🇺🇿Yoshlar bilan ishlash samaradorligini oshirish — ustuvor vazifa

🔗Mudofaa vazirligiga biriktirilgan yoshlar bilan ishlash tizimi samaradorligini yanada oshirish maqsadida Janubi-g‘arbiy maxsus harbiy okrugi boshqaruv apparatida tumanlarga biriktirilgan shtab a’zolari ishtirokida hisobot yig‘ilishi o‘tkazildi. Yig‘ilish davomida yoshlar bilan amalga oshirilgan ma’naviy-ma’rifiy, harbiy-vatanparvarlik va tarbiyaviy ishlar tahlil qilinib, kelgusidagi vazifalar belgilab olindi.

➡️Tadbirda yoshlarni vatanparvarlik ruhida tarbiyalash, ularning bo‘sh vaqtlarini mazmunli tashkil etish, iqtidorli yoshlarni qo‘llab-quvvatlash hamda muammolarini o‘rganish borasida olib borilayotgan ishlar muhokama qilindi.

➡️Shuningdek, mas’ullarga yoshlar bilan manzilli ishlash, ularning taklif va tashabbuslarini qo‘llab-quvvatlash, harbiy qismlar va ta’lim muassasalari o‘rtasida hamkorlikni yanada kuchaytirish yuzasidan tegishli topshiriqlar berildi.

➡️Yig‘ilish yakunida kelgusida amalga oshiriladigan ustuvor vazifalar belgilab olinib, yoshlar bilan ishlashda tizimli va samarali faoliyatni davom ettirish ta’kidlandi.

➡️ Bizning rasmiy sahifalarimiz
✈️Telegram 2️⃣ Instagram 3️⃣ Facebook