Qaşqadaryo viloyati Kadastr binolaridagi şaroitlar va xizmatlar sifati örganildi.

Kadastr agentligi direktori v.b. Sadriddin Abdullayeviç Turdiyev Qaşqadaryo tumanlaridagi kadastr binolarining holati, xodimlar uçun yaratilgan şaroitlar hamda iş jarayonlari bilan tanişdi.

Xususan, tuman kadastr bölimlari xodimlari iş şaroitlarini zamonaviy talablar asosida yaxşilaş masalalariga alohida e’tibor qaratildi.

Rahbar tomonidan qiş mavsumi oldidan binoning issiqlik ta’minotini yaxşilaş, şuningdek, uzoq hududlardan kelib işlaydigan xodimlar uçun yotoqxona taşkil etiş zarurligi ta’kidlandi. Bu kabi çora-tadbirlar xodimlarning iş samaradorligini oşirişga xizmat qilişi ta’kidlandi.

Örganiş davomida xodimlar bilan ham suhbat ötkazilib, xizmat vazifalarini vijdonan bajariş, korrupsiyaga yöl qöymaslik, fuqarolarni ortiqça ovoragarçilikdan asraş va murojaatlarni sifatli, qonun doirasida tezkor örganiş böyicha topshiriq berildi.

Şuningdek, yer nazorati tadbirlarini samarali taşkil etiş, kelib tuşayotgan arizalarni har tomonlama örganiş hamda ularni asossiz ravişda rad etiş holatlariga yöl qöymaslik böyiça tegişli vazifalar belgilandi.

🇺🇿 Telegram   |  🇺🇿 Instagram    |  🇺🇿YouTube    | 🇺🇿  Facebook       | 🇺🇿 Web-sayt    |  🇺🇿X

Prezident Shavkat Mirziyoyev Qashqadaryo viloyatini ijtimoiy-iqtisodiy rivojlantirishga bag‘ishlangan yig‘ilish o‘tkazmoqda.

Davlatimiz rahbari “Sultonteks” klasteri rahbari Nurbek Ergashevning energiya va suvni tejaydigan zamonaviy korxonasi faoliyati bilan tanishganini aytdi. Tadbirkorning 2028-yilgacha yana 30 ming kishini ish bilan ta’minlash, ayniqsa, ayollar uchun ko‘proq imkoniyat yaratish rejalari qo‘llab-quvvatlandi.

Qashqadaryoda yilning to‘qqiz oyida sanoat 8,4 foiz, xizmatlar 16,6 foiz, qishloq xo‘jaligi 4,9 foizga o‘sdi. Shu bilan birga, davlatimiz rahbari hozirgi natijalar bilan viloyatning mavjud salohiyati o‘rtasida hali katta farq borligini ko‘rsatib o‘tdi.

Qashqadaryo sanoatida yirik korxonalar atrofida kooperatsiya zanjirlarini shakllantirishga alohida e’tibor qaratiladi. Yil yakunigacha G‘uzor, Sho‘rtan, Muborak, Dehqonobod va Nishonda oltita sanoat klasteri tashkil etish, Sho‘rtan, Muborak, Yakkabog‘ va Kosonda “Qashqadaryo” erkin iqtisodiy zonasi filiallarini ochish vazifasi qo‘yildi. Infratuzilma uchun dastlab 250 milliard so‘m yo‘naltiriladi.

Qashqadaryo qishloq xo‘jaligining o‘zida qo‘shimcha 200 ming kishini daromadli qilish imkoniyati bor. Shu maqsadda Jahon banki bilan Misr tajribasi asosida sakkizta tumandagi 100 ming gektar yaylovga dronlar yordamida qurg‘oqchilik va sho‘rga chidamli chorva ozuqasi ekish boshlanadi.

Kosmik ma’lumotlar asosida Qashqadaryoda foydalanishga kiritish mumkin bo‘lgan yana 30 ming gektar yer aniqlandi. Uning eng katta qismi Muborak, Koson va Ko‘kdalaga to‘g‘ri keladi. Nishon, Qamashi, Qarshi, Mirishkor, G‘uzor, Yakkabog‘, Kitob, Chiroqchi va Shahrisabzda ham qo‘shimcha maydonlar o‘zlashtiriladi. Bu ishga Misrdan o‘n nafar doimiy maslahatchi jalb etiladi.

Davlatimiz rahbari Qashqadaryo uchun eng dolzarb masalalardan biri aholini ichimlik suvi bilan ta’minlash ekanini ta’kidladi.

Qashqadaryoda yo‘l infratuzilmasini yaxshilash bo‘yicha ham yirik loyihalar amalga oshiriladi. Osiyo taraqqiyot banki bilan A-380 avtomobil yo‘lining viloyatdan o‘tuvchi 100 kilometr qismini rekonstruksiya qilish boshlanadi.

Qamashi tumanidagi Chim mahallasi zamonaviy mahalla qanday bo‘lishi kerakligini ko‘rsatib berdi. Bu yerda 640 o‘rinli maktab, 240 o‘rinli bog‘cha qurildi, oilaviy poliklinika jihozlandi. Yangi mahalla binosi, yoshlar markazi, sport majmuasi va istirohat bog‘i barpo etildi.

Prezidentimiz banklar aholi va tadbirkorlar loyihalariga resurs yetkazishda amaliy natija ko‘rsatishi zarurligini taʼkidladi. Andijonda kreditni faqat garovga bog‘lamasdan, pul oqimi va aniq buyurtmaga qarab ajratish uchun 20 ta yangi moliyaviy mahsulot yaratish topshirilgan edi. Mazkur yondashuv Qashqadaryoda ham natija berishi kerak.

Qashqadaryoga yiliga 6 million turist jalb qilish uchun barcha imkoniyat bor. Yil boshidan viloyatga 2,5 million sayyoh kelgan, birgina G‘elon qishlog‘iga tashrif buyurganlar soni 500 mingga yetgan.

Prezidentimiz Qarshi shahridagi Ilg‘or kasbiy mahorat texnikumi tajribasiga to‘xtaldi. Uning 32 nafar ustasi yaqinda Germaniyada malaka oshirib qaytdi va hozir viloyatdagi 57 ta texnikum ustalariga o‘z bilimlarini yetkazmoqda.

Qashqadaryo yoshlari taʼlim va intellektual musobaqalarda yuqori natijalarga erishmoqda. Qarshi shahridagi Prezident maktabi “Cambridge” imtihonlarida 98 foiz natija bilan respublikada birinchi bo‘ldi. Abdulla Oripov nomidagi ijod maktabi o‘quvchilari “Zakovat” turnirida g‘olib chiqdi.

Qashqadaryo aholisi ko‘paygani sari zamonaviy uy-joylarga talab ham ortib bormoqda. Shu bois, Qarshi shahri, Ko‘kdala va Qarshi tumani chegarasida 5 ming gektar maydonda 500 ming aholiga mo‘ljallangan Yangi Qarshi shahri barpo etiladi. Qarshi tumanidagi kanal bo‘yida esa 235 gektarlik “Yangi Nasaf” ekomajmuasining qurilishi boshlanadi.

🇺🇿 Telegram   |  🇺🇿 Instagram    |  🇺🇿YouTube    | 🇺🇿  Facebook       | 🇺🇿 Web-sayt    |  🇺🇿X