“Qashqadaryo tajribasi” ko‘p yo‘nalishli loyihasining muhim yo‘nalishlaridan biri — musiqa san’atidir. Aynan shu tajriba asosida viloyat maktablari o‘quvchilaridan saralab shakllantirilgan O‘zbekiston Respublikasi Harbiy xavfsizlik va mudofaa universitetining Harbiy aviatsiya instituti yoshlar orkestr jamoasi o‘z iste’dodi va mahoratini namoyon etib kelmoqda.
Mazkur jamoa O‘zbekiston Respublikasi maktabgacha va maktab ta’limi vaziri E'zozaxon Karimovaning taklifiga binoan Toshkent shahrida tashkil etilgan “Navro‘z sayli” tadbirida faol ishtirok etdi. Ularning sahnadagi chiqishlari nafaqat musiqiy jihatdan, balki ma’naviy-ma’rifiy mazmuni bilan ham tomoshabinlar qalbidan chuqur joy oldi.Ijro etilgan kuy-qo‘shiqlar milliy ruh, vatanparvarlik va yoshlarning yuksak salohiyatini o‘zida mujassam etib, tadbir ishtirokchilariga o‘zgacha kayfiyat, ko‘tarinki ruh va unutilmas taassurotlar baxsh etdi. Yosh orkestr jamoasining bunday chiqishlari “Qashqadaryo tajribasi”ning samaradorligi va yosh avlodni har tomonlama barkamol etib tarbiyalashdagi ahamiyatini yana bir bor yaqqol namoyon etdi.

⚡️⚡️⚡️Bugun Oʻzbekiston Respublikasi Harbiy xavfsizlik va mudofaa universitetining Harbiy aviatsiya instituti boshligʻi Xamrayev Abdulla Adhamovich muborak 50 yoshni qarshi oldilar.
Ushbu qutlugʻ sana munosabati bilan Sizga mustahkam sogʻliq, uzoq umr, oilaviy baxt-saodat va fayzu baraka tilaymiz. Yurtimiz tinchligi va osmonimiz musaffoligi yoʻlida olib borayotgan mashaqqatli, ayni paytda sharafli xizmatlaringizda doimo yuksak natijalarga erishib, yangi marralarni zabt etishingizni tilab qolamiz.
Sizning fidoyiligingiz, rahbarlik salohiyatingiz hamda Vatanga boʻlgan sadoqatingiz yosh avlod uchun ibrat maktabi boʻlib xizmat qilmoqda. Kelgusida ham yurt ravnaqi, harbiy sohaning rivoji yoʻlida qilayotgan ezgu ishlaringiz bardavom boʻlsin.