BITIRUVCHI TALABALAR UCHUN YANGI IMKONIYAT VA IMTIYOZLAR

O‘zbekiston Respublikasi Prezidentining 2025-yil 14-fevral kuni qabul qilingan 61-sonli “Oliy ta’lim tashkilotlari bitiruvchilarining ishga joylashishiga ko‘maklashish bo‘yicha qo‘shimcha chora-tadbirlar to‘g‘risida”gi qarori bitiruvchi yoshlarni qo‘llab-quvvatlash, ularning bandligini ta’minlash va kelajakda munosib ish topishiga yordam berishga qaratilgan.

📌 Ushbu qaror bilan bitiruvchi talabalar uchun quyidagi imkoniyat va imtiyozlar yaratildi:

🔹 “Kelajakka qadam” dasturi joriy etildi

Mazkur dastur orqali:
✅ bitiruvchi yoshlarga ish topishda amaliy yordam beriladi;
✅ ish beruvchilar bilan to‘g‘ridan to‘g‘ri uchrashuvlar tashkil etiladi;
✅ yoshlarning startap va biznes g‘oyalari qo‘llab-quvvatlanadi;
✅ tadbirkorlik qilish istagida bo‘lgan yoshlarga maslahat va yo‘nalish beriladi.

🔹 Imtiyozli kredit va moliyaviy ko‘maklar

✅ O‘z biznesini boshlamoqchi bo‘lgan bitiruvchilarga imtiyozli kredit olish imkoniyatlari yaratiladi;
✅ Yoshlarning loyiha va tashabbuslarini moliyalashtirishga ko‘maklashiladi;
✅ Zamonaviy kasb va tadbirkorlik ko‘nikmalarini o‘rganish uchun maxsus o‘quvlar tashkil qilinadi.

🔹 Ishga joylashishda amaliy yordam

✅ Universitetlarda “Karera markazlari” faoliyati kuchaytiriladi;
✅ Bitiruvchilar uchun bo‘sh ish o‘rinlari yarmarkalari o‘tkazib boriladi;
✅ Korxona va tashkilotlar bilan hamkorlik asosida bitiruvchilarni to‘g‘ridan to‘g‘ri ishga yo‘naltirish ishlari amalga oshiriladi.

🔹 Amaliyot va ish tajribasi imkoniyati

✅ Talabalarning ishlab chiqarish va malakaviy amaliyotlari kelajakdagi ish joylari bilan bog‘lanadi;
✅ Faol va iqtidorli bitiruvchilarga tashkilotlarda stajirovka o‘tash imkoniyatlari yaratiladi.

📢 Aziz bitiruvchilar!

Bugun davlatimiz tomonidan yoshlarning bilimli mutaxassis bo‘lib yetishishi, munosib ish topishi va tadbirkorlik faoliyatini boshlashi uchun keng imkoniyatlar yaratilmoqda. Ushbu imkoniyatlardan samarali foydalanib, o‘z kelajagingiz sari dadil qadam tashlang!

✨ Kelajak — bilimli, faol va tashabbuskor yoshlar qo‘lida!

🎓 Unleash your potential with RANCH

Instagram | Telegram | Facebook | YouTube | Veb-sayt

RANCH universitetida 14-may sanasida “Yosh olimlar va tadqiqotchilarning taklifi hamda tashabbuslarini qo‘llab-quvvatlash” mavzusida rahbar va yoshlar uchrashuvi bo‘lib o‘tdi.

Mazkur uchrashuvda Xorazm viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari Salayev San’at Kamilovich, talabalar orasida ijtimoiy-ma’naviy muhitni barqarorlashtirish bo‘yicha rektor maslahatchisi B.A. Duschanov, Iqtisodiyot kafedrasi mudiri B.D. Ollanazarov, magistr talabalar hamda yosh tadqiqotchilar ishtirok etdi.

Samimiy va ochiq muloqot ruhida o‘tgan tadbir davomida yoshlarning ilmiy tashabbuslari, innovatsion g‘oyalari hamda dolzarb muammolari tinglandi. Ayniqsa, bitiruvchi yoshlarni ish bilan ta’minlash masalasi ustuvor yo‘nalishlardan biri ekani alohida ta’kidlandi. Shuningdek, yoshlar tomonidan bildirilgan taklif va savollar atroflicha muhokama qilinib, ularning ilmiy faoliyatini qo‘llab-quvvatlash, amaliy loyihalarni rivojlantirish hamda kelgusidagi hamkorlik masalalari yuzasidan muhim fikrlar bildirildi.Uchrashuv yoshlarning faolligi, tashabbuskorligi va ilm-fanga bo‘lgan qiziqishini yanada oshirishga xizmat qiluvchi ochiq muloqot maydoniga aylandi.

🎓 Unleash your potential with RANCH

Instagram | Telegram | Facebook | YouTube | Veb-sayt

RANCH universitetida profilaktik va ma’naviy-ma’rifiy ishlar samaradorligi o‘rganildi

RANCH universitetida yoshlar o‘rtasida sog‘lom turmush tarzini targ‘ib qilish, giyohvandlik va narkojinoyatlarning oldini olishga qaratilgan ma’naviy-ma’rifiy hamda profilaktik tadbirlar samaradorligini o‘rganish maqsadida Respublika ishchi guruhi a’zosi I. Choriyev tomonidan monitoring o‘tkazildi.

O‘rganish davomida universitetda amalga oshirilayotgan chora-tadbirlarning huquqiy asoslari, tegishli hujjatlar, talabalar tomonidan tayyorlangan ko‘rgazmalar va targ‘ibot materiallari ko‘zdan kechirildi.

Shuningdek, kutubxona, karyera markazi, o‘quv-laboratoriya xonalari, sport zali hamda talabalar turar joylaridagi sharoitlar va yoshlarning bandligini ta’minlash bo‘yicha olib borilayotgan ishlar o‘rganildi.

Monitoring davomida talabalarning bo‘sh vaqtini mazmunli tashkil etish, ularning bandligini ta’minlash hamda zararli illatlardan asrashga qaratilgan profilaktik ishlar hujjatlari va targ‘ibot materiallari tahlil qilindi. I. Choriyev universitetda ma’naviy-ma’rifiy muhitni sog‘lomlashtirish borasida amalga oshirilayotgan tizimli ishlarga ijobiy baho berdi.

Monitoring yakunida yoshlar orasida sog‘lom turmush tarzini shakllantirish va zararli illatlarga qarshi kurashni kuchaytirish bugungi kunning dolzarb vazifalaridan biri ekani ta’kidlandi.

🎓 Unleash your potential with RANCH

Instagram | Telegram | Facebook | YouTube | Veb-sayt

RANCH talabalari “Talaba — yugur” musobaqasida faol qatnashdilar!

✅Xorazm viloyatida talaba-yoshlar o‘rtasida o‘tkazilgan bahorgi “Talaba — yugur” ko‘ngillilar yugurish musobaqasida RANCH universiteti talabalari munosib natijalarni qo‘lga kiritishdi

Bugun universitet rahbariyati tomonidan faol ishtirok etib,yuqori natija qayd etgan talabalar:
🟢Sadullayeva Kumushoy
🟢Xudayberganov Komiljon
🟢Qalandarov Azimjon
🟢Muhammedova Nurxon
diplom va esdalik sovg‘alari bilan taqdirlandilar.

🏆 Tabriklaymiz, aziz talabalar! Sizlarning g‘ayratingiz va mehnatingiz universitetimiz faxridir! RANCH doimo oldinda!

🎓 Unleash your potential with RANCH

Instagram | Telegram | Facebook | YouTube | Veb-sayt