⚡️⚡️⚡️Oʻzbekiston Respublikasi Harbiy xavfsizlik va mudofaa universitetining Harbiy aviatsiya instituti orkestr jamoasi Oʻzbekiston Respublikasi maktabgacha va maktab taʼlimi vazirligi taklifiga binoan Toshkent shahriga yetib keldi. Shuningdek, orkestr jamoasi uchun Amir Temur muzeyi hamda Gʻalaba bogʻida mazmunli ekskursiyalar tashkil etildi.Tarix va bugunning uygʻunligi — yosh ijod ahlining qalbida yanada yuksak vatanparvarlik tuygʻularini mustahkamladi.

⚡️⚡️⚡️Oʻzbekiston Respublikasi maktabgacha va maktab taʼlimi vazirligi tashabbusi bilan tashkil etilgan “Navroʻz sayli” boshlandi. bayrami tantanalari yuqori kayfiyat va koʻtarinki ruhda boshlandi.
Mazkur bayramda Oʻzbekiston Respublikasi Harbiy xavfsizlik va mudofaa universitetining Harbiy aviatsiya instituti harbiy orkestr jamoasi ham faol ishtirok etib, oʻzlarining yuqori saviyadagi koʻrgazmali chiqishlari bilan tomoshabinlar eʼtiborini qozonmoqda.

“Qashqadaryo tajribasi” ko‘p yo‘nalishli loyihasining muhim yo‘nalishlaridan biri — musiqa san’atidir. Aynan shu tajriba asosida viloyat maktablari o‘quvchilaridan saralab shakllantirilgan O‘zbekiston Respublikasi Harbiy xavfsizlik va mudofaa universitetining Harbiy aviatsiya instituti yoshlar orkestr jamoasi o‘z iste’dodi va mahoratini namoyon etib kelmoqda.
Mazkur jamoa O‘zbekiston Respublikasi maktabgacha va maktab ta’limi vaziri E'zozaxon Karimovaning taklifiga binoan Toshkent shahrida tashkil etilgan “Navro‘z sayli” tadbirida faol ishtirok etdi. Ularning sahnadagi chiqishlari nafaqat musiqiy jihatdan, balki ma’naviy-ma’rifiy mazmuni bilan ham tomoshabinlar qalbidan chuqur joy oldi.Ijro etilgan kuy-qo‘shiqlar milliy ruh, vatanparvarlik va yoshlarning yuksak salohiyatini o‘zida mujassam etib, tadbir ishtirokchilariga o‘zgacha kayfiyat, ko‘tarinki ruh va unutilmas taassurotlar baxsh etdi. Yosh orkestr jamoasining bunday chiqishlari “Qashqadaryo tajribasi”ning samaradorligi va yosh avlodni har tomonlama barkamol etib tarbiyalashdagi ahamiyatini yana bir bor yaqqol namoyon etdi.