🎓 Talabalik — bu faqat zerikarli ma’ruzalar, ketma-ket tadbirlar yoki imtihonlardan iborat davr emas.

🗣 Bu hayotning eng rang-barang, eng esda qoladigan qismi. Aynan shu yillarda siz yangi insonlar bilan tanishasiz, o‘zingizni kashf qilasiz va butun umrlik do‘stlarga ega bo'lasiz.

Talabalik davri haqida dunyo tan olgan quyidagi filmlar sizga zavq bag'ishlashi aniq.

🔸 3 Savdoyi — Ta’lim tizimiga boshqacha nazar bilan qarashga undovchi hikoya. Film “Muvaffaqiyat ortidan quvma, bilim ortidan quv — shunda muvaffaqiyat o‘zi seni quvib keladi.” deya eslatadi.

🔸 Zakovatli Uill Xanting — Oddiy farrosh bo‘lib ishlayotgan yigitning g‘ayrioddiy matematik iste’dodi va o‘z qadrini anglash sari qilgan ichki sayohati haqida ta’sirli hikoya.

🔸 Ijtimoiy tarmoq — Talabalar yotoqxonasida boshlangan oddiy g‘oya qanday qilib butun dunyoga mashhur ijtimoiy tarmoqqa aylanganini ko‘rsatuvchi film.

🔸 O‘lik shoirlar jamiyati — Talabalarga erkin fikrlash, hayotga boshqacha qarashni o‘rgatadigan, qalbga chuqur ta’sir qiladigan film.

🔸 Whiplash — Orzu qilgan cho‘qqiga chiqish uchun tinimsiz mehnat, qat’iyat va o‘z chegaralarini yengib o‘tish haqida hikoya qiluvchi kuchli drama.

📺 Bu filmlar sizga nafaqat talabalik hayotini ko'rsatib beradi, balki yangi ilhom ham ulashishi mumkin.

Barchangizga yoqimli tomosha tilaymiz!

🎓 Unleash your potential with RANCH

Instagram | Telegram | Facebook | You Tube | Veb Sayt

Hashar — birdamlik va mehnatsevarlik ramzi

🤝 Yurtimiz bo‘ylab 13–14-mart kunlari “Yurt obodligi, avvalo, mahalladan boshlanadi!” shiori ostida o‘tkazilayotgan umumxalq xayriya hashari RANCH universitetida ham o‘ziga xos birdamlik va bunyodkorlik bayramiga aylandi.

⚫️ Mazkur obodonchilik tadbirida universitet rahbariyati, professor-o‘qituvchilar hamda talaba-yoshlar Bir tan-u bir jon bo‘lib ishtirok etdilar.

🇺🇿 “Yashil makon” umummilliy loyihasi doirasida o‘tkazilgan mazkur hasharda universitet hududini ko‘kalamzorlashtirish maqsadida turli manzarali daraxt ko‘chatlari, gullar, hamda archalar ekildi. Shu bilan birga, o‘quv binolari va sport maydonchalari atrofi to‘liq tartibga keltirilib, mavjud daraxtlarga shakl berish va oqlash ishlari tizimli ravishda amalga oshirildi.

Ushbu tadbir nafaqat hudud obodligini ta’minladi, balki talaba-yoshlar o‘rtasida hamjihatlikni mustahkamlab, ularda mehnatsevarlik va tabiatni asrab-avaylash madaniyatini yuksaltirishga xizmat qildi.

🎓 Unleash your potential with RANCH

Instagram | Telegram | Facebook | YouTube | Veb-sayt