🎯 Bugun Oʻzbekiston Respublikasi Harbiy xavfsizlik va mudofaa universitetida "Balli ayollar" ko'rik-tanlovining Universitet tarkibidagi harbiy ta'lim muassasalari ishtirokchilari o'rtasida 2-bosqichi o'tkazildi.
🥉Mazkur musobaqa doirasida Harbiy aviatsiya instituti sha'nini Turg'unovlar oilasi munosib himoya qilib, faxrli 3-o'rinni egallashdi.
Tanlov ishtirokchilari 5 ta shart doirasida bellashib, o'zlarini badiiy estetik did, tafakkur, mahorat va hozirjavoblik kabi sifatlarda sinab ko'rishdi. Yakunda g'oliblar qimmatbaho sovg'alar bilan taqdirlandi.

📎 O'zbekiston Respublikasi harbiy xavfsizlik va mudofaa universitetining Harbiy aviatsiya instituti harbiy xizmatchilari istiqomat qiluvchi harbiy shaharchada Mudofaa vazirligi harbiy xizmatchilarning oila a'zolari bilan ishlash bo'limi bosh mutaxassisi QK xizmatchisi Zulfiya Mansurova tomonidan harbiylarning turmush o'rtoqlari bilan namunali oila tutish, farzand tarbiyasida milliy qadriyatlarning o'rni, nizoli munosabatlarni korreksiya qilish usul va uslublari to'g'risida davra suhbati o'tkazildi.
🏘 Suhbatdan so'ng oilalarga tashrif uyushtirib, harbiy oilalarga yaratilgan shart-sharoitlar bilan yaqindan tanishish asnosida muammoli holatlar, takliflar va harbiy oilalardagi shukronalik kayfiyati o'rganildi.

Harbiy xavfsizlik va mudofaa universitetining Harbiy aviatsiya institutida Qarshi harbiy prokuraturasi bilan hamkorlikda Qarshi shahar 1-sonli texnikum talabalari hamda Shahrisabz shahar Jasorat maktabining "Vatan tayanchi" otryadi a'zolari uchun "Ochiq eshiklar kuni" tadbiri oʻtkazildi.

Tadbir davomida mehmonlar institutda yaratilgan zamonaviy oʻquv-moddiy baza, taʼlim jarayonini tashkil etish tizimi, kursantlarning yashash va dam olishi uchun yaratilgan qulay shart-sharoitlar bilan yaqindan tanishdi.
Ochiq eshiklar kuni doirasida institutning professor-oʻqituvchilari va tajribali harbiy mutaxassislar tomonidan yoshlar bilan uchrashuvlar tashkil etildi. Ushbu muloqot jarayonida kasb tanlash masʼuliyati, harbiy xizmatning sharafi va yuksak burch ekanligi, shuningdek, harbiy aviatsiya sohasida xizmat qilishning muhim jihatlari atroflicha tushuntirib berildi.