KELGUSI HOSILGA BUGUNDAN POYDEVOR: POPDA KUZGI DALA ISHLARI

🌿 Pop tumanida kelgusi yil hosili uchun yer maydonlarini sifatli tayyorlash, kuzgi agrotexnik tadbirlarni o‘z vaqtida amalga oshirish va qishloq xo‘jaligida samaradorlikni oshirish ishlari izchil davom etmoqda.

🚜 «Yakkatut» MMTP hududidagi «Shuhrat Umid servis» fermer xo‘jaligi dala maydonida kuzgi shudgorlash ishlarini samarali tashkil etishga bag‘ishlangan amaliy seminar bo‘lib o‘tdi.

⏺Tadbirda viloyat va tuman mas’ullari hamda soha mutaxassislari ishtirok etib, yer resurslaridan oqilona foydalanish, foydalanishdan chetda qolgan yerlarni qishloq xo‘jaligi aylanmasiga kiritish, ichki ariqlarni tozalash va hududlarni obodonlashtirish masalalari yuzasidan tegishli topshiriqlar berdilar.

🍂 Kuzgi dala ishlarini qisqa muddatlarda va agrotexnik talablar asosida bajarishda zamonaviy, yuqori unumli qishloq xo‘jaligi texnikalarining o‘rni beqiyos.

🚜 Bu borada «O‘zagrolizing» AJ tomonidan fermer xo‘jaliklarini zamonaviy qishloq xo‘jaligi texnikalari bilan ta’minlash va ularni lizing asosida yetkazib berishga alohida e’tibor qaratilmoqda. Mazkur yo‘nalishdagi ishlar qishloq xo‘jaligi jarayonlarini mexanizatsiyalashtirish, yerga ishlov berish sifatini oshirish va agrotexnik tadbirlarni o‘z vaqtida bajarishga xizmat qiladi.

👍 Pop tumani bo‘yicha kuzgi shudgorlash ko‘rsatkichlari:
- 16 334 gektar yer maydonini shudgorlash rejalashtirilgan;
- 13 ta otryad tashkil etilgan;
- 3 ta yuqori unumli texnika jalb qilingan.

Sifatli shudgor, zamonaviy texnika va o‘z vaqtida bajarilgan agrotexnik tadbirlar — 2027-yil hosilining mustahkam poydevori!

#KuzgiShudgor 🌎 www.uzal.uz🕊Telegram | 📹Instagram | 📱Facebook | 📺YouTube

YOSHLAR TASHABBUSI — TARAQQIYOT POYDEVORI

🚜 Yoshlarni qo‘llab-quvvatlash, ularning siyosiy va ijtimoiy faolligini oshirish, davlat boshqaruvidagi ishtirokini kengaytirish hamda tashabbuslarini ro‘yobga chiqarish “O‘zagrolizing” AJ faoliyatining muhim yo‘nalishlaridan biridir.

🤔 “Yoshlar kuni” doirasida davlat rahbari darajasida o‘tkazilgan ochiq muloqotlarda belgilangan vazifalar ijrosini ta’minlash, yoshlarning muammo va takliflarini o‘rganish, shuningdek, ularni qarorlar qabul qilish jarayonlariga jalb etish maqsadida qator amaliy tadbirlar tashkil etilmoqda.

⏺Jumladan, Jamiyatning hududiy filiallari direktorlari hamda mahalliy yosh fermerlar o‘rtasida ochiq muloqotlar o‘tkazilib, yosh tadbirkor va fermerlarni qiynayotgan masalalarni aniqlash, ularning faoliyatiga to‘sqinlik qilayotgan muammolarni o‘rganish hamda tegishli yechimlarni ishlab chiqishga alohida e’tibor qaratilmoqda.

📝 Shuningdek, yoshlarning rahbarlik va boshqaruv ko‘nikmalarini rivojlantirish, ularda mas’uliyat, tashabbuskorlik va yetakchilik sifatlarini shakllantirish maqsadida “Bir kunlik rahbar” loyihasini amalga oshirishga alohida e’tibor qaratilmoqda. Loyiha doirasida yoshlarga rahbarlarning kundalik faoliyati, boshqaruv jarayonlari va qarorlar qabul qilish mexanizmlari bilan yaqindan tanishish imkoniyati yaratiladi.

#yoshlar_siyosati 🌎 www.uzal.uz🕊Telegram | 📹Instagram | 📱Facebook | 📺YouTube

“O‘ZAGROLIZING” AJDA XAVFSIZ VA HURMATGA ASOSLANGAN MEHNAT MUHITI MASALALARI MUHOKAMA QILINDI

🚜 Bugun “O‘zagrolizing” aksiyadorlik jamiyatida O‘zbekiston Respublikasi Vazirlar Mahkamasining 2026-yil 28-sentabrdagi 518-sonli "Davlat organlari va tashkilotlarida mehnat sohasida xavfsiz va hurmatga asoslangan ish muhitini ta’minlash mexanizmlarini joriy etish chora-tadbirlari to‘g‘risida”gi qarorining mazmun-mohiyatini tushuntirishga bag‘ishlangan seminar tashkil etildi.

💬 Seminarda Toshkent davlat yuridik universitetining mas’ul vakili J. Boqiyev ishtirok etib, mazkur qarorning asosiy maqsadi, belgilangan vazifalar hamda mehnat munosabatlarida xavfsiz, sog‘lom va o‘zaro hurmatga asoslangan muhitni shakllantirishning huquqiy asoslari haqida batafsil ma’lumot berdi.

✅ Tadbir davomida mehnat sohasida tazyiq va zo‘ravonlik holatlarining oldini olish, xodimlarning huquq va qonuniy manfaatlarini himoya qilish, bunday holatlar yuzasidan murojaat qilish mexanizmlarini takomillashtirish hamda muammoli vaziyatlarga nisbatan belgilangan tartibda munosabat bildirish masalalariga alohida e’tibor qaratildi.

🤔 Ta’kidlash joizki, mehnat jamoasida xavfsizlik va o‘zaro hurmat tamoyillarini qaror toptirish nafaqat xodimlarning huquqlarini ta’minlash, balki tashkilotda sog‘lom ma’naviy-psixologik muhitni shakllantirish, mehnat samaradorligini oshirish va korporativ madaniyatni rivojlantirishda ham muhim ahamiyat kasb etadi.

#huquqiy_savodxonlik 🌎 www.uzal.uz
🕊Telegram | 📹Instagram | 📱Facebook | 📺YouTube