"O‘zatom" agentligida "Rahbar kubogi" sport musobaqasi bo‘lib o‘tdi

"O‘zatom" agentligida an’anaviy "Rahbar kubogi" sport musobaqasi muvaffaqiyatli o‘tkazildi. Tadbirda Agentlik markaziy apparati, AES qurilishi direksiyasi va "MMFI" MTYAU Toshkent filiali xodimlari ishtirok etdi.

Musobaqa atom sanoati xodimlari o‘rtasida sog‘lom turmush tarzini targ‘ib qilish, ommaviy sportni rivojlantirish va korporativ ruhni, jamoaviy hamjihatlik va do‘stlikni mustahkamlash maqsadida tashkil etildi.

Ishtirokchilar sportning uch turi: mini-futbol, stol tennisi va shashka bo‘yicha bellashdilar. Barcha uchrashuvlar ochiqlik tamoyili va sog‘lom raqobat, o‘zaro qo‘llab-quvvatlash hamda yuqori sport kayfiyati muhitida o‘tdi. Sportchilar nafaqat a’lo darajadagi jismoniy tayyorgarlik va mahorat, balki haqiqiy jamoaviy birdamlik, g‘alabaga bo‘lgan iroda va raqibga hurmatni ham namoyish etdilar.

""Rahbar kubogi" sport musobaqalari sog‘lom turmush tarzi va jamoaviy ruhga umumiy sodiqligimizning yorqin namunasidir. Barcha ishtirokchilar va g‘oliblarni samimiy tabriklayman! Bunday tadbirlar nafaqat xodimlarning jismoniy salomatligini mustahkamlaydi, balki eng murakkab vazifalarni samarali hal qila oladigan jipslashgan, g‘ayratli jamoani shakllantirishga ham xizmat qiladi. Biz "O‘zatom" tizimida bunday tashabbuslarni bundan keyin ham faol qo‘llab-quvvatlaymiz." - deya ta'kidladi "O‘zatom" agentligi direktori o‘rinbosari Nozim Muksinov.

"O‘zatom" agentligining sport targ‘iboti bo‘yicha mas’ul xodimi Shixnazar Amongeldiyev ham tadbir borasida o'z fikrini quyidagicha bildirdi:

"Xodimlarimiz sport tadbirlariga qanday ishtiyoq bilan kirishganini ko‘rib turibmiz. "Rahbar kubogi" - bu shunchaki musobaqa emas, balki do‘stlikni mustahkamlash, motivatsiyani oshirish va faol hamda sog‘lom turmush tarziga odatlanish uchun tayyor maydondir. Bunday tadbirlar butun atom sanoati jamoasi uchun juda muhim va biz ularning formatini kengaytirishni, shu bilan birga yanada tez-tez o‘tkazishni rejalashtirmoqdamiz."

Musobaqa yakunida g‘olib va sovrindorlar Agentlik direktori o'rinbosari tomonidan tantanali ravishda taqdirlandi.

"Rahbar kubogi" musobaqalari natijalari:

Shashka
1-o‘rin - Bazarbayeva Gulchehra ("MMFI" TF)
2-o‘rin - Busakova Darixa ("O‘zatom" agentligi)
3-o‘rin - Malisheva Anastasiya (AES qurilishi direksiyasi)

Stol tennisi (ayollar)
1-o‘rin - Muxitdinova Roziya (AES qurilishi direksiyasi)
2-o‘rin - Ashirmatova Nargiza ("MMFI" TF)
3-o‘rin - Mirzayeva Kamola ("MMFI" TF)

Erkaklar stol tennisi
1-o‘rin - Abdiazizov Asadbek (AES qurilishi direksiyasi)
2-o‘rin - Hasanov Dilmurod (AES qurilishi direksiyasi)
3-o‘rin — Abdukarimov Elyor ("MMFI" TF)

Mini futbol
1-o‘rin - "MMFI" Toshkent filiali jamoasi
2-o‘rin - AES qurilishi direksiyasi jamoasi
3-o‘rin - "O‘zatom" agentligi jamoasi

"O‘zatom" agentligi doimo tizim xodimlarining salomatligi, jamoaviy ruhi va har tomonlama rivojlanishiga qaratilgan tashabbuslarni faol qo‘llab-quvvatlaydi.

O‘zatom | Facebook | Instagram | YouTube | X | LinkedIn

“Bustlar” qoldiring
Оставляйте «бусты»

Tarixiy voqea: O‘zbekistonda integratsiyalashgan atom elektr stansiyasi qurilishi boshlandi
 
O‘zbekiston va Rossiya prezidentlari ishtirokida O‘zbekistondagi birinchi integratsiyalashgan atom elektr stansiyasi qurilishiga start berildi.
Bo‘lajak energoblok poydevoriga “birinchi beton” quyildi.
 
2026-yil 4-iyun kuni O‘zbekiston Respublikasi Jizzax viloyatining Forish tumanida integratsiyalashgan atom elektr stansiyasining birinchi energoblokiga tamal toshi qo‘yishga bag‘ishlangan tantanali marosim bo‘lib o‘tdi. “Birinchi beton”ning ramziy quyilishi mintaqa uchun noyob bo‘lgan yuqori texnologiyali energetika obyektining rasman qurila boshlaganini anglatadi.

Marosim O‘zbekistondagi qurilish maydonini Sankt-Peterburg shahri bilan bog‘lagan teleko‘prik formatida o‘tkazildi. Qurilishning boshlanishiga O‘zbekiston Respublikasi Prezidenti Shavkat Mirziyoyev va Rossiya Federatsiyasi Prezidenti Vladimir Putin ruxsat berdi. Tadbir ishtirokchilariga Atom energiyasi xalqaro agentligi (AEXA) Bosh direktori Rafael Grossi tabrik nutqi bilan murojaat qildi.

O`zbekiston Respublikasi Vazirlar Mahkamasi huzuridagi Atom energiyasi agentligi direktori Azim Axmedxadjayev va “Rosatom” davlat korporatsiyasi rahbariyati marosim ishtirokchilariga loyihaning amalga oshirilishi borasidagi ishlar haqida axborot berdi.

Ma’ruzalardan so‘ng O‘zbekiston Respublikasi Prezidenti Shavkat Mirziyoyev, “O‘zatom” direktori Azim Axmedxadjayev, “Rosatom” rahbariyati, AEXA Bosh direktori Rafael Grossi va MMFI Milliy tadqiqot yadro universiteti Toshkent filiali talabalari ramziy tugmani bosib, integratsiyalashgan AESning birinchi energoblogi qurilishiga rasman start berdilar.
 
“O‘zatom” agentligi direktori Azim Axmedxadjayev ushbu muhim voqeani sharhlar ekan, quyidagilarni ta’kidladi:

“Bugun biz shunchaki atom stansiyasi poydevoriga birinchi betonni qo‘yayotganimiz yo‘q. Biz O‘zbekiston Respublikasining porloq va barqaror kelajagiga poydevor qo‘ymoqdamiz.
Ushbu integratsiyalashgan AES mamlakatimizning yangi texnologik bosqichi – energetik mustaqillik, sanoat o‘sishi va ekologik xavfsizlik bosqichining ramzi bo‘ladi. Prezident Shavkat Miromonovich Mirziyoyevning rahbarligi ostida O‘zbekiston o‘z suverenitetini mustahkamlagan holda, innovatsiyviy rivojlanish uchun yangi ufqlarni ochib, jahon energetikasining ilg‘or marralarini dadil zabt etmoqda. Bugun faqat elektr stansiyasini qurilmayapti, balki O‘zbekistonning kelajak avlodlari uchun farovon, texnologiya jihatdan yetakchi va barqaror yangi davriga zamin yaratilmoqda”.

 
Batafsil maʼlumotni saytimizda oʻqing.

O‘zatom | Facebook | Instagram | YouTube | X | LinkedIn

“Bustlar” qoldiring
Оставляйте «бусты»