Konferensiyaning asosiy maqsadi mavjud uchish apparatlari va ularning turli tizimlari modernizatsiyasi natijasida uchish apparatlarining aviatsiya jihozlari ekspluatatsiyasi bilan bog'liq muammolarni o'rganish va ularga yechim izlash, zamonaviy uchish apparatlarini o'zlashtirish hamda ularni ekspluatatsiya qilishda yangi bilimlarni muhandis-texnik tarkibga samarali yetkazish metodikasini takomillashtirish.

Mazkur konferensiyada tegishli davlat ilmiy-tadqiqot va ishlab chigarish tashkilotlari oliy ta'lim va oliy harbiy ta'lim muassasalarining yetakchi vakillari, sohaning tajribali mutaxassislari ishtirok etadilar.

Ushbu hamkorlik axborot texnologiyalarini aviatsiya sohasidagi uygʻunligini taʼminlashda innovatsion gʻoyalarni amaliyotga tatbiq etishni belgilaydi. Memorandum aviatsiya sohasida ilmiy-tadqiqot ishlarini amalga oshirish, yosh muhandislarning gʻoyalarini qoʻllab-quvvatlash va ularni texnopark loyihalariga jalb etish, qolaversa institut kursant va tinglovchilar uchun amaliyot hamda tajriba maydoni sifatida foydalanish imkoniyatini yaratishdan iborat.
Amalga oshirilayotgan ilmiy natijalarni tijoratlashtirishga yoʻnaltirish va startap faoliyatini rivojlanishini qoʻllab-quvvatlashga xizmat qiladi.
O'zaro kelishuvda hamkorlik yoʻl xaritasida koʻzda tutilgan qoʻshimcha tadbirlar - hakaton, trening, mahorat darslari va ilmiy-amaliy seminarlarni tashkil etish boʻyicha kelishuv amalga oshirildi.