⚡️⚡️⚡️Qashqadaryo viloyati Nishon tumanidagi Toifalangan obyektlarni qo'riqlash qo'shinlari qo'mondonligiga qarashli harbiy qism shaxsiy tarkibi ishtirokida Nishon tumani Nuriston qoʻrgʻonida joylashgan Amir Temur madaniyat saroyida Oʻzbekiston Respublikasi Qurolli Kuchlari tashkil etilganining 34 yilligi hamda Vatan himoyachilari kuni munosabati bilan bayram tadbiri o‘tkazildi.

Bayram tadbiriga Oʻzbekiston Respublikasi Harbiy xavfsizlik va mudofaa universitetining Harbiy aviatsiya instituti orkestr jamoasi taklif etildi. Shuningdek, tadbir davomida namunali xizmat qilgan harbiy xizmatchilar yuqori qoʻmondonlik va harbiy qism komandiri tomonidan taqdirlandi.

👉@mudofaalive

⚡️⚡️⚡️“Milliy armiya — Ona yurt qalqoni, tinchligimiz posboni” shiori ostida vatanparvarlik tadbiri bo‘lib o‘tdi.

Qarshi tumanida joylashgan Yengil sanoat texnikumida 14-yanvar — Vatan himoyachilari kuni munosabati bilan ma’naviy-ma’rifiy va vatanparvarlik ruhidagi tadbir tashkil etildi. Tadbirda Harbiy xavfsizlik va mudofaa universitetining Harbiy aviatsiya instituti orkestr jamoasi ishtirok etdi.
Tadbir davomida orkestr jamoasi tomonidan ijro etilgan vatanparvarlik ruhidagi kuy-qo‘shiqlar yoshlarda ona Vatanga muhabbat, milliy armiyamizga bo‘lgan faxr va sadoqat tuyg‘ularini yanada mustahkamlandi. Shuningdek, milliy armiyamizning jamiyat hayotidagi o‘rni, yurt tinchligi va osoyishtaligini ta’minlashdagi fidokorona xizmatlari alohida e’tirof etildi.
Mazkur tadbir yoshlarni harbiy-vatanparvarlik ruhida tarbiyalash, ularning qalbida Vatan himoyasi muqaddas burch ekanini chuqur singdirishga xizmat qildi.

↘️ Yangiliklarni kuzatib boring:

Telegram | Instagram | Airforce.uz