Shundan so‘ng, universitet talabalari bilan ijodiy uchrashuv o‘tkazilib, unda shoirlar o‘zlarining ijod namunalaridan chiroyli she’rlarini o‘qib eshittirdilar, ijodkorlarning asarlari asosida o‘tkazilgan “Zakovat” o‘yini g‘oliblariga diplomlar topshirildi, shuningdek, talabalarning badiiy chiqishlari uyushtirildi, ayniqsa Sayyora Samandarovaning “Matonatli Maryam qissasi” she’ri asosida talabalar tomonidan tayyorlangan sahna ko‘rinishi juda yuqori mahorat bilan ijro etildi va olqishlarga sazovor bo‘ldi.

Ijodkorlar bilan uchrashuv Urganch shahridagi 9-maktabda ham davom ettirildi. Bunda maktabning ijodkor o‘quvchilari ishtirokida she’rlar va badiiy chiqishlar uyushtirildi, maktab kutubxonasiga kitoblar sovg‘a etildi. Tadbir so‘ngida ijodkorlarga tashakkurnoma, hamda esdalik sovg‘alari topshirildi.

“Ma’rifat ulashib” doirasida o‘tkazilgan ijodiy uchrashuv talabalarda ulkan taassurot qoldirdi.

✅ Ranch - bu katta imkoniyatlar universiteti!

Instagram | Telegram | Facebook | You Tube | Veb Sayt