“Tilni asra, millatni asra, kelajagimizni asra” mavzusida ma’naviy-ma’rifiy uchrashuv tashkil etildi

21-oktyabr — O‘zbek tiliga davlat tili maqomi berilganligining 36 yilligi munosabati bilan Paxtakor tumanida joylashgan harbiy qism shaxsiy tarkibi bilan “Tilni asra, millatni asra, kelajagimizni asra” mavzusida ma’naviy-ma’rifiy uchrashuv o‘tkazildi.

Tadbirda O‘zbekiston yozuvchilar uyushmasi Jizzax viloyati bo‘limi, Mudofaa vazirligi huzuridagi jamoatchilik kengashi aʼzolari va viloyat madaniyat boshqarmasi xodimlari ishtirok etdi.

Uchrashuvda so‘z olganlar til millatning ruhi, tarixiy xotirasi va tafakkur ko‘zgusi ekanini, uni asrash esa har bir inson, ayniqsa yosh avlodning muqaddas burchi ekanini ta’kidlashdi. O‘zbek tilining bugungi kundagi maqomi, uning xalqaro miqyosdagi nufuzi va kelajak avlodlar uchun qadr-qimmati haqida fikrlar bildirildi.

↘️Yangiliklarni kuzatib boring:

Telegram | Instagram | Airforce.uz

"Oʻzbek tili bayrami kuni"

Hech shubhasiz, xalqning oʻzligini namoyon etuvchi qadriyatlaridan biri uning milliy tilidir. Til millatning yashashi va ravnaq topishining kafolati, kerak boʻlsa asosiy sharti hisoblanadi. Zotan, bugungi tahlikali davrda har bir xalq, har qaysi mustaqil davlat oʻz milliy manfaatlarini taʼminlash maqsadida, avvalo, oʻz ona tilini asrab-avaylash va rivojlantirish masalasiga ustuvor ahamiyat qaratishi tabiiy.

Harbiy xavfsizlik va mudofaa universiteti Harbiy aviatsiya institutida "Til yashasa, millat yashaydi" shiori ostida ko'tarinki ruhda o'tkazilgan tadbir ham ayni shu masalalarga bagʻishlandi.

Tadbirda soʻzga chiqqanlar ona tilining jamiyatimizdagi ahamiyati uning oʻrni juda muhim ekanligi toʻgʻrisida oʻz fikrlarini bildirishdi.
Undan soʻng Qarshi shahrida joylashgan 23-maktab o'quvchilar tomonidan tayyorlangan turli chiqishlar mehmonlarga havola etilib tashrif buyurganlarga oʻzgacha kayfiyat ulashishdi.

↘️ Yangiliklarni kuzatib boring;

Telegram| Instagram |Airforce.uz

⚡️⚡️⚡️Harbiy xavfsizlik va mudofaa universiteti Harbiy aviatsiya institutida 21-oktabr – O‘zbek tiliga davlat tili maqomi berilgan kun munosabati bilan “Til yashasa, millat yashaydi” shiori ostida ma’naviy-ma’rifiy tadbir tashkil etildi.

Tadbirda institut rahbariyati, professor-o‘qituvchilar hamda kursantlar ishtirok etishdi. So‘zga chiqqanlar ona tilining jamiyatimizdagi o‘rni, uning milliy qadriyatlarimizni asrash va rivojlantirishdagi ahamiyati haqida so‘z yuritib, o‘zbek tili davlat ramzlari qatorida millatning iftixori ekanini ta’kidladilar.

Tadbir yakunida Qarshi shahridagi 23-maktab o‘quvchilari tomonidan tayyorlangan badiiy chiqishlar, she’rlar va sahna ko‘rinishlari namoyish etildi. Yosh ijodkorlarning mahoratli chiqishlari mehmonlarga bayramona kayfiyat ulashdi.

👉 https://t.me/+DgvJ8A_-_t5kZGUy