Jumladan, kamida ikki million nafar yoshlarning iqtidorini ro‘yobga chiqarish bo‘yicha belgilangan dolzarb vazifalarni izchil amalga oshirish maqsadida umumiy o‘rta ta’lim muassasalarida innovatsion va kasbiy yo‘nalishdagi to‘garaklar faoliyatini yo‘lga qo‘yish ishlari boshlab yuborildi.
Mazkur jarayon doirasida Harbiy xavfsizlik va mudofaa universiteti Harbiy aviatsiya instituti, Jizzax viloyati Maktabgacha va maktab ta’limi boshqarmasi bilan hamkorlik memorandumi imzolangan edi.
Ushbu hujjat doirasida viloyatdagi umumta’lim maktablari o'qituvchilari bilan amaliy mashgʻulotlar jadal ravishda olib borilmoqda.

Harbiy xizmatchilarning favqulotda holatlarda to‘g‘ri harakatlanishi, xavfning ijtimoiy darajasini aniqlash, sodir bo‘lishi mumkin bo‘lgan salbiy holatlarni oldini olish ko‘nikmalarini oshirish maqasdida O‘zbekiston Respublikasi harbiy xavfsizlik va Harbiy aviatsiya institutida Qashqadaryo viloyati Favqulotda vaziyatlar boshqarmasi mutaxassislarini jalb etgan holda “Texnogen vaziyatlarda harakatlanish tartibi va yong‘in ichida qolgan ijtimoiy obyektlarda birlamchi vositalar bilan yong‘inni bartaraf etish usullari” mavzusida mashg‘ulot tashkil etildi.