Kelgusi yil hosili uçun bugundan puxta zamin yaratilmoqda

🚜 Namangan viloyati Çortoq tumanidagi «Ayqiron» MMTP hududida 2027-yil hosili uçun puxta zamin yaratiş maqsadida kuzgi şudgorni sifatli ötkaziş, yerga yer qöşiş, dala çetlariga köçat ekiş, içki ariqlarni tozalaş va betonlaştiriş masalalariga bağişlangan viloyat körgazmali seminari bölib ötdi.

🤝 Seminarda viloyat qişloq xöjaligi sohasi mutasaddilari, xizmat körsatuvçi taşkilotlar vakillari, tuman hokimlarining qişloq xöjaligi masalalari böyiça örinbosarlari va boşqa masʼullar iştirok etdi.

🖇 Unda kuzgi şudgorni sifatli taşkil etiş, yerga yer qöşiş va dala madaniyatini şakllantiriş böyiça agrotexnik tadbirlar amalda körsatib berildi.

📊 Joriy mavsumda viloyat böyiça 108 477 gektar maydonda şudgor işlari belgilangan. Şundan 12 241 gektari ğözadan, 70 728 gektari takroriy ekinlardan, 25 328 gektari esa boşqa qişloq xöjaligi ekinlaridan böşagan maydonlarga töğri keladi. Işlarni tizimli taşkil etiş maqsadida 126 ta otryad şakllantirilgan.

⚙️ Seminarda otryadlarning uzluksiz işlaşi va mavsumni qisqa muddatda yakunlaşi uçun körilgan çoralar, biriktirilgan texnikalar hamda ehtiyot qismlar zaxirasi közdan keçirildi. Otryad aʼzolari rağbatlantirildi.

🗣 Seminar davomida soha mutasaddilarining hisobotlari eşitilib, tajribali oqsoqollarning maslahatlari tinglandi. Namangan viloyati hokimi Şavkatjon Abdurazzoqov kun tartibidagi masalalarga töxtalib, soha xodimlari oldida turgan vazifalarni belgilab berdi.

🌐Website 💬Telegram 💬Facebook 📺YouTube 📷Instagram

FAO va Qişloq xöjaligi vazirligi dehqonlarga amaliy kömak körsatmoqda

✅ Birlaşgan Millatlar Taşkilotining Oziq-ovqat va qişloq xöjaligi taşkiloti (FAO) Qişloq xöjaligi vazirligi bilan hamkorlikda Farğona vodiysidagi dehqon va tomorqa xöjaliklarini qöllab-quvvatlaş işlarini davom ettirmoqda.

*️⃣ Hamkorlikda amalga oşirilayotgan “Farğona vodiysida qişloq xöjaligini barqaror rivojlantiriş uçun Janub va uç tomonlama hamkorlik” loyihasi doirasida Andijon, Namangan va Farğona viloyatlaridagi benefitsiarlarga 12 ta motokultivator va 12 ta qöl purkagiç topşirildi. Şuningdek, Andijon viloyatining Qörğontepa tumanidagi loyiha iştirokçilariga 1 tonna karbamid mineral öğiti yetkazib berildi.

🚜 Mazkur texnikalar tuproqqa işlov beriş, qöl mehnatini kamaytiriş hamda ekinlarni kasallik va zararkunandalardan himoya qiliş işlarini yengillaştirişga xizmat qiladi.

📚 Loyiha doirasida dehqonlarning bilim va könikmalarini oşirişga ham alohida e’tibor qaratilmoqda. Xususan, sentabr va oktabr oylarida uçta viloyatda taşkil etilgan trenerlar tayyorlaş kurslarini 38 nafar iştirokçi muvaffaqiyatli yakunladi.

💧 Maşğulotlarda tuproq va suv resurslarini barqaror boşqariş, iqlimga çidamli ekinlarni yetiştiriş hamda zamonaviy agrotexnologiyalarni qöllaş masalalari yoritildi.

💻 Loyiha texnik kömak va amaliy ta’limni uyğunlaştiriş orqali kiçik xöjaliklarning işlab çiqariş salohiyatini mustahkamlaş, iqlim özgarişiga moslaşuvçan qişloq xöjaligini rivojlantiriş hamda qişloq aholisi turmuş şaroitini yaxşilaşga qaratilgan.

✅ FAO va Qişloq xöjaligi vazirligi hamkorligi dehqonlar mehnatini yengillaştiriş, resurslardan samarali foydalaniş va qişloq xöjaligi samaradorligini oşirişga xizmat qiladi.

🌐Website 💬Telegram 💬Facebook 📺YouTube 📷Instagram

Sifatli uruğ – möl hosil va oziq-ovqat xavfsizligining mustahkam poydevori

🗣Ayni paytda poytaxtimizdagi “InterContinental Tashkent” mehmonxonasida IX Xalqaro ECOSA uruğçilik kongressi bölib ötmoqda. Xalqaro miqyosdagi mazkur tadbirda qişloq xöjaligida uruğçilik tizimini rivojlantiriş, zamonaviy navlarni yaratiş, ilmiy yutuqlar va ilğor tajribalarni ommalaştiriş masalalari muhokama qilinmoqda.

🌱Kongressda Özbekiston Respublikasi Qişloq xöjaligi vaziri Ibrohim Abdurahmonov nutq sözlab, uruğçilikning agrar tarmoq taraqqiyoti, hosildorlik va oziq-ovqat xavfsizligini ta’minlaşdagi strategik ahamiyatiga alohida töxtaldi.

🌱Ta’kidlanganidek, qişloq xöjaligining poydevori – sifatli uruğ. Çunki möl hosilga erişiş, fermer va dehqonlarning mehnati samaradorligini oşiriş, işlab çiqarişdan közlangan natijalarni ta’minlaş, eng avvalo, ekilayotgan uruğning sifati va salohiyatiga boğliq.

📈Bugun esa bu borada yangi yondaşuvlar, zamonaviy ilmiy yeçimlar va innovatsion işlanmalar tobora muhim ahamiyat kasb etmoqda.

🏦Keça muayyan hudud şaroitida yuqori samara bergan nav bugungi şaroitda kutilgan natijani bermasligi mumkin. Şu bois qurğoqçilikka, issiqqa va turli kasalliklarga çidamli, suvdan samarali foydalanadigan, yuqori hosildorlikka ega yangi navlarni yaratiş va amaliyotga joriy etiş bugungi kunning dolzarb vazifalaridan biridir.

🗣Vazir öz nutqida uşbu jarayonda ilm-fan va xalqaro hamkorlikning örniga alohida e’tibor qaratdi. Vazirning ta’kidlaşiça, bugungi kongress şunçaki tajriba almaşiş maydoni emas, balki umumiy muammolarga birgalikda yeçim topiş, ilmiy salohiyatni birlaştiriş va kelajak uruğçiligining ustuvor yönalişlarini belgilaş uçun muhim.

🗣Vazir kongress doirasida ilgari suriladigan taklif va taşabbuslarni atrofliça körib çiqişga tayyor ekanini ham bildirdi.

Şuningdek, vazir öz nutqida genetika va epigenetika masalalariga ham alohida töxtalib, Özbekistonda genetika va epigenetikaga asoslangan qişloq xöjaligini rivojlantiriş boşlanganini ta’kidladi. Şuningdek, kongress iştirokçilariga murojaat qilib, bugungi iqlim özgarişlari şaroitida yangi, istiqbolli uruğ navlarini yaratiş uçun zamonaviy dasturlar va innovatsion yondaşuvlarni işlab çiqiş, ilmiy hamkorlikni yanada kuçaytiriş zarurligini qayd etdi.

🌐Website 💬Telegram 💬Facebook 📺YouTube 📷Instagram