🏛 2025-yil 17-sentabr kuni Urganch RANCH texnologiya universiteti xotin-qizlar masalalari bo‘yicha maslahat kengashi raisi S.A.Ro‘zmetova hamda psixolog M.I.Niyazmetova tomonidan “Xotin-qizlarni tazyiq va zo‘ravonlikdan himoya qilish” mavzusida davra suhbati boʻlib oʻtdi.

Tadbirda Urganch shahar IIB xotin-qizlar masalalari boʻyicha katta inspektori mayor Qazaqova Yulduz va talabalar ishtirok qildilar.

Muloqot davomida xotin-qizlarni zo‘ravonlikdan himoya qilish huquqiy savodxonligini oshirish masalalari to‘g‘risida ma'lumotlar va tushuntirish ishlari olib borildi.

🎓RANCH universitetida o'z imkoniyatlaringizni kashf eting!

Instagram | Telegram | Facebook | You Tube | Veb Sayt

2025-yil 17-sentabr kuni Urganch RANCH texnologiya universiteti “Iqtisodiyot” ta’lim yo‘nalishi 3-kurs talabalari bilan “Iqtisodiyot” kafedrasi dotsenti v.b. B.Matjonov mas’ulligida “Jadidchilik namoyandalari hayoti va ijodi – ma’naviy jasorat timsoli” mavzusiga bag‘ishlangan ma’naniy-ma’rifiy tadbiri o‘tkazildi.

Tadbirda kafedraning bir guruh professor-o‘qituvchilari ham ishtirok qilishdi. Tadbirni kafedra mudiri, dotsent B.Ollanazarov ochib berdi. Kafedra dotsenti v.b. B.Matjonov mavzuga doir ma’lumotlarni taqdim qildi. Shundan keyin navbat tadbir mehmoni “Qatagʻon qurbonlari xotirasi” muzeyi rahbari, tarix fanlari nomzodi, professor Raxmonova Yulduzxon Madirimovnaga berildi. U o‘z chiqishida jadidchilik namoyandalarining xalq ma’rifati, milliy uyg‘onish va istiqlol yo‘lidagi xizmatlari, ularning ilm-fan, adabiyot, matbuot va teatr sohalarida qoldirgan beqiyos merosi haqida to‘xtalib o‘tdi. Shuningdek, ularning ma’naviy jasorati, xalq manfaatini o‘z hayotidan ustun qo‘yganligi, qatag‘on yillarida esa eng og‘ir sinovlarga ham matonat bilan bardosh berganligi ta’kidlandi.

Professor Y.M.Raxmonova talabalarga jadidlarning Vatan va millat taraqqiyoti uchun qilgan ishlari, ularning merosi bugungi kunda yoshlar uchun qanday ibrat bo‘lib xizmat qilishi haqida chuqur ma’lumot berdi. U, ayniqsa, Ismoil G‘aspirinskiy, Munavvarqori Abdurashidxonov, Abdulla Avloniy, Cho‘lpon kabi ulug‘ ma’rifatparvarlarning asarlari, ularning o‘z davrida ilgari surgan islohot g‘oyalari bugungi kunda ham o‘z dolzarbligini saqlab qolayotganini alohida qayd etdi.

Tadbir davomida talabalarga savol-javoblar o‘tkazilib, ular jadidchilik harakatining mazmun-mohiyati, ma’naviy merosi va hozirgi islohotlar bilan bog‘liqligi yuzasidan o‘z fikr-mulohazalarini bildirdilar. Yakunda tadbir ishtirokchilari jadidlar xotirasini yod etib, bir daqiqalik sukut saqlashdi hamda ularning fidokorona hayoti yosh avlodni Vatan va xalq xizmatiga da’vat etuvchi buyuk ibrat ekanini ta’kidlashdi.

🎓RANCH universitetida o'z imkoniyatlaringizni kashf eting!

Instagram | Telegram | Facebook | You Tube | Veb Sayt

🚀 Urganch RANCH texnologiya universitetining "Raqamli texnologiyalar" kafedrasi InnoWeek 2025 tadbirida faol ishtirok etmoqda

Joriy yilning muhim ilmiy-innovatsion voqealaridan biri bo‘lgan InnoWeek 2025 doirasida Urganch RANCH texnologiya universitetining "Raqamli texnologiyalar" kafedrasi o‘zining faol ishtiroki bilan ajralib turmoqda. Ushbu yirik ko‘rgazma va forum mamlakatimizning turli oliy ta’lim muassasalari, ilmiy markazlari hamda startap tashabbuskorlarini birlashtirib, yangicha g‘oyalar va ilmiy ishlanmalarni namoyish etish uchun keng imkoniyat yaratmoqda. Mazkur jarayonda ayniqsa Kompyuter injiniringi yo‘nalishining magistratura talabalari alohida faollik ko‘rsatmoqda. Ular o‘z ilmiy-innovatsion loyihalari bilan ishtirok etib, dasturiy ta’minot, raqamli texnologiyalarni qo‘llash, sun’iy intellekt va avtomatlashtirish kabi yo‘nalishlarda yaratilgan ishlanmalarni keng jamoatchilikka taqdim etishdi. Talabalar taqdim qilgan loyihalar o‘zining amaliy qiymati va dolzarbligi bilan ko‘plab mutaxassislar, mehmonlar hamda forum ishtirokchilarining e’tiborini tortdi.
InnoWeek 2025 – bu nafaqat yangi ishlanmalarni namoyish etish maydoni, balki yosh tadqiqotchilar va mutaxassislar uchun tajriba almashish, xalqaro aloqalarni yo‘lga qo‘yish va ilm-fan bilan ishlab chiqarish o‘rtasidagi hamkorlikni mustahkamlash imkoniyatidir. Urganch RANCH texnologiya universiteti professor-o‘qituvchilari va magistrantlarining bunday faol ishtiroki esa universitetda olib borilayotgan ilmiy-tadqiqot faoliyatining yuqori saviyada ekanini yana bir bor isbotlab bermoqda.

🎓RANCH universitetida o'z imkoniyatlaringizni kashf eting!

Instagram | Telegram | Facebook | You Tube | Veb Sayt