🔥 Institutda "Yong'in xavfsizligi oyligi"

Harbiy xizmatchilarning favqulotda holatlarda to‘g‘ri harakatlanishi, xavfning ijtimoiy darajasini aniqlash, sodir bo‘lishi mumkin bo‘lgan salbiy holatlarni oldini olish ko‘nikmalarini oshirish maqasdida O‘zbekiston Respublikasi harbiy xavfsizlik va Harbiy aviatsiya institutida Qashqadaryo viloyati Favqulotda vaziyatlar boshqarmasi mutaxassislarini jalb etgan holda “Texnogen vaziyatlarda harakatlanish tartibi va yong‘in ichida qolgan ijtimoiy obyektlarda birlamchi vositalar bilan yong‘inni bartaraf etish usullari” mavzusida mashg‘ulot tashkil etildi.

Qolaversa, harbiy xizmatchilar tomonidan amaliy tarzda mashg‘ulotlar bajarildi.

↘️ Yangiliklarni kuzatib boring;

Telegram | Instagram | Airforce.uz

📸📸📸 Harbiy hayot jozibasi!

Yoshlar bilan tez-tez uchrashish, ularning harbiy hayot bilan yaqindan tanishishi orqali sabot, mustahkam iroda kabi sifatlarini oshirish, o'z manfaatidan yurt manfaatini ustun qo'yuvchi kelajak avlodni shakllantirish borasida ko'pgina uzluksiz tadbirlar amalga oshirilmoqda.

Xususan, Harbiy aviatsiya institutiga ham bugun turli tumanlardan turlicha yoshdagi o'quvchilarning tashrifi uyushtirildi. Ekskursiya davomida o'quvchilar harbiylar uchun eng zarur bo'lgan mutolaa maydoni, zamona ilmi bilan hamnafas kamol topishlari maqsadida yaratilgan dasturlash, IT, innovatsiyalar uchun mo'ljallangan xonalar, jismoniy chiniqishlari uchun sport trenajyorlari, madaniy hordiq va ruhiy yuklamalarni yechish markazlarida bo'lib, chinakam ma'noda bugungi kun armiyasi uchun yetishib chiqayotgan kadrlar har tomonlama raqobatga tayyor, shuningdek o'z ishining ustasi bo'lib saflarga qo'shilayotganligiga yana bir bora amin bo'lishdi.

↘️ Yangiliklarni kuzatib boring:

Telegram | Instagram | Airforce.uz

Navbatdagi bitiruvchilarga sertifikatlar topshirildi

O‘zbekiston Respublikasi Harbiy xavfsizlik va mudofaa universiteti Harbiy aviatsiya institutining Jizzax garnizonida joylashgan o‘quv markazida Mudofaa vazirligi tasarrufidagi harbiy qismlardagi kontrakt boʻyicha harbiy xizmatchilar tarkibi bilan uchuvchisiz uchish apparatlari operatorlari mutaxassisligi boʻyicha nazariy va amaliy mashgʻulotlar tashkil etildi.

Taktik uchuvchisiz uchish apparatlari kafedrasida tahsil olgan va nazoratlarni ijobiy topshirgan harbiy xizmatchilarga Harbiy xavfsizlik va mudofaa universiteti boshligʻi oʻrinbosari hamda Harbiy aviatsiya instituti rahbari tomonidan oʻqishni tamomlaganliklari toʻgʻrisidagi sertifikatlar tantanali topshirildi.

Tadbir yakunida harbiy orkestr hamda Jizzax viloyati filarmoniyasi ijodiy jamoasi tomonidan konserti dasuri namoyish etildi.

👉 https://t.me/+DgvJ8A_-_t5kZGUy